XANANA ENTRE EMILIA E ZACARIAS

Filipe Rodrigues Pereira )*

Konflitus elites bele mosu iha kada estrata sosial. Konflitus elites bele mosu vertikalmente, entre elites iha governu no elites iha sosiadade nia laran. Konflitus elites bele mos mosu horizontalmente, entres elites iha internal sosiadade rasik. Perigu bo’ot tebes wainhira konflitus ne’e mosu paralelmente, kombinasaun entre vertikal no horizontal, hanesan mosu iha Timor-Leste iha tinan 2006 liu ba’a.

Semana rua liu ba’a mosu konflitus elites nebe’e mak publiku asiste dehan hahu husi Dr. Zacarias Albano ninia SMS ameasa ba’a PM nebe’e hakarak atu rezigna a’an husi kargu ministro NEC. Dr. Zacarias ninia SMS ameasa ne’e hamosu mos konflitus entre membrus do governu no entres elitu partidu AMP. Liu husi konflitus mai husi SMS ne’e, Dr. Zacarias konfesa ona ninia sala no husu mos diskulpa ona ba’a PM Xanana. Zacarias konfesa ho laran ka Zacarias mak lakohi hanaruk problema tamba nia senti katak, alem de nia hasoru figura Xanana nian, nia hasoru mos forsa siluman ida mak hadulas-metin hela PM Xanana?!

Depois de konflitus elite nebe’e hahu husi SMS ameasa Zacarias nian, publiku horon-is nebe’e dehan katak ministro Zacarias ninia kazu ne’e mosu tamba durante ne’e ministra Emilia Pires harí ninia Geng Politika ida iha governu AMP nia laran nebe’e buka hakas a’an atu hadau fiar politika bo’ot husi poder sentral governu nian, PM Xanana Gusmao. Tamba ne’e ikus mai publiku asiste ministro Zacarias ‘funu-malu’ ho Ministra Emilia Pires nia Geng Politika inklui ‘funu-malu’ ho S.E. Agio Pereira nebe’e sai nudar transmitor ba’a PM nia lian.

Tuir informasaun nebe’e namlekar iha sosiadade nia let, fulan ne’en depois de harí governu AMP, geng politika Emilia Pirez nian komesa buka ‘proteje’ PM Xanana husi influensia politika nebe’e mai husi partes seluk, no geng politika ne’e habelar no hakurita-a’an (monta ninia ema) ba’a ministerius prinsipais tomak. Infomasaun nebe’e publiku simu, por ezemplu dehan: iha Ministerio da Financas iha 63 adviser maibe 70% adviser husi Australia no iha mos individu rua mak importante tebes iha neba’a mak Roza no Gloria Castro, Sekretariu Estadu de Siguransa iha Ines de Araujo, Sekretario Etadu da Defeza iha Sonia, MNEC iha Viqky Tjhong, MEC iha Ana Noronha, iha mos Alfredo Pirez nebe’e ka’er kargu nudar S.E. Rekursus Naturais, no iha gabinete PM Xanana nian iha senhora Betty.

Iha informasaun nebe’e mak publiku simu mos dehan, iha tempu hirak liu ba’a wainhira senhora Betty halo lisensa de trabalho hodi sai ba’a tiha Australia, ministra Emilia Pires sempre tu’ur la hakmatek iha ninia eskritoriu. Ministra Emilia lor-loron kuaze telefone ba’a staff gabinete PM Xanana nian hodi husu tu-tuir se-se deit mak PM Xanana simu iha PM nia gabinete no koalia asuntu saida deit. Ministra Emilia hanesan hatudu ninia laran tauk, karik PM Xanana simu ema ka grupu ruma nebe’e mak bele tau perigu ba’a Gang Politika ne’e nia intereses. Mosu kestoins, intereses no objectivu saida mak Geng Politika ne’e buka?! Informasaun nebe’e monu iha grupo limitadu nia tilun dehan alem de objetikvu ekonomika no politika, diskonfia mos katak gang ne’e sai agente ruma ba’a nasaun ka korporate ruma nia intereses. Hatutan tan ho informasoins hirak ne’e, dalaruma mosu ‘lia-mangasan’ husi membros do governu nebe’e hola parte iha Geng Politika ne’e ba’a membros governu sira seluk hodi dehan: “é bom koopera, se lakohi problema.” Diak liu koopera ho Geng Politika ne’e se lakohi problema.

Karik Geng Politika ne’e existe duni maka automatikamente sempre mosu ‘kompetisaun koko influensia’ hodi hadau-malu fiar politika husi poder sentral governu nian. Konaba konflitus elites semana liu ba’a, iha informasaun dehan mos katak ‘kompetisaun’ ne’e mosu nudar rezultadu political revenge (politik balas-dendam) entre grupu UDT Portugal (Zacarias) no grupu UDT Australia (Emilia Pires). Kazu pasadu nian iha dispora neba’a mak to’o ohin loron lori tama ba’a governasaun AMP nia laran. Realmente ‘UDT mate tiha ona’ maibe ninia historia de odiu no vingansa sidauk lakon, no lori tama konflitus partidaria-diasporal ne’e ba’a governasaun nia laran hodi fo’o ameasas ba’a intereses nasional.

Geng ka grupus de intereses hanesan temi iha leten la’os buat foun iha politika praktika. Iha nasaun barak grupus ka individu ho misaun hanesan temi iha leten existe ho id-idak nia kor, intereses no objektivu oi-oin. Existensia grupu ka individu ne’e buka injecta no hadau influensia ba’a no husi poder sentral nebe’e ka’er ukun. Bele kompara ho Indonesia tempu Suharto nian, iha grupu Berkeley nebe’e uluk haleu Suharto hodi fo’o influensia hatolun policy governu nian iha parte ekonomika no finansas.

Diskripisaun hanesan hato’o iha leten mak hamosu konflitus elite semana hirak liu ba’a? Bele tebes ba’a ema ka grupu ida, no bosok ba’a ema ka grupu seluk. Maibe Hakerek’nain hakarak dehan katak iha kazu SMS ameasas Zacarias nian bele mosu atravez ‘jogada politika’ husi Gang Politika hanesan temi dadaun iha leten, no iha ao mesmu tempu dalaruma konflitus elites ne’e mosu tamba mos Dr. Zacarias ninia hahalok no lalaok. Hahalok no lalaok Dr. Zacarias nian durante lidera MNEC bele sai mos hanesan ajudasaun ka odamatan atu Gang Politika ne’e joga-tama ninia intereses hodi hamosu konflitus elites nebe’e sosiadade asisti semana rua liu ba’a.

Tuir akompanhasaun publika, iha tempu hirak liu ba’a PM Xanana fo’o fiar ba’a ministra Emilia ba’a Guiene-Bissau, Cabu-Verde hodi halo k’nar ruma. PM fo’o fiar ba’a ministra Emilia automatikamente fo’o mos choke ba’a ministro Zacarias tamba ministro Zacarias senti Emilia Pires halo ‘intervensaun’ ba’a ninia area de trabalho nebe’e tama iha MNEC nia kompetensia. Semana hirak liu ba’a ministra Emilia hetan tan fiar husi PM Xanana hodi prepara/organiza iventu Dili Internasional Dialogue, la’os ministro Zacarias. Fenomenu saida los?! Wainhira ik-ikus ne’e ministra Emilia mak hetan fiar bo’ot husi PM Xanana hodi hala’o servisu ministro Zacarias nian. Ministro Zacarias presiza buka halo tok mos refleksaun klean ruma hodi buka hatene ninia frakeza nudar humanu. Ninia frakeza nebe’e ikus hamosu konflitus elites iha AMP nia laran. Ka fenomenu ne’e mosu tamba PM hetan duni influensia makas husi Geng Politika Emilia Pires nian?!

Karik Geng Politika ministra Emilia Pires nian existe duni maka Hakerek’nain reseiu mos, dalaruma ba’a oin la’os ministru Zacarias mesak deit mak sei hasoru tan kazu hanesan, maibe se la’kuidadu jogada-politika semilhante bele kona mos ba’a membrus governu AMP sira seluk, karik membrus governu seluk ne’e hakarak suku-bo’ok, lakohi koopera no sai ameasa ba’a Geng ne’e nia intereses.

Ho kondisaun hanesan temi iha leten, mosu kompetisaun hadau-malu influensia ba’a no husi poder sentral, presiza PM Xanana ninia laran-luak atu bele hafiltru ka hata’es influensia nebe’e mak dalaruma tama ho intensaun ba’a intereses individu ka grupu nian. Hakerek’nain hakarak dehan, normal wainhira ema ida fo’o fiar bo’ot ba’a ema seluk tamba konfiansa, maibe iha area atu jere governasaun presiza buka hases-a’an husi problema se konfiansa ne’e hachoke estrutura no normas bai-bain nebe’e existe iha politika aliansa no governasaun nia laran. Por ezemplu iha parte ida fo’o fiar ba’a ministra Emilia tamba konfiansa no iha parte seluk hamosu political offensiveness (ketersinggungan politik) iha ministro Zacarias nia parte.

Maibe Hakerek’nain mos hare katak PM Xanana ninia ‘desizaun’ lais nebe’e ‘autoriza fali” Dr. Zacarias hodi hala’o ninia k’nar nudar ministro NEC tamba PM Xanana tau a’as intereses nasional iha intereses seluk nia leten. PM Xanana mos hatene bem feitu katak iha governu aktual nebe’e harí husi prosesu demokratiku tinan hirak liu ba’a, nia (Xanana) sai nudar lideransa-politika-transaksional, lideransa nebe’e harí husi partidu lima nia hakarak, no existensia governu nebe’e Xanana lidera depende teb-tebes ba’a partidus aliansa. Xanana ho ninia konsiensia senti mos katak governu tenki la’o nafatin atu bele servi povu nia intereses, no iha ao mesmu tempu tenki buka hase’es a’an mos husi perspektivu negativas husi komunidade internal no external nebe’e bele konsidera politikus Timorenses iha habitu gosta harí-hamonu naba-naba governasaun iha kada momentu.

Bazeia mos ba’a konflitus elites ho ninia impaktus negativus nebe’e bele mosu no fo’o ameasas ba’a intereses nasional, tuir Hakerek’nain Timor-Leste presiza hamosu grupu external ho responsabilidade politika no moral nebe’e a’as atu nune’e bele tau-matan lesuk ba’a hahalok no lala’ok husi individu ka grupu nebe’e dalaruma buka utiliza k’nar politika hodi buka atinji intereses pessoais iha governu ida nia laran. **End*** (TP, Edisaun 22/4/10)

)*Analista Politika no Sosial

Dom Norberto do Amaral Ordenadu Bispo Maliana

)* FH, Dili, 24 de Abril de 2010

Arcebispo D. Leopoldo Girelli, núncio apostólico ba Indonésia no Timor-Leste partisipa ohin (24/04/10) iha Tasi-Tolu, Dili, serimonia ordenasaun episkopal D. Norberto do Amaral, Bispo foun Maliana.

Nudar timoroan, ita haksolok no orgulhu ho aktu solemnity ne'e. He'in katak hamutuk ho diocese Baucau no Dili timor bele promove kualidade sidadaun nia moris, inkluzaun sosial no hadi'ak bem-estar ema hotu nian.

Partisipa iha Serimonia ne'e D. Alberto Ricardo, bispo de Díli, e D. Basílio do Nascimento, bispo de Baucau. Iha biban ne'e simu mos prezensa Bispo Macau, D. José Lay, prelados husi Austrália, Indonésia i Burney. Tuir mos Mbo'ot sira husi estado, governo, supremo, magistradus, diplomatikus, autoridade sivil no miltares.

Tasi-tolu nakonu ho sarani sira nebe hakarak rona Bispo foun nia 'kotbah' no he'in atu hetan primeira bensaun husi D. Norberto do Amaral.

Emerito D. Ximenes Belo iha artigu publikadu iha Forum Haksesuk, 31 Janeiru 2010, dehan: "D. Norberto ho Diocese Maliana sei fo tulun ba povu timorense iha dezenvolvimentu humanu, kultural, sosial no espiritual". Esperansa nebe povu sira he'in ho fe, neon-metin no ansi ba amu-bispu sira nia 'lia-Maromak' ho ensinamentu ba valor etiku no moral iha sosiedade.

Iha biban ne'e, D. Norberto la haluha atu husik hela lia-menon ba sarani sira atu hametin fe nudar katoliku i nudar sidadaun nia husu atu iha kontribuisaun husi komunidade tomak. Dehan sei la muda nia-an (nudar pessoa) no hakarak igreja nakloke ba ema hotu, sarani sira. Hatan ba perguntas sacramentais D. Girelli, Bispo Maliana hatan "Sim, hakarak". Ne'e atu dehan katak Norberto prontu hala'o nia kna'ar ho "espiritu simplisidade, haku'ak ema hotu para servisu iha unidade no iha komunhao".

Hanoin hikas katak Timor Leste iha Diocese Dili ho Bispo D. Alberto Ricardo, Diocese Baucau ho Bispo D. Basilio de Nascimento i agora ikus D. Norberto sei hala'o nia kna'ar nudar Bispo iha Diocese Maliana nebe kaer distritu 3, Maliana, Suai no Liquiça.

)* Forum Haksesuk
Hare PERFIL Bispo D. Norberto do Amaral:
http://forum-haksesuk.blogspot.com/2010/01/diocese-de-maliana-timor-leste.html

Badala ida tan Presidente PN, Hetan Pasa Revista. Protokuler MNE-PN Inkapasidade

Husi: )* Raimundo Oqui

PROBLEMA pasa revista ba nai ulun ka orgaun soberano Timor Leste nian nafatin akontese iha rai liur. Orgaun soberanu TL ne’ebe maka hala’o viajen ba rai liur nunka halai ses husi buat ida naran pasa revista, embora ema estranjeirus kuandu tama mai TL, ita simu ka tane sira didiak hanesan manu tolun. Tanba saida maka kuandu nai ulun TL nian ba rai liur sempre hetan pasa revista, enkuantu ema estranjeirus tama mai TL livre husi pasa revista! Karik ita nia sistema serbisu iha aeroporto internasional Comoro maka lafunsiona, laiha kapasidade ka diak liu ona kompara ho nasaun sira seluk iha mundu?

Hakerek nian nudar sidadaun Timor Leste sente dissatisfas ho problema pasa revista ne’ebe sempre atake ba ita nia nain ulun sira iha kada aeroporto internasional. Problema pasa revista foin lalais akontese tan ba Presidente Parlamento Nasional Timor Leste, Fernando Lasama de Araujo wainhira hala’o viajen ba rai liur. Ho pasa revista ne’e hatudu mai ita katak dignidade Timor Leste laiha valor iha mundu internasional ho rajaun simbolu nasional estadu ida ne’e sempre hetan pasa revista iha rai liur.

Problema pasa revista ba nain ulun TL nian laos maka foin akontese ka laos akontese deit ba Presidente Parlamento Nasional, maibe akontese mos ba Primeiro Ministro no nai ulun sira seluk. Laos deit akontese iha aeroporto ida, maibe kuaze akontese iha aeroporto sira iha mundu tomak. Maske problema ne’e kontinua akontese bebeik ba orgaun soberanu sira, maibe nunka iha mudansa. Ho problema pasa revista ne’e hatudu mos mai ita katak realidade protokuler Ministerio dos Negocios Estrangeiros no Parlamento Nasionals lafunsiona no inkapasidade.

Pasa revista foin lalais mos akontese ba Primeiro Ministro Kay Rala xanana Gusmao iha aeroporto Qatar wainhira hakarak tama ba Afrika hodi hala’o enkontru ho Presidente Afrika Norte, Jacob Zumah. Maibe, antes tama ba rai ne’e ho pasiensia PM Xanana tenke hetan pasa revista. Depois ida ne’e hotu tiha funsionarius protokuler Ministerio dos Negocios Estrangeiros (MNE) nian sente hanesan buat normal ida ka pasa revista ba PM Xanana hanesan brinkeirus ida. Sira lahanoin katak ida ne’e hatun dignidade soberanu TL iha mundu internasional. Sekuandu sira hanoin katak prosesu pasa revista ba orgaun soberanu sira hatun dignidade TL ho imidiatamente bele hadia sira nia sistema serbisu hodi labele akontese tan ba loron aban, maibe problema ne’e nafatin akontese to ohin loron. Ho ida ne’e ita bele hatete katak serbisu protokuler iha TL lafunsiona, maibe Governo ida ne’e kontinua fo konfiansa ba funsionariu hirak ne’e hodi hala’o serbisu hanesan bain-bain. Tuir lolos problema pasa revista labele akontese bebeik, maibe realmente problema ne’e nafatin kotinua to ohin loron. Ita lahatene tanba saida maka eirus ne’e nafatin akontese? Protokuler MNE maka inkapasidade ka oinsa!

Sira ne’ebe maka serbisu iha parte protokolu tenke maneja didiak kona ba viajen lideransa soberanu TL ba estranjeiru. Orgaun soberanu TL nian maka Presidente Republika, Primeiru Ministru, Presidente Parlamento Nasional, Presidente Tribunal Rekursu no seluk tan. Ida ne’e tenke trata halo didiak kona ba protokolu estado, tanba sira ne’e tau hamutuk nudar simbolu estado ka simbolu RDTL. Ba iha liur tenke hetan tratamentu ho diak. Sei ita la trata ho diak entaun laos sira nia dignidade maka monu, maibe dignidade TL nudar nasaun ida mos monu hotu iha rai seluk. Ema seluk mai iha TL hetan tratamentu ho diak. Agora halo nusa maka ita nia lider rasik ba iha liu ita la trata halo ho diak. Ida ne’e labele akontese. Buat hirak ne’e hotu tanba failansu husi serbisu protokuler MNE nian. Ne’ebe tuir lolos tinan 10 ita ukun a’an Governo AMP agora atu ukun tan ba tinan lima karik tenke tau ba prioridade hodi bele desenvolve protokolu estado nian.

Atu diak liu, protokolu estado labele sai komisaun ki’ik oan ida iha MNE nia okos, maibe tenke sai nudar instituisaun independente ida. Independente intermus iha linha koordenasaun ho MNE ka estado, maibe tenke iha orgaun ida proprio duni hodi trata ba protokolu estado.

Relasiona ho pasarevista ne’ebe hala’o husi funsionariu aero portu internasional Singapura nian ba Prezidente Parlamentu Nasional, Fernando Lasama de Araujo foin lalais, Prezidente Konselu Nasional Joventude Timor Leste (KNJTL), Leovigildo da Costa Hornai hateten katak Governu tenke suspende diretor ida ne’ebe mak responsabiliza ba iha protokuler tantu iha Ministeriu Negosius Estranjeiru (MNE) no Parlamentu Nasiona (PN) . Tanba pasa revista ne’e hatun dignidade orgaun soberanu Timor Leste nian.

“hau koalia hanesan Prezidente Konselu Nasional Joventude Timor Leste (KNJTL) katak diretor ida ne’ebe mak responsabiliza ba iha protokuler tenke dipecat atau dimutasi. Tanba pasarevista ne’e hatun dignidade orgaun soberanu Timor Leste nian”. Prezidente Konselu Nasional Joventude Timor Leste (KNJTL), STL edisaun 7 Outubru 2009.

Ida ne’e kestaun la bele fo Prezidente PN ba situasaun hanesan ne’e. Tanba ita bele moe. Imajina to’ok Prezidente Parlamentu Nasional Timor Leste bele hetan pasarevista iha nasaun estranjeiru nian. Ho ida ne’e hatudu katak sistema serbisu protokuler tantu iha Ministeriu Negosius Estranjeirus (MNE) no Parlamentu Nasional laiha kapasidade. La bele fo prezidente PN ba situasaun hanesan ne’e hodi akontese fali. Tanba ne’e “hau nudar Prezidente KNJTL husu ba Governu katak tenke halo mutasi ka dinon-aktifkan hodi bele halo reflesaun ba kestaun ne’e".

Hahalok hanesan ne’e tuir Prezidente KNJTL, Leovigildo da Costa Hornai katak protokuler iha MNE no PN tenke responsabiliza hahalok hanesan ne’e. sei sira la hatan ka la responsabiliza, Embaisador tenke hatan se lae Ministru Negosius Estranjeiru, Albano da Costa tenke responsabiliza. Tanba eirus hanesan ne’e laos foin mak akontese, maibe akontese dala barak ona wainhira nai ulun nasaun ne’e nian ba rai liur sempre hetan pasarevista iha ne’eba. Tanba ne’e aliened suspende tenke hala’o mos investigasaun spesial ba hahalok hanesan ne’e. depois investigasaun mak hatudu duni hahalok hanesan ne’e, diak liu Governu tenke suspende director ida ne’ebe kaer sistema serbisu protokuler MNE no PN nian.

Lamentassaun hanesan hato’o mos husi Lucas da Costa (bankada PD) katak Akontese pasa revista ba Prezidente Parlamentu Nasional Timor Leste, Fernando Lasama de Araujo laos kulpa funsionariu imigrasaun no Alfandega Singapura nian, maibe ”ita nia funsionariu rasik ne’ebe mak hala’o knar iha embaisada Timor Leste ba Singapura nian mak sala. Tanba ne’e “MNE tenke responsabiliza failansu hanesan ne’e”, komenta Lucas.

Hau hanoin resposta ema hotu-hotu hatene ona katak atu dignifika ita nia orgaun soberania mak ita tenke hatur orgaun soberanian iha ne’ebe deit hanesan orgaun soberania rai seluk nian. Sei membru orgaun soberanu ruma mai husi Singapura iha ne’e ita simu ho diak, signifika halo tratamentu ho diak, ne’eduni ita iha direitu atu hetan tratamentu ne’ebe diak iha sira nia rai. Maibe, ida laos tanba serbisu imigrasaun no Alfandega Singapura nian mak sala. Singapura iha aerporto internasional bo’ot tebes iha ne’ebe ema tama sai barak, sira la fiksa ita nia Prezidente PN husi Timor Leste duni ka lae. Sira la fiksa. Ne’ebe so ita nia funsionariu embaisada nia iha Singapura mak tenke ba fo hatene sira katak ami nia membru orgaun soberanu ida atu mai halo vizita iha ne’e, ne’ebe halo favor ita fo netik asistensia ne’ebe digna ba nia. Maibe, ida ne’e la halo, entaun ita tenke buka responsabilidade. Konserteza responsabilidade iha Ministeriu Negosius Estranjeirus nian (MNE), tanba embaisador ka diplomata sira ne’ebe mak koloka iha Singapura, ida ne’e responsabilidade MNE nian. Tanba ne’e “hau hanoin tenke halo lalais hodi la bele hamosu ka repeta situasaun hanesan ne’e iha future”. Akontese pasa revista ba Prezidente Parlamentu Nasional Timor Leste, Fernando Lasama de Araujo laos kulpa funsionariu imigrasaun no Alfandega Singapura nian, maibe ”ita nia funsionariu rasik ne’ebe mak hala’o knar iha embaisada Timor Leste ba Singapura nian mak sala. Tanba ne’e MNE tenke responsabiliza failansu hanesan ne’e”, komenta Lucas.

Finalista UNTL fakuldade FASPOL, Holderico Ximenes hateten katak tenke duni supende preventivamente funsionarius ne’ebe assume kargu protokuler tantu iha MNE no PN. Tanba kulpa hanesan ne’e laos akontese deit ba Prezidente PN, maibe kuaze ulun bo’ot nasaun ne’e nian hanesan Prezidente da Republika (PR) no Primeiru Ministru (PM) pernah hetan ona pasarevista iha rai liur wainhira ba hala’o serbisu nasaun ne’e nian. Akontese dala barak ona, maibe Estadu ida ne’e seidauk loke matan ba problema hirak ne’e. “wainhira Estadu seidauk foti medidas hasoru modelu ema hanesan ne’e hau fiar katak failansu hanesan ne’e sei repete fali kuandu bo’ot ruma ba rai liur. Ne’eduni atu evita failansu ne’e Estadu tenke suspende ona ema ne’e hodi la bele hamoe tan soberanu Timor Leste iha rai liur”.

)* Hakerek nain eis jornalista STL
oki98@ymail.com

KOMENTARIO: ASSUNTO SOCIAL SAI POLEMIKA IHA JORNAL

)* P. JOSE CANCIO COSTA GOMES

Wainhira hau le informasaun no hanoin (opinion) sira husi Timor Leste iha blogs sira hau sente laran haksolok ho susar kahor malu deit. Hau haksolok tamba mosu intelectual Timor oan barak. Ema barak ona mak iha kualidade hakerek, no fo argumentos furak hodi justifika ninia hanoin iha publiku, la hanesan ona uluk kapacidade né ladun sobressai. Ohin loron kapacidade ne sobressai maka´as tebes e natural los. Uluk la nune tamba kondisaun la tulun ita atu desenvolve ita nia an, consequência husi moris ho presaun no tauk. Ohin loron ita livre ona, tan ne bele desenvolve capacidade natural ne. Maibe iha parte seluk hau sente laran susar oituan tamba ita la rona malu, lakohi akumula ema seluk nia hanoin nebe diak maski contraria ho ita nian; usa liafuan nebe la digna hodi hatun malu “secara halus” no mos “secara kasar”. Polemika barak mosu tamba ita usa linguagens hodi desrespeita malu, lakon confiança e consideração ba malu; dala barak ita falta de investigação dos dados molok hakerek, nune falta de ojectvidade. Tamba ne polemika mos bele tulun ita hodi sai prudente liu iha ita nia hakerek e intervenções em qualquer meio de comunicação. Ita labele estraga ita nia capacidade literária e intelectual nebe buras los hodi especulações falsas, maibe tenki analiza dados sira didiak hodi nune bele descreve objectivamente possível moluk hatun iha público. Se lae ita bele kria ambiente inimizade iha sociedade timorense.

Kleur ona mak husik hela Timor maibe hau sente la dok husi neba. Ita fahe ba malu ita nia ksolok no terus nudar Timor oan. Processo democrático exige cidadão ida-idak nia participação iha actividades políticas ba comunidade tomak nia diak (bem comum). Participação ne mak elemento central cidadania nian tuir Aristóteles nia hanorin. Cidadão nebe diak sente envolvido iha assuntos sociais, políticos e económicos. Ida ne mak democracia nia diak tamba loke dalan mai ita hotu tama iha processo boot nia laran hodi buka dalan hamutuk ba “bem comum” (ema lubun nia diak). Maski nune ema ida-idak nia papel la hanesan. Timor oan barak mak buka atu sai cidadão diak hodi fahe buat nebe nia iha, ninia matenek ka ninia knaar, liu husi dalan oi-oin. Ema ida-idak mos independentemente interpreta problema hirak nebe mosu iha sociedade tuir ninia “background” de conhecimento. Dala ruma nia bele hare klean liu maibe la ses husi ninia “bias”/parcialidade. Ema balun iha conhecimento diak liu iha área sociologia nian, nune ninia bias/halis liu ba assuntos sociais. Nune mos ema hirak nebe iha conhecimento diak iha áreas sira seluk hanesan antropologia, filosofia, economia, moral, etc… Ema hirak ne iha ninia papel importante liu.

Maibe atu conhece diak liu Povo Timor nia problema nebe complicado tebes ema matenek hirak ne tenki tur hamutuk hodi troka ninia hanoin (opinion). Atu tur hamutuk ema Timor oan matenek hirak ne precisa hakruk ba malu no loke tilun hodi rona malu, loke fuan hodi simu malu no loke liman hodi hakuak malu. Maibe komunikasaun mos “arte” ida. Tan ne ema balun iha jeitu, balun iha meios e condições hodi komunika diak liu. Balun ladun iha jeitu atu komunika diak, balun laiha meios e condições atu komunika didiak, maibe ida ne la´os katak sira beik. Ema balun aproveita vantagens nebe sira iha atu sai siniku ba malu, balun usa linguagens estranhas nebe ema ida ka rua deit mak komprende, no aat liu tan mak balun komunika tuir sira nia ibun foer tolok ema hodi subar-an iha anónimos deit. Buat hirak ne bele hamoris polemika oi-oin iha sociedade. La´os fácil atu bele interpreta situasaun iha Timor Leste ho okulus oin ida deit, maibe precisa okulus oi-oin hodi nune ita bele komprende didiak sira. Ita Timor oan precisa aprende barak hodi moris hamutuk iha democracia nia laran. Democracia ne processo ida nebe naruk, nune Timor oan hotu tenki tama iha processo ne nia laran ka participa iha processo ne ho hanoin no fuan nebe nakloke.

Mundo moderno forsa ita atu muda ita nia mentalidade nebe dala barak taka-an hela, ka tendencioso atu sai “mestre” (menggurui). Lialos nebe ita hotu buka ne ida deit maski iha forma oin-oin. Maibe atu deskobre nia (lialos) ita tenki sobu (rasga) ita an rasik, ita nia “Framework” (enquadramento) e paradigma (kerangka berpikir). Autores hotu nebe hakerek iha jornal, ka blog sira, iha obrigasaun boot atu hatudu dalan, loke dalan, atu halu ema seluk mos hanoin lisuk hodi buka lialos ka soluções justas ba assuntos ruma. Artigo naran deit nebe ema publika iha jornal serve nudar “opinião pública”, nia iha papel educativo, tulun ema wain buka lialos e soluções. Iha mos assuntos balun nebe molok sai debate público iha jornal uluk nanai husu tuir lai e partes em conflitos kolia ba malu ho sinceridade atu hari base nebe metin hodi hetan solução. Ita nia ponto fraco mak dala barak hatun malu deit ho linguagens indignas e minimizáveis. Ita Timor oan precisa nahe biti tur hamutuk hodi halu debate construtivo. Dala ruma ita usa salah democracia hodi dehan aat malu ka tolok malu usa naran anónimos deit. Blogsista sira nia responsabilidade wainhira publika comentários anónimos sira nebe nakonu ho tolok malu e defama malu. É uma grande pena…

Ita nia problema social ne complicado liu tamba ita foin mak hetan experiencia hamrik mesak. Dala barak ita rona deit lia anin no lakohi husu tuir uluk lai, balun hakarak sai “mestre” (menggurui) deit, hakarak sai figura pública deit maibe taka tilun ka néon ba ema seluk nebe kolia lialos karik. Balun hakarak hanorin ema seluk maibe lakohi aprende ema seluk nia hanoin. Atu entende didiak problema sira iha Timor Leste ita Timor oan tenki haka´as-an aprende buat diak no soe buat aat nebe hafahe ita ba malu. Ita nia problema ida seluk mak interpreta democracia exagerada liu. Respeita malu ne importante liu, maski ita nia lei sei limitada liu atu regula ita nia moris iha sociedade. Laiha ema ida nebe dono/nain ba lialos, tan ne ita precisa diálogo, hodi reconhece ida-idak nia erros, se karik iha, hodi toma responsabilidade ruma hamutuk justamente. Ema ida deit labele toma decisão mesak ba ema seluk nia moris, maski nia responsável ba instituição ida. Moris iha sociedade ida nia laran ita hotu iha responsabilidade hamutuk hodi assegura bem comum, keta halu ema seluk sai vítima. Wainhira kolia kona ba educação ita lebele hatudu liman fuan ba ema seluk deit. Responsável principal ba educação mak família, hafoin mak Estado ho instituisaun sira seluk, Igreja mos hola parte integral iha área ne. Sociedade civil, incluindo jornais/jornalistas, hotu informalmente iha papel hanesan. Cidadão hotu-hotu iha dever atu participa iha projecto de educação.

Erro boot ida ema halu mak wainhira buat ruma la´o salah iha sociedade sira fo culpa deit ba Igreja, liu-liu ninia Hierarquia ho Instituições Religiosas sira, maibe wainhira buat diak ruma mosu iha sociedade sira laiha ona referencia ba Igreja. Ohin loron mos leigos sira iha kbiit liu atu educa. Igreja reconhece potencia boot ida ne, tamba ne mak nia hasai dokumentu ida hodi fo kbiit ba leigos sira (Lay empowerment). Edukasaun ne assunto social ida importante liu hotu, tamba ema hotu necessita. Edukasaun seksual mos importante maibe tenki liu husi processo ida, ka tuir nia fase, tan ne autoridades competentes sira tenki tur hamutuk atu defini matéria ne. Los duni ita labele subar ka taka demais buat nebe ema dehan taboo, maibe mos ita tenki sukat ita nia passos. Liafuan nebe importante liu mak “prudência”, karik tradusaun nebe diak iha Tetum mak “sai ema nebe hatene tetu didiak molok decide”. Dala barak mos ita hasai liafuan kroat e aat ba malu hanesan ema fuik la conhece malu. Timor ne rai pedasuk oan ida, ita mesak liga malu deit, tamba ne precisa considera malu ho liafuan sira (linguagens). Se lae karik ema dehan ita falta de educação ou mal educado (kurang ajar). Ita bele iha matenek barak maibe falta de educação lakon folin (valores). Tamba ne precisa halu ita nia matenek ne sai folin liu tan.

Tempo to´o ona atu ita hanoin lisuk, dala barak ema rai liur tama hodi estraga ita nia relasaun diak ba malu. Se ita tuir deit corrente do ar husi liur mai karik ita sama rai la metin, laiha principio, bele monu mate an. Democracia ne diak maibe se ita interpreta salah bele sai aat liu, bele hamate ita. Iha Europa mos ohin loron hodi bandeira democracia nian, ho nia “liberalismo”, halu ema lakon dadaun valores nebe forma sira nia identidade hori nanis kedas. Ema wain lakon experança, lakon sentido de vida, lakon valores iha família, jovens barak lakon família la´o namkari, mosu definisaun foun kona ba família hodi autoriza mane ho mane hola malu ka feto ho feto hola malu, loron ida karik sei legaliza tan ema hola sira nia asu ka balada nebe sira hakiak iha uma kalan loron toba ho sira. Buat hotu ne consequência husi má interpretação de democracia e liberdade. Se ita Timor hakarak tuir estilos de vida ida ne karik ita oho-an ona. Tamba ne ita precisa refleksaun nebe klean molok toma medidas hamutuk hodi salva ita nia ema, liu-liu foinsae sira. Ita precisa halakon especulações wainhira kolia kona ba realidade ou assuntos reais. Linguagens nebe ita usa hodi hakerek mos devem ser possivelmente mais objectivas do que meramente especulativas e teoréticas. Nune para ema barak bele komprende ninia conteúdo, se lae bele sai estranha ba ema no kria deit polemika iha sociedade.

Hein katak ita hotu bele haka´as-an hadia liu tan ita nia qualidade hakerek nian ho linguagens de amizades e construtivas.

Eleisaun: Ponte Nakdoko Ida ba “Statebulding” no “Peacebuilding”?

Martinho G. da Silva Gusmão *)

Duranti halao International Dialogue on Peacebuilding & Statebuilding iha Dili (DID), 9-10/04/2010, delegasaun sira husi Burundi, Central Africa, Democratique Republique du Congo (DRC), Liberia, Sierra Leone, South Sudan, no Timor Leste fahe esperiensia barak ba malu kona ba harii estadu (statebuilding) iha situasaun no kondisaun fragil nia laran. Husi aspektu lubuk ida ne’ebe sira ko’alia, so South Sudan, Burundi no Central African Republic mak temi kois eleisaun nudar “ponte” ida atu halo rekonstruksaun ba sira nia estadu ne’ebe hasoru konflitu barak. Maski nune’e, delegadu sira la dun iha interese atu koloka instalasaun sistema no prosesu “eleisaun” nudar “necessidade nacional”, sa tan prioridade nasional.

Nudar observador, hau respeito codigo de conduta atu labele ko’alia. Maski nune’e, situasaun ne’e la’os sai hanesan obstakulu atu hau labele hanoin. Tan ne’e, hau hakerek artigu ida ne’e nudar kontribuisaun ba dialogue kontinua.

Iha factum ida ne’ebe ita labele haluha, katak, wainhira rezultadu eleisaun la tuir makaer ukun sira nia hakarak, entaun bele mosu violensia, husi agresaun fizika, presaun psikologika too sobu infraestrutura (sunu edifisiu balun, lori hotu dokumentu ofisial ba uma, la koopera ho governu foun, nst) no too asasiniu. Situasaun ida ne’e hatudu deit katak esforsu duranti tinan 5 atu harii estadu (statebuilding) husi governu ida fraku hela. No tranzisaun ba governu foun nakdoko hela. Governu foun tenki hahu fali atu hadi’a sasan sira. Ninia konsekuensia, energia barak ne’ebe governu ida hasai atu harii damen (peacebuilding), afinal das contas, mamuk hela. Servisu tinan 5 nia laran atu hametin damen sai saugati tiha deit. Entaun, relasaun entre harii estadu (statebuilding) no harii damen (peacebuilding) sei subar hela “potential tension” (Dr. João Boavida, Centre for Peace and Development), wainhira ita submete ba julgamentu popular iha eleisaun ruma. Signifika katak, eleisaun bele sai hanesan ponto critico no sensitivo iha “estado fragil” (fragile state) ida nia laran.

Eleisaun – “Vontade Popular”

Konseptu statebuilding mai kedas nudar prinsipiu fundamental Konstitusional RDTL nian. Iha neba hatudu katak harii “Estado” iha Timor Leste ne’e hanesan “direito demokratiku” ida ne’ebe bazeia ba “vontade popular” (artigu 1°). Ita hare kedas indikasaun ida katak, kontinuasaun no diskontinuasaun estado ida depende ba oinsa mak povu hili ka povu rejeita ninia lideransa. Sasukat atu hatudu ‘vontade popular’ ne’e mak liu husi eleisaun. Liafaun eleisaun mai husi “elegere” (Lt): hili, hatudu. Husi ne’e mak mosu “eleito” no “elite”. Signifika katak, elite politiku husi estado ida mai husi eleisaun popular.

Infelizmente, ema barak – inklui makaer ukun sira estado nian – hanoin katak, “procesu eleisaun” ne’e hanesan deit ho “loron votasaun”. Afinal konseptu rua ne’e iha diferensia boot. Prosesu eleitoral hahu husi formulasaun lei eleitoral ne’ebe labele hamosu konflitu ho konstituisaun no padraun internasional, rejistrasaun votante sira, rejistrasaun partidu politiku, finansiamentu, markasaun data eleisaun, preparasaun logistika, treinamentu, instalasaun sentru votasaun, loron votasaun, apuramentu rezuldu, keixa no reklamasaun, no ikus liu mak proklamasaun rezultadu final ofisial. Husi ne’e ita hare katak, loron votasaun ne’e parte ida – importante duni – husi prosesu boot ida. Difisil atu ita kumprende tan sa mak governu la dun iha vizaun integral ida kona ba funsionamentu orgaun eleitoral, inklui sira nia servisu atu halo instalasaun diak ba sistema no prosesu eleitoral. Samuel Huntington dehan katak, “Elections, open, free and fair, are the essence of democracy, the inescapable sine qua non” (cfr., The Third Wave, 1991: 9). Demokrasia ne’ebe metin ona la bele halakon eleisaun ida ne’ebe nakloken, livre no justu. Tan ne’e, eleisaun bele sai hanesan ponte ida hodi lori estadu ida ne’ebe fragil ba demokrasia ida ne’ebe metin.

Dala barak, partidu politiku sira nudar “jogador politiku” haluha tiha katak sira tenki halo “jogo bonito” iha kampu eleitoral nia laran. Wainhira lakon iha jogo, entaun jogador sira hahu fo sala ba ema seluk. No sira rasik sinti an fali hanesan “vitima”, no haluha tiha katak sira mak joga la hatene. Jogo ne’ebe furak depende ba factor importante 3 hanesan: (a) sistema eleitoral; (b) ambiente politiku; no (c) opsaun husi votante sira. Faktoris tolu ne’e mak bele determina oinsa mak ita halo transisaun politika husi makaer ukun estado ida nian – transisaun iha damen nia laran, ka, kontinua iha konflitu nia laran.

Sistema Eleitoral

Hau sei hanoin hetan, wainhira halo diskusaun kona ba lei eleitoral iha Memorial Hall no Hotel Timor, dirijenti partidu balun dehan katak atu determina vitoria partidu ida, nia taru ho 10%. Hau sinti surpreza boot, tan partidu ne’e ki’ik-oan ida, halo nusa mak nia sujere ideia ne’e? Husi parte seluk, hau rona simpatizante Fretilin nian husu 5% ne’ebe halo hau hare “razoavel” (masuk akal). Tan nia partidu boot, entaun nia brani taru ho folin aas ne’e. Ikus mai, iha lei eleitoral parlamentar (no. 6/2006), mosu bareira eleitoral 3%! Ida ne’e deit hatudu ona katak, prosesu atu estabelese sistema eleitoral sai factor determinante ba partidu politiku nia destinu. Maibe, ema barak mak la konsiente (inklui partidu politiku) katak, wainhira hili sala sistema eleitoral ne’ebe la favorese sira nia partidu, entaun bele hamosu konflitu boot ne’ebe sobu demokrasia no damen.

Sistema eleitoral tenki hare ba factor 3 hanesan – sirkulu eleitoral, estrutura boletim de voto, no bareira eleitoral. Ida uluk, sirkulu eleitoral depende ba divizaun administrativa no kompozisaun demografia. Iha Timor Leste, divizaun administrativa (territorial) sei depende ba ‘tradisaun’ husi tempu Portugues no Indonesia nian. Seidauk iha lei kona ba divizaun administrativa. Nune’e, wainhira lei dehan katak sirkulu eleitoral nian mak nasional, “único” no “plurinominais” sei fo impaktu ba oinsa mak halo negosiasaun politika iha “representação proporcional” nia laran. Ezemplu, partidu A bele manan iha distritu B-C, maibe ema husi distritu ida ne’e la tama iha parlamentu. Ne’e hatudu katak, populasaun husi distritu la iha reprezentasaun proporsional iha nivel nasional. Bele mos, partidu C manan iha distritu D-E-F, no lakon iha iha distritu G-H-I, maibe iha nivel ‘nasional’ nia bele hetan voto significativo atu hetan kadeira barak. Ninia konsekuensia, mosu konflitu no ‘disputa eleitoral’ iha partidu nia laran, no husi partidu hasoru partidu seluk.

Tuir mai, estrutura boletim de voto la’o tuir partidu sira ka koligasaun partidu sira nia kandidatu. Sira aprezenta lista ida hodi tau kandidatu hotu nia naran. Povu hili partidu. Depois partidu mak determina sira nia kandidatu. Situasaun ida ne’e bele hamosu oligarkia partidu. Katak, dirijenti bele hili kandidatu bazeia ba “familiaridade”: ema ne’ebe sira gosta, no bele garante poder husi dirijenti ida. Iha ne’e lealdade (loyalitas) husi kandidatu ba dirijenti mak determina.

Entaun, “numeru” kandidatu iha lista sai hanesan sasukat ba sira nia eligibilidade. Sira ne’ebe hetan numeru ikus, la iha liu chance atu eleitu maski matenek no iha popularidade. Timor Leste adopta sistema ida ne’e.

Husi parte seluk, boletim de voto bele tau kandidatu ida-idak nia naran. Ne’e hatudu katak, povu hili kandidatu tuir kualidade intelektual no popularidade ne’ebe kandidatu ne’e iha. Povu hare ba kandidatu ne’ebe sira hakarak. La’os partidu ne’ebe sira adora. Ida ne’e halo katak “kompetisaun” husi kandidatu sira sai maka’as liu tan. Nune’e mos kualifikasaun no diskualifikasaun kandidatu sai transparante liu. Iha situasaun hanesan ne’e, presidente ka sekretariu jeral partidu nian la sai factor determinante, maibe fasilitador deit. Nasaun barak mak adopta sistema ida ne’e. Ezemplu besik liu mak Indonesia (maski hamosu konfuzaun boot, no halo ema barak mak sai stress ka frustrasi).

Ikus liu mak “barreira eleitoral”. Hanesan hau temi ona iha leten. Timor Leste adopta 3% nudar barreira eleitoral (electoral threshold) hamutuk ho metodo d’Hont. Ema balun (inklui dirijenti partidu politiku) hanoin katak, barreira ne’e buat fasil ida, too brani husu 10%! Iha Timor Leste, hau hanoin ba eleisaun tuir mai so Fretilin no CNRT deit mak bele husu 10% karik. Maibe, partidu sira seluk diak liu husu 3% ba kraik (bele karik hatun tan ba 2%). Se lae, sira ke’e kuak deit atu hakoi moris (ekseptu halo koligasaun).

Rezultadu eleisaun 2007 hamosu duni konflitu too violensia. Sa tan iha prosesu formasaun governu AMP nian. Maibe, ema barak la hatene (no lakohi hatene) katak, situasaun ne’e mosu tan instalasaun ba “sistema eleitoral” ne’ebe todan oituan. Nune’e mos tempu atu halo sosializasaun ba sistema ne’e la too. CNE deit harii iha loron 19 nia laran, no prosesu eleisaun hahu kedas (afinal, lei haruka katak minimal loron 90 nia laran CNE tenki harii ona). Hela aat liu tan, wainhira partidu sira soe sala ba orgaun eleitoral no akuza sira “professor doutor sira iha CNE/ STAE halo lei maibe iha manipulasaun barak”, “pior peça”, no liafuan aat seluk. Afinal, partidu sira ninia reprezentante iha parlamentu mak halo lei no halo desizaun politika atu adopta sistema eleitoral ida. Partidu sira ne’e rasik la kumprende katak sira instala hela minas ne’ebe ikus mai sira rasik sama kois no halo rahun fali partidu nia planu ba poder.

Ambiente Politika

Governu AMP hatudu optimismo ida ho liafuan “goodbye conflict, welcome development”. Maski nune’e, duranti DID ita nota kedas situasaun paradoksal duranti sorumotu halao hela. Husi parte NGO (Rede Feto, FONGTIL no CNJTL) halo komentariu negativu. Maski, embaixador sira no bainaka sira husi rai-liu kongratula Timor Leste nia suksesu hodi organiza forum internasional ida ne’e, maibe, sosiedade sivil halo komentariu “piada” iha forum nia laran. Iha tempu hanesan, governu AMP rasik rungu-ranga wainhira ministru sira no sekretariu estadu sira halo fali “welcome” ba konflitu internal. Ekzatamente, iha kedas evenu dialogo kona ba statebuilding no peacebuilding mak sira hahu rungu-ranga! Nune’e mos, jornal balun “fakar gazolina, no soe aikose” atu halakan “eleisaun antisipada”. Maski partidu promotor eleisaun antisipada (Fretilin) hahu hakmatek ona no hanoin liu ba eleisaun 2012. Ambiente politika hirak ne’e hatudu nafatin “potential tension”.

Tuir hau nia hanoin, “potential tension” ne’e mai ona husi ambiente politika antis eleisaun 2007. Ministerio Financas (MF) halo analiza ida, no dehan katak “In Timor Leste, the context could best be described as one of constant change, with periods of progress interrupted by episodes of crisis and instability” (Country Report 6: RDTL, p. 7). Depois MF hatudu kedas grafika ida. Grafika ne’e hahu ho linha mean (simbolo konflitu?), depois ba linha azul (simbolo damen?). Entre “mean” no “azul”, MF hakerek kona ba “change of government”. Hau seidauk intende didiak, se mudansa governu ne’e husi Fretilin ba AMP deit, ka, inklui mudansa husi PM Dr. Mari Alkatiri ba Dr. Ramos Horta? Basa, mudansa ida ikus ne’e mos kontribui ba prosesu “goodbye conflict, welcome development” – ka lae? Iha tempu neba, ideia “eleisaun antisipada” mosu ona. Maski PR Kay Rala Xanana Gusmão la konkorda. Nia prefere hili nafatin governu Fretilin. Imajina, se Xanana deklara eleisaun antisipada, saida mak akontese?

Maski la dun intende, hau hanoin katak “change of government” ne’e fo impaktu boot ba “statebuilding” no “peacebuilding”. Ita keta taka matan, katak, mudansa iha governasaun mai hamutuk ho konflitu ne’ebe artikula iha liafuan “governu AMP de facto, inkonstitusional”, “elisaun antisipada”, no “marxa da paz” too “marxa da vitoria”. Inklui sunu alfandega, hakerek liafuan aat hasoru lider governu foun, too dada bandeira haleu ai-leten-fatuk-leten sira! Propaganda hirak ne’e mai duni husi Fretilin, maibe mos partidu balun iha AMP nia laran la hakmatek no piska ba sorin, piska mai sorin. Konflitu ne’e hetan kulminasaun iha atake “11 Feb” ne’ebe too ohin loron iha hela deit zona abu-abu nia laran. Atake ba Chefe do Estado Dr. Ramos Horta no Chefe do Governo Kay Rala Xanana Gusmão ne’e hatudu deit katak “statebuilding” la mai hamutuk ho “peacebuilding”.

Ba hau, ambiente politika antis eleisaun 2007 sei kontinua lao ba eleisaun 2012. Liu-liu wainhira ita la halo diagnosis ba “potential tension” iha politika ohin loron. Tuir hau nia opiniaun, politikamente Fretilin “lakon” iha eleisaun 2007 tan konflitu internal ne’ebe sira rasik hamosu. Hahu husi UNDERTIM ne’ebe haketak an, tuir mai Fretilin Mudansa no ikus mai CNRT. Sira halo exodus politiku husi Fretilin nia hegemonia. Situasaun ida ne’e hahu mosu iha AMP nia laran – hahu husi ASDT ne’ebe asina akordu ‘kama-rua’ ho Fretilin ba eleisaun 2012, tuir mai PSD ne’ebe nakfera hodi hamosu PDN, no konflitu entre ministru sira iha AMP nia laran. Sera que, eleisaun 2012 (ka eleisaun antisipada) la hamosu fali “goodbye development, welcome muturabu”?

Halo nusa ba mos, iha ambiente politika ne’ebe hatudu bebeik ‘potential tension’, loron eleisaun sei hatudu nafatin konflitu foun. Alias, eleisaun sai nafatin ponte nakdoko ida hodi hakat husi statebuilding ba peacebuilding.

Votasaun: Opsaun Popular

Wainhira lakon iha eleisaun, kandidatu ba presidente no kandidatu ba deputadu husi partidu sira fo sala ba CNE no STAE. Maibe, sira rasik nunka hatene no lakohi hatene katak povu mak la hili ona kandidatu ka partidu sira ne’e. Derrota iha eleisaun la depende ba orgaun eleitoral, maibe ba votasaun ne’ebe halao husi povu rasik. Alvin Goldman iha ninia artigu “A Causal Responsibility Approach to Voting” (cfr. D. Estulund, Democracy: 267ff), dehan katak votasaun depende barak liu ba povu/ votante sira ne’ebe mai ho motivasaun 2: “prudential” (voting) no “moral” (quasi-moral voting). Motivasaun ida uluk (1), hare husi votasaun ‘prudential’ wainhira votante sira hare liu ba interese ekonomia no dezenvolvimentu ne’ebe relasiona ho ‘bem-estar’ (kemakmuran) populasaun nian. Iha motivasaun ida ne’e nia laran bele hamosu mos “money politics”: partidu ne’ebe joga osan barak, nia bele manan boot liu tan. Maibe, iha Timor Leste situasaun ida ne’e la ko’alia barak. Tan dala ruma, iha fatin ne’ebe partidu A hasai osan barak atu sosa votu, maibe lakon fali iha votasaun. Situasaun ne’e mosu tan motivasaun ida seluk (2), hare husi aspektu ‘moral’. Katak, iha osan ka la iha osan, povu hili tuir sira nia konsiensia atu hakat ba moris foun ne’ebe diak liu tan, damen liu tan.

Hau rasik koloka situasaun ne’e nudar “voto estrategico” no “voto sincero”. Voto estrategio hatudu ba komportamentu votante sira wainhira sira la gosta kandidatu ruma, entaun sira buka atu nia labele manan. Sira vota fali ba kandidatu seluk atu impede kandidatu ne’ebe nia la gosta atu manan. Maibe, tan ita nia sistema uza “lista unica”, entaun votante sira lakohi hili sira nia partidu rasik, hodi ba vota fali ba partidu seluk. Husi biban seluk, “voto sincero”, hatudu ba komportamento ida wainhira votante sira hili partidu ne’ebe sira gosta (nudar militante ka simpatizante) maski sira la satisfeito ho kandidatu sira. Ida ne’e serve duni ba sistema “lista unica”. Maibe, ninia risku, katak kandidatu sira dala barak la aspira povu nia lian.

Edukasaun Sivika ba Eleisaun

Agora pergunta importante mak – “oinsa eleisaun bele sai hanesan ponte ba statebuilding hodi too iha peacebuilding?” Tuir hau nia opiniaun, orgaun estado nian labele haluha atu “investe” ba instalasaun sistema no prosesu eleitoral. Hau uza liafuan “investimentu”, tan MF (no ministru sira iha Comite Revizão Orcamento nia laran), hanoin katak orgaun eleitoral (CNE no STAE) ne’e gasta osan mak barak, maibe dehan la iha retribuisaun, la hatudu rendimento sustentavel ba estadu nia kofri. Ho liafuan seluk, eleisaun la tama iha “investimentu” ne’ebe sustentavel. Husi parte seluk, MF rasik halo relatoriu hodi dehan kona ba “buying peace” ne’ebe mos signifika nudar “buying time”. Atu hatudu katak, harii damen ne’e la’os deit gasta osan maibe mos gasta tempu naruk.

Tuir hau nia opiniaun, investimentu ne’ebe estado halo ba CNE no STAE ninia rezultadu mak eleisaun pasifika. Husi eleisaun ne’e, CNE/ STAE bele oferese Presidente da Republica ida ba Timor Leste, Deputadu/a hamutuk 65, husi ne’e ita hetan Presidente do Parlamento Nacional 1, Primeiro Ministro 1, Vice Primeiro Ministro 2, no Ministro, Vice Ministro barak hamutuk ho Sekretariu Estadu sira, Xefe Suku hamutuk 442! Ne’e hatudu katak, investimentu ba CNE/STAE ninia rezultadu mak “statebuilding”, em termo qualified leadership.

Papel edukasaun sivika ne’ebe CNE halo, hatudu ba buying peace no buying time. Klaru, buat sira ne’e depende ba profesionalismo no dedikasaun Komisariu sira iha CNE nia laran. Maibe, liu husi edukasaun sivika ita bele halo prevensaun ba “potential tension” iha komunidade nia leet. Hau fo ezemplu husi Viqueque. Iha relatoriu husi observador internasional sira kona ba eleisaun jeral 2007, Viqueque tama iha kategoria “high risk” no “red line”: krizi ideologiku, konflitu politiku too violensia mosu ho eskalaun manas. Tan ne’e, atu hasoru eleisaun lideransa komunitaria 2009, hau rasik lidera edukasaun sivika iha sub-distrito tomak no iha eskola sekundaria hat (Viqueque no Ossu). Ninia rezultadu, eleisaun suku 2009 hatudu katak Viqueque nia komportamentu ba peacebuilding diak liu.

Maibe, ema bele kestiona kazu kanselamentu eleisaun iha suku Uaitame, Uatulari nian. Husi “liur” (external), ne’e hatudu katak preparasaun no edukasaun sivika iha Uaitame faila total. Maibe, husi “laran” (internal), kazu Uaitame hatudu oinsa mak populasaun hatudu komportamentu diak ida relasiona ho “conflict resolution”. Failansu tekniku iha. Maibe, sira la transforma failansu ne’e ba konflitu, sa tan violensia. Entaun, kandidatu sira no populasaun hamutuk atu konkorda hodi la kontinua eleisaun too resolve sira nia konfuzaun tekniku. Komandante PNTL Viqueque no Komisariu CNE tenki fo parabens ba suku Uaitame ba sira nia kapasidade lokal atu halo rezolusaun konflitu ida ne’e. Komportamentu ida ne’e mai deit husi edukasaun sivika.

Konkluzaun

Investimento ba eleisaun la’os duni prioridade nacional. Hau lee hotu ona relatoriu husi MF nian ne’ebe aprezenta iha DID. Tan ne’e, hau sujere katak instalasaun ba orgaun eleitoral, inklui adopta sistema eleitoral no prosesu eleisaun tenki sai hanesan necessidade nacional. Nia tama iha kategoria “good governance”. Wainhira eleisaun sai deit hanesan buat bainleet ida, entaun ita sei husik hela “potential tension” ne’ebe sei halo statebuilding la lao hamutuk ho peacebuilding. Basa, ho esforsu tomak, energia barak no kusta boot atu harii estado ida iha tinan 5 nia laran, ita sobu deit iha loron ida nia laran tan la haksolok ho rezultadu eleisaun. Ninia konsekuensia, damen no amizade ne’ebe ita hametin iha tinan 5 nia laran, naksobu tiha deit tan lakon kadeira duranti eleisaun.

*) Hakerek nain, Komisariu CNE – Reprezentante Igreja Katolika. Direitor CJP Diocese Baucau, hanorin filosofia politika, etika no ateismo kontemporaneo.

MEMORIES OF A YOUNG BOY IN A LONG STRUGGLE (PART IV)

(By Fr. Jose Cancio Costa Gomes)

PART IV: Sixth Station, Waimori Experience (October 1977 – May 1978)

After a very short stay at Olohu, we evacuated to the Waimory Village passing through and crossing the river, then going alongside the meadow of its wide and flat valley. Our passage through that beautiful terrain was so risky until we arrived in a farm, covered by the big rounded trees, including mangos and some banana plantations owned by the local natives. The jungle farm was, about 5 hectares, situated exactly in the middle of the meadow plain beside the river bank. While preparing something to eat for lunch under an old house suddenly came two war-planes (supersonics) flying overhead. They were bursting machine guns and bombing over us mercilessly. It was very risky experience for us after two years having stayed in the forest. We were screaming, Mommy with my five-months-old sister were lying behind a big tree, Daddy with others were in a nearby. I hid myself in a separated place at the back of a small rock. Sounds of screaming people and of hysteric crying children, mixed up with noise from the war-planes, were causing me deaf. With trembling I put my head closest to the rock. Bullets were flying here and there blindly and so smelly like something burning. Ouch, it was really a doom. I don´t remember how long it was.

When the war-planes left I remained lying down in my hiding place for a long moment. Then I got asleep with fear. Suddenly I heard Daddy called me, as if in a dream, and I woke up walking toward them. It happened exactly at midday. We were so cautious waiting if there would be second round of that brutal air strike with bombardment. Even we could not move out of the place because outside that thick forestall farm (kintal) everything was bare except green grasses within the wide meadow, nothing was secure. Thus, we had to wait until the Sun sat down.

As the setting Sun died away, we started to evacuate across the river to a narrower valley of a small dry river, in the village of Waimori, named Bortou. The place was populated with refugees from Baucau, Venilale, Vemasse, Laleia, and even from Ossu as its legal administration. Daddy set up a tent in between two stream roads for us to stay. We had stayed in Bortou just a few days then evacuating to another place near the Central Committee of FRETILIN (CCF) within Waimori itself, I don´t know the proper name of the place. Every day we had always prepared to hide from the sky-kings (eagles) as usual known among us referring to such supersonic airplanes. The threat from the enemy of ground troops was not a big deal, because the Timorese resistance fighters were guarding in the frontlines of possible battle zones. That was the reason for the Central Committee of FRETILIN (CCF) ordering all the refugees be concentrated in secure places nearby those narrow valleys and away from the frontlines; therefore it could be easier for the FALENTIL troop to control them.

-
Waimory is a beautiful village situated in a large valley surrounded by two mountain ranges, such as the Range of Waimee Mountain in the east and the Range of Kulujaka Mountain in the west. Alongside the river is a vast green meadow, thus it´s ideal for cattle. Its river had been used for irrigation to water rice-farms surrounding the place throughout the year. It is flowing toward Laleia sea coast.

It was at Waimori many things had happened unexpectedly. There we discovered the hideout of the family of Dad´s sister Regina in a place known after the cock as Manu-aman (it´s a revolutionary name) near the main river. Thus we were re-encountered though in two different places separated by a small range of mountain in the riverside. After sometimes, they also left the place evacuating to a narrow valley nearby a forestall mountain, right at the margin of the upper course of the river where we later on moved to shelter in its bank as well.

From Bortou we evacuated to shelter near a stream road, 3 or 4 kilometers away. The new hideout was hemmed in between two small dry rivers, except some amount of water coming out of the rocks. We could get some water coming out from them during summer. Normally those small rivers are waterless in the summer except some well spring flowing out of the mountain rocks. However, at rainy season many times those rivers are overflowing with flood. Alongside such a small narrow valley was wild forest, thus there were many monkeys, deer, wild pigs, snakes, various kinds of birds and of other beasts. During the night we could notice them roaming around the vicinity calling one another as usual for the night beasts. Many times we could see them nearby or even encounter them in the bush and in the forest at daytime. I recall one night two squirrels, male and female, were crying so noisy. While enjoying dreams suddenly we were awoken by such a noise at the deep night. There were about three families of our relative refugees living side by side in the neighborhood. Hearing sounds of the beasts all adult men, including Daddy, came out of the houses. Several barracks were built up under the trees where those crying beasts were. Their cry was so frightening for the children and yet sounding very beautiful. It was communication between the male and female. The male was calling the female with a special sound inviting her to make love, as people interpreted then. At the same time the response of the female was with a unique sound differently. I also came out joining the adults in the courtyard. Everybody was so quiet waiting for both beasts to come out of the branches with thick leaves, as usual for palm trees. Suddenly there appeared on the tree, from near distance, two squirrels jumping from one branch to another. Once they were approaching each other to do their business the men on the ground started hunting them. Stones were flying over the branches of palm trees. The two beasts were running in confusion, I guess the poor animals didn’t proceed to express their desires. Both of them failed to fulfill their needs.
Looking at the experience with such a wild habitat, I could imagine life then as if we had been invading the territory of other creatures. So many monkeys were roaming around in the vicinity mingling with humans; but they made their shelters above big and tall trees. This situation caused a war between them and humans during harvest time. They attacked people´s farms stealing corns and other things they had found, and then running away to the top trees of about 50 meters above. I had observed so many people making snares for monkeys, hunting and killing some of them around the populated areas in that forestall mountain slope and valley. Both creatures had the right to live and to survive, and yet there just applied the law of wilderness “the stronger conquers the weaker”. I remember several times people had killed wild pigs and deer, which were running in confusion amidst the crowd. Once they killed any wild beast, the adults used to cut it into pieces divided for all those running after the animal, including children who did so. Even dogs, especially those hunter dogs who found the beast, also had their own parts if not then their owners would protest. The people knew the dogs who found the deer or wild pigs. I myself got my part for several times. The refugees invaded their habitats making their movements were very limited. Imagine, the enemies invaded our hometowns causing a flood of refugees to occupy wild habitats.

As we were settling down at Waimori, came rainy season beginning with thunder lights. Thus we had to work hard cleaning up the field in our neighborhood in order to plant corns, cassavas, beans, and other vegetable. We had lived near cashew plantations in a tiny flat terrain between a stream road and a small river. There are many stream roads along the valleys coming from the mountain slopes. The rain was our savior then, because it had provided us food as well as freed us from the attack of the war-planes. Such supersonic airplanes did not fly in a foggy and cloudy circumstance with mountainous terrain or under heavy rain. Remembering that east Timor is mountainous, the pilots might be afraid of being shot, or got any other mortal disaster, because the vision was reduced. Thus, people were organized into zones (zonas), “aldeias” (villages), areas, with respective leaders, in order to be easily located and controlled; though such administrative organizations had existed not so long lasting.

At the beginning of the rainy season it was very difficult for the people to find food. Everything was still growing, we needed at least one or two months in order to pick up the fruits or what else vegetable from the farms as well as from the free nature around. It was also very risky for the health; many children became victims at those moments. Heavy rains caused flood everywhere filling up stream roads and small rivers joining the big one flowing to the Sea of Laleia coast. More than thrice, many times, we had observed the rivers were overflowing and sometimes caused casualties. People were challenged to be creative of finding food for their survival. Many people, especially children, were getting sick of various diseases even mortal ones, which caused numerous dead. Most of them were diarrhea, cholera, flue, influenza and fever, including malaria. There was no medical assistance even no remedies, except traditional treatment with its natural remedies, but not all had assessed to it. Exactly at Christmas day, on 25th of December, in the year 1977, there came sad news about the death of a cousin, named Camilo, the son of Dad´s only sister Regina. He died at the age of three. The following day we all accompanied his funeral with great sorrow to a Catholic cemetery at Bortou, where we had hidden before. That was really a big test for the whole family. My sister, second to the last (Lucinda), was also very sick then but later on recuperated. Lucinda also passed away 14 years later at Bucoli, at the age of 18. Our remaining two lovely horses also died at that moment. Thus we got lost both humans and animals.

We started to try to eat “kaleik”, the fruit of a poisonous climbing plant (trepadeira), and wild poisonous bean as well. Before eating them we had to pass several processes to dissolve their poisons, which is very bitter and can cause death. We should be thankful to God, no one died yet because of eating poisonous food. After two to three months, we could inhale a bit for it was time for eating new corns. Every day we enjoyed eating young corns and various kinds of vegetable from the farm. Food was abundant then unlike two months before. Pumpkins, cassavas and beans were everywhere in the farm. We also went to pick up fruits from the farm of Olohu, where we were able to cultivate and plant. Therefore, the fruits of the harvest were so great even not enough rooms for them to be stored in the house. As usual at the harvest time it was the moment of grace for us.

However, I also recall a mysterious encounter with a coward man on my way alone to Olohu. It was really part of an episode in life of a young boy at the age below ten, under-age child. The man caught me surprisingly in a lonely place, exactly in a rocky river, no one was around. Then he pulled me to himself while showing me his vital organ. I struggled to pull back my hand in order to escape from him. Luckily, I won the game then running away into the bush and he ran after me but useless to find me. The coward man was about 20s or 30s, a strong man, however, he lost the game because he was laying to a rock in a position of ecstasy ready to abuse me. I saw his snake crawling with its head stood up ready to consume whoever might be passing by. That was a rare incident that ever happened to me once.

Times had come and gone like a breeze. Every day we had various menus, however, we missed only one thing, that was rice. In order to fulfill such a need, one day we organized a group to go to Lieruko Village, a mountainous village of Ossu sub-district situated right at the back of Monte Perdido, in order to barter antique plates and spoons or forks, or whatever we had then, with rice. A sock of rice was changed with a spoon or a fork, and about four or five socks of rice for a plate (an antique Chinese made plate). First trip we were about 6 to 8 persons. In the second trip we were only four. In those first and second trips nothing had happened along the way. We climbed up mountains and hills before reaching Lieruko. The people at Lieruko speak Midiki (a native tongue) like the people of Waimori, however, those of Lieruko speak very soft unlike those of Waimori are a bit harsh. The Midiki/Kairui has very close affinities with Waima´a, our mother tongue, therefore it´s easier for us to understand. The road to Lieruko was quite challenging, we had to walk ups and downs. Going there was easy, because carrying nothing; however, coming back home was so heavy for the socks of rice at head´s tops and shoulders. Usually, we had overnight at Lieruko and going back from Lieruko to Waimari was just a whole day walking distance, because less hiking. Nothing occurred then.

In the last trip was really a disaster for us. We were only four, Mommy with me and tia Ana Maria with a cousin of mine named Natercia. Both of us were still 9 years old. Therefore, there were two adults and two children. We used to go there twice so we knew the way. However, on our way back to Waimory we were tempted by a mango tree dense with its ripe fruits. We met a group of people picking up mangos and they also invited us to get some. While getting some fruits we inquired them about the way out to Waimori. In my surprise they showed us a wrong way. So we got lost in a steep mountain, which was no way out there. So we had to return down the slope toward river flowing toward south coast through the Bibileo village. I was so scared because it was an isolated mountain, no one was around. However, it was a consolation for me on the top of that steep mountain; I was so hypnotized by the beautiful landscape. At that time there were rumors about the famous superstition known as “koki”, a kind of cannibal around that zone. Once we reached the river there was a small road. We passed through the road, I was very sure that it´s the way to Waimori. We walked up the hill about certain distance we found a house. I didn´t recall who was the one asking the information from an old woman inside the house. She answered with harsh tone “Loki rou naha miki di”, which means “just go straight down there”. That big voice was just sounding merely in the throat; it frightened me thinking about “koki”, though lately I understood that it was their manner of saying. I am not sure whether it was Kairui or Midiki, because both are very similar. Then, we moved on our way according to her indication without any suspicion. Once we arrived at the top of a mountain known as Kulujaka (about 1000 m above sea level) looking down toward Waimori, there was so smoky. It was about three o´clock pm, just based on the position of the Sun right in the middle between the midday position and sunset horizon. We went down to Waimari meeting people lining up on their way up to Kulujaka Mountain with heavy things at their backs and top-heads like ants. They informed us that Waimori was already burnt out by the attackers of ground troops of the enemies. The “Central Committee of Fretilin (CCF), situated in our vicinity at the riverside, was under siege, and some people were killed.

There was also counter-attack from the Timorese resistance fighters at a place known “Waugó-ana”, our cousin Lamberto (de Sá) was killed including a former Portuguese teacher at Bucoli named John (mestre João). Thus Waimori was like a hell. People were fleeing in confusion. When we arrived at home no one was around, the Sun was about to set down. After inquiring about Daddy with the rest of my brothers and sisters, finally we found them hiding in a very narrow valley of another riverside (about 400m away), which was quite secure. The attack caused victims just at the Waugó-ana Mountain, from the side of enemies, were about the whole battalion dead, even those who escaped then were caught, and from the side of Timorese resistance fighters were just two dead. There was one mortal victim at the local of the Central Committee. I just quote the hearsay at the moment. I recall Mr. Francisco Xavier, the President of the FRETILIN, was jailed in an underground by the Central Committee of FRETILIN (CCF) at that moment. For sure he was accused by the members of the commission within the CCF at Waimory as betrayal. Lately, he was captured by the alien troops.

Waiting for the solution of our suffering was very hard then. It´s as if we had hoped for something impossible, this empty hope caused impatience among the people, including Daddy. Sometimes Daddy was very furious toward us children, especially my older brother and me. Several times I had been beaten because of my own fault, even once he tied me up in a wooden column of the house. My brother was almost hit by a lance, I didn´t remember what was the reason. Well, it was not the intention of Daddy to treat us in that way, nor even his habitual attitude to do so. However, he was under pressure because of the uncertain situation and the unreal promise of freedom. It´s understandable for the drastic change of Daddy´s attitude; he had been working very hard in order to maintain food and shelter for us, including houses/barracks made of palm leaves several times in different distant places just in two years, started from Watudona, Kailala-lale, Waithia, Buto´o, Olohu, and thrice in Waimori. He became under control of himself only after the death of my older sister, Mary Immaculate.

It was in that new hideout my older sister Mary Immaculate (alias Maculada), who was a twin sister, died at the age of 12 on the 21st of March 1978. Our spirit really got down by the lost of our sister, who had worked hard every day even though she was still a very young girl. She died because of a common influenza at the moment, attacked by a high fever just about three days died immediately. I have no idea how to describe the deepest mourning of my parents at that moment of lost. It was first time I assisted the agony and death of a human person in my life. Her funeral was at the cemetery of Bortou, where Camilo was buried. Together with both of them buried in that place were some other relatives from Bucoli like Ko´okai, Aquelina, Kradai (a cousin, the daughter of tio Janu), and another Mary (Maria da Costa), including some friends from Bercoli also died at Waimori. There was no medical assistance at all as usual today. I have no idea about the number of the dead in Waimori at that time.

After the death of our sister, came superstition saying that the place where we had stayed was “lulik” (sacred), therefore, we had to move out from the site. So we transferred to an elevated place near the family of Dad´s sister. It was still rainy season at that moment. I remember heavy rain fell several times. We were neighboring with many refugees along that small river with its narrow valley full of big trees as usual in the forest. They were mostly our relatives from Bucoli, like tia Linda and others. Thus we had lived there, as if we had been at the Bucoli village, neighboring with familiar people. The farms were full of various kinds of bean and cassava, as usual for the tropical regions. A lot of things happened in Waimori at those moments, almost one year period of time.

(To be continued)

TO’O IKUS AMP SEI SÓLIDU?

Filipe Rodrigues Pereira )*

Durante semana hirak ne’e nia laran sosiadade Timor-Leste alem de akompanha eventu internasional nebe’e halo iha Dili akompanha mos konflitus elite entre Xanana-Zacarias. Konflitus entre Xanana-Zacarias ne’e habelar a’an no da’et ba’a membro governu seluk no mos lideransa partidus seluk. Bele konsidera katak ne’e konflitus elite.

Konflitus elite ne’e tama iha faze foun. Tuir informasaun nebe’e Tempo Semanal fo’o sai liu husi ninia status Face Book hateten katak horseik Dr. Zacarias Albano tuir reuniaun Concelho dos Ministros. Iha reuniaun ne’e PM Xanana siak makas konaba Dr. Zacarias nia lalaok, no Dr. Zacarias tu’ur nonok doko ulun deit hodi rona ho diak PM nia siak. Komenta status Face Book Tempo Semanal nian iha orkalan (Quarta, 14/4/10), Hakerek’nain fo’o hanoin katak wainhira PM Xanana siak makas no Dr. Zacarias tu’ur nonok hodi doko ulun siknifika katak Xanana-Zacarias dame-malu ona. Sei la’iha tan kontinuasaun konaba rezignasaun ka desmisaun.

Tamba sa’a mak PM Xanana la to’o foti desizaun hodi hasai Dr. Zacarias Albano husi ninia kargu? Hakerek’nain hare katak deklarasaun politika husi deputadu Riak Lemam nebe’e hateten ho lian makas katak PSD bandu Dr. Zacarias Albano atu hato’o karta de rezignasaun, no hein deit PM Xanana mak hasai Dr. Zacarias husi Ministro NEC, no wainhira espulsa Dr. Zacarias maka PSD sei sai husi AMP. Maibe wainhira PM Xanana autoriza fali Zacarias atu tuir encontro Concelho dos Ministros, Vice PM Carracalao, deputadus PSD sira lamenta fali katak Zacarias hatete ba’a sira katak nia nunka haruka SMS ameasa atu rezigna a’an ba’a PM.

PSD ninia jogada politika nebe’e ikus fo’o sai liu husi Riak Lemam nia deklarasaun katak hasai Dr. Zacarias maka PSD sei husi AMP bele konsidera nudar edukasaun politika ida diak ba’a povu. Ida ne’e mak demokrasia no konsekwensia aliansa nian hodi hari governu. Governu aliansa siknifika katak “Hau sem O hau sei hamrik la’metin, no O sem Hau sei la’o namlele”. Buat nebe’e mak sei falta no presiza atu hakiak no haburas iha governu aliansa ida nia laran mak etika no moral. Se mak ser ulun no se mak ser liman-ain iha estrutua governu aliansa nia laran. Maibe lamentasaun husi Vice PM Carracalao no deputadus PSD nian nebe’e hakarak dehan sira “hetan bosok” husi Zacarias katak Zacarias la haruka SMS ameasa ba’a PM Xanana bele konsidera nudar trik politika nebe’e buka justifikasaun. Bele mos tebes duni, Vice PM Carrascalao no deputados PSD nian “hetan bosok” husi Zacarias, ou PM Xanana no publiku mak hetan bosok husi estrutura PSD. Nusa mak Vice PM Carrascalao no deputadus PSD nian la hato’o sira nia lamentasoins antes de PM Xanana autoriza Zacarias tuir encontro dos Concelhos Ministros iha Quarta horseik?!

Hakait konflitus elite ho AMP, maka ameasa nebe’e fo’o sai husi deputadu Riak Leman todan. Liu husi ameasa ne’e hatudu katak PM Xanana la’konsege dada deputadus balun husi PSD ba’a Xanana nia ‘sorin’. Xanana ninia influensia iha tempu ida ne’e la’tama ba’a deputadus PSD nia ulun. Deputadus PSD estruturamente solidu. Faktores seluk ida mak figura Riak Lemam. Ameasa mai husi Riak Lemam, PM Xanana nia maluk veterano ida, la’os husi deputadus seluk ka SG PSD nian. Riak Lemam mak sai hanesan porta voz ba’a PSD nia interese iha kazu ne’e. Riak Leman nebe’e ameasa em nome do PSD mak haloke PM Xanana nia laran hodi horseik (Quarta, 14/4/10) autoriza fali Dr. Zacarias ba’a tu’ir encontro Concelho dos Ministros.

Iha semana liu ba’a wainhira mosu konflitu elite ne’e, Hakerek’nain iha hanoin katak deputadus PSD nian iha PN nebe’e mak sei hetan uluk influensia husi Xanana mak Riak Leman. Liu husi Riak Leman PM Xanana bele dada mos deputadus PSD seluk ba’a iha ninia ‘sorin’ hodi la’hamosu turbulensia politika ba’a ai-rin governu AMP. Hakerek’nain to’o iha hanoin ne’e tamba durante ne’e iha uma fukun PN Riak Lemam mak hatan/defende makas ba’a kritikas/atakas husi opozisaun ba’a Xanana.

Maibe fica kontraria, tamba ne’e liu husi kalkulasaun politika, iha tempu ne’e PM Xanana sei la’iha hanoin no sei la’kohi atu ta’u ai-rin governu iha risku nia leten. Tamba wainhira deputadus nain 6 husi PSD solidu atu defende presidente PSD hodi sai husi AMP maka AMP sei tama iha risku bo’ot nia laran. Dalaruma Xanana mos hare katak partidu hanesan Undertim sei tu’ur lametin iha fatin. Anin bo’ot mai husi sorin bele hu’u Undertim semo tuir anin. Sa’a tan, karik Xanana iha hanoin atu sukit-sai Gil Alves husi membru do governu maka AMP sei monu. Maibe wainhira Xanana iha ona koragem politika atu hasoru risku hirak temi iha leten maka signifika katak Xanana iha ona hanoin no prontu ona atu hamosu no hala’o Eleisaun Antisipada.

Fila-fali ba’a konflitus elite entre Xanana-Zacarias, PM Xanana durante ne’e la’hasai komentariu directa konaba konflitus elite ne’e, PM Xanana delega deit ba’a SE Agio Pereira mak transmite ninia hanoin no hakarak. PM Xanana la’halo komentariu directa tamba PM Xanana tetu no hatene katak nia sidauk hetan apoiu politika ida siknifikadu husi deputadus balun PSD nian. PM Xanana karak komentariu dalaruma tamba PM Xanana sei sukat ninia influensia no forsa atu AMP bele ultrapasa problema depois de foti desizaun ba’a Dr. Zacarias. Maibe ate no fim, koko ba-mai no tetu ba-mai PM Xanana hare katak sukit-sai Dr. Zacarias sei fo’o liu mak desvantajem ba’a existensia governu nebe’e nia lidera. No liu husi tetu nebe’e tasak ho diskripsaun nebe’e Hakerek’nain hato’o iha leten, PM Xanana prefere atu la sukit-sai Dr. Zacarias husi nia kargu, tamba ne’e, Quarta, 14/410 liu ba’a PM Xanana ‘autoriza’ fali Dr. Zacarias tuir fali encontro Concelho dos Ministros.

La’iha aksaun desmisaun hamosu insatisfasaun. Insatisfasaun mosu husi elite AMP rasik. Karik sukit-sai duni Dr. Zacarias maka PM Xanana mos sei hasoru problema hodi hili ema nebe’e mak bele troka Zacarias nia fatin nudar Ministro NEC. Foti ema husi PSD, PD, Undertim ka CNRT?! AMP bele nakfera mos tamba deit mosu aksaun hadau-malu fatin. Ida ne’e mos mak dalaruma sai hanesan konsiderasaun husi PM Xanana. Xanana bele hanoin katak mais vale enfreta problema ho Zacarias ka PSD deit duke sei enfreta fali problema ho PD-Lasama, PSD-Zacarias, Undertim-Elly-7, no ho CNRT rasik.*** END***

)* Analista Sosial no Politika

PSD DESCONHECIA MENSAGENS DO MNE A AMEAÇAR DEMITIR-SE

Angola Press – 14 Abril 2010 ¦ Jornal Digital - 14 Abril 2010 ¦ quase crise politica

MNE Costa «existem políticos em Timor que estão a manipular o caso em benefício pessoal».

Díli - O vice-primeiro-ministro timorense e fundador do PSD, Mário Carrascalão, disse hoje estar "insatisfeito com o comportamento" do presidente do partido e ministro dos Negócios Estrangeiros, por este lhe ter omitido que enviara mensagens em que ameaçava resignar ao cargo. Em declarações aos jornalistas, Mário Carrascalão comentou o desfecho da crise aberta pela ameaça de resignação do Ministro dos Negócios Estrangeiros, Zacarias da Costa, que o primeiro-ministro resolveu manter no lugar, afirmando esperar que Zacarias da Costa "deve reflectir de modo a que não se repita no futuro" um incidente semelhante.

"Eu fiquei insatisfeito com o comportamento de Zacarias da Costa porque me disse que não tinha enviado o SMS para o primeiro-ministro Xanana (Gusmão), e afinal sempre mandou. Espero que não o volte a repetir", lamentou Mário Carrascalão.

Vidal de Jesus alias Riak Leman, líder da bancada parlamentar do PSD que se ausentou na segunda-feira dos trabalhos parlamentares em solidariedade com Zacarias da Costa, lamentou que o ministro não tenha explicado atempadamente aos deputados as mensagens escritas que enviou ao primeiro-ministro e garantiu que "o PSD continuará a apoiar o governo AMP até às eleições gerais no ano de 2012".

Fernando Lasama de Araújo, presidente do Parlamento Nacional e líder do Partido Democrático (PD), outro dos partidos da Aliança da Maioria Parlamentar que suporta o Governo, disse à Lusa que é da competência do primeiro-ministro a recondução do seu ministro dos Negócios Estrangeiros. "O ministro Zacarias reconheceu as suas faltas e o primeiro-ministro considerou isso, e eu penso que é uma solução, mas como presidente do Parlamento não tenho nada a ver com a questão, que é da competência própria do primeiro-ministro", comentou..

Clique aqui para mais noticias da chamada "quase crise politica"

Fenomenologia Kitsch

Fenomenologia “Kitsch” iha Edukasaun nia Laran: Hanoin Hamutuk ho Padre Martinho Gusmão

)* Martinho Sacadura

Tuir dalan los, medias ho Ministerio Educação (ME) mak bele responde criticas, acusações ho questões balu be Padre Martinho foti iha nia artigo ho titulo Fenomenologia “Kitsch” iha Edukasaun. Hau la mai defende medias ho ME, mas mai corrige deit parte balu hosi Padre Martinho nian hanoin balu nebe la iha fundamento ou banaliza sasan no conduz opinião publica ba buat nebe sala. Ho rasão ida ne mak hau hakarak intervem tanba koalia sobre cienscia ho educação sexual nudar interesse publico nian.

Iha artigo ne hau sei corrige uluk Padre Martinho nia hanoin sira sala no la iha fundamento ou hanoin sira perigoso tebes hodi conduz opinião publica ba hanoin sira sala. Tuir mai sei halo abordagem uituan sobre importância ho necessidade educação sexual ba jovens sira.

Padre Martinho halo abordagem ba artigo Timor Post nian relaciona ho ME atu publica livro “Estudo do Meu” sobre corpo humano hanesan tuir mai:

“Iha loron hirak liu ba hau hakerek kona ba “Kitsch” (ka, estetika kejelekan). Hau tenki dehan lai, katak, liafuan ida ne’e difisil oituan atu ema kumprende wainhira sira la toman ho filosofia etika no estetika. Tan ne’e hau bele kumprende, se ema balun failla atu halo komentariu kona ba “Kitsch”, no tangkis tun tangkis sae ho dezesperadu. Atu simplifika, hau traduz “Kitsch” ho liafaun “disgostu” ka “disgrasa”. Wainhira ema ruma halo reasaun maka’as, ka inan-aman halo protestu ba publikasaun ho objektu ‘isin-lulik’, ne’e tamba iha duni Kitsch. Esperiensia ne’e mosu tan ema hare objektu ida ho okulu seriu tebes no ho sensibilidade tomak. Ida ne’e diferente duni, wainhira ema seluk sinti “gostu”, ka “baibain hela deit”. Wainhira ita hasoru ema ho mentalidade “cuek habis”, diak liu hapara polemika, tan sei la adianta buat ida no perde tempo (buang waktu) deit!”

Hau hanoin la’os ema la comprende conceito ‘Kitsch’. Conceito ida ne facil tebes ba ema la escola ida comprende. Buat nebe ema la comprende mak maneira hanoin ho argumentos nebe Padre Martinho usa hodi defende ninia hanoin mak fraco tebes. Padre Martinho halo ona pesquiza ruma sobre inan-aman, deputados, estudantes universitarios ho decanos na’in hira mak contra livro ME nian? Karik seidauk halo estudos ruma, lalika halo generalização tanba ninia amostra la existe. Se atu dehan de’it inan aman imaginario, presidente PN, estudantes imaginarios, ho decanos ida maka halo reacção negativo, então ema rihun nebe nonok deit, la fo reacção ruma ita categoria ba pro ou contra ou la iha opinião? Ou ema nonok sira ne significa hotu contra livro ME nian be atu publica? Padre Martinho, informação rohan oan nebe ita bot refere ba la’os dados credivel ruma hodi sustenta ita bot nia conclusão katak inan-aman sira ho estudantes tomak contra conteudo livro ME nian ne.

Nota mos iha afirmação Padre Martinho nia iha leten, nia seidauk kontente ho debate be nia trava ho jornalista ida iha semana hira ikus, mas que nia rasik hili hapara tiha ona debate ne tanba parece ninia argumento la forte hodi defende decisão escola São Pedro nian e acusações be nia halo hasoru jornal ne. Agora mos nia tama sala tan hanesan buka halo generalização ba caso rua be la hanesan hodi sai hanesan. Alunas sira São Pedro be hetan expulsão hatais ropa completo, la iha buat ida ho corpo humano nebe ME atu publica no hanorin ba labarik sira. Diak liu loke matan hodi hare ema hatais ropa iha isin completo, loke ropa balu e figura isin-lolon molik tomak iha livro nudar cienscia. Pois ita kahur tun sa’en la convence ema ruma.

Padre Martinho hanoin ema Timor mesak beik hotu, tanba ne nia afirma nune: “Klaru, sira rasik la hatene saida mak Kitsch. Maibe, hau mak hatudu katak reasaun hasoru livru ME ne’e mak Kitsch, ho nivel ida ne’ebe “reflete liu sira nia kualidade nudar intelektual, riku ho norma no valor, no nakonu ho sensibilidade”.

Afirmação iha leten hatudu arrogancia intelectual iha sorin ida e ao mesmo tempo hatudu falta de conhecimento klean sobre mundo. Padre Martinho haluha tiha buat ida, norma, valor ho sensibilidade ne mai hosi conhecimento. Ema be iha conhecimento diak la’os sobre norma ho valor oin ida deit, mas norma ho valor oioin. Hosi norma ho valor oioin sira ne mak nia sei pondera ida nebe mak diak liu atu adopta. Hau hanoin sira be contra livro ME nian ne, incluindo Padre Martinho rasik, precisa estuda ho aprende educação sexual hodi bele iha conhecimento ho sensibilidade diak liu sobre importancia hanorin corpo humano ho educação sexual ba jovem sira. Se ita nia conhecimento maka buat rohan oan nebe ita hatene, então ita nia sensibilidade mos mak rohan oan ne tanba ita la consegue haree dok liu tan katak iha norma ho valor seluk ou norma ho valor foun nebe protege ita nia saude ho futuro diak liu. Se ita considera buat hotu-hotu tabu, labele discute abertamente oin-sa mak ita bele hetan solução ba problemas nebe jovem ho familia sira hasoru iha ninia vida quotidiana? Labele usa rasão seidauk preparado hodi lakohi aprende ho loke neon ho kakutak hodi hasoru mudanças complexos sira nebe ita hasoru lorloron. Se mak responsavel ba taka ema nia neon e ohin loron continua tenta nafatin taka ema nian hanoin hodi klot nafatin? Tanba dehan buat hotu-hotu tabu mak halo ita nia conhecimento sobre mundo mos bot hanesan lafatik oan. Universidade nudar fatin atu halo revolução ba cienscia ho conhecimento la’os fatin hodi matem hanoin conservador ho antiquado. Se Padre ida sai conservador hau sei admite tanba la iha dalan seluk ba sira hodi conserva sira nia poder ho influencia, maibe ba estudante universitario ho decano ida mak hanoin ba fali kotuk ida ne mak precisa questiona duni.

Iha parte seluk Padre Martinho afirma nune: “… wainhira inan-aman sira la kuidadu labarik sira atu hare publikasaun iha Sabadu-Sabadu, ka tip-tip sex, gosip-gosip selingkuh, entaun labarik sira aprende katak publikasaun jornal nian ne’e “buat baibain”, “normal”, la vulgar, la erotica. Ita hare took, ohin loron inan-aman barak laran susar no lamenta, tan sa mak labarik ki’ik oan sira tolok malu iha luron hodi halimar deit. Balun lamenta, Eskola Katolika nia estudante sira mos tolok taka-matan nian! Hau hanoin, ida ne’e rezultadu husi media massa ne’ebe Sabadu-Sabadu halo publikasaun massiva kona ba isin molik ka na’an lulik sira, ne’ebe infelizmente, jornalista sira defende an hodi ‘liberdade de imprensa’, ‘liberdade de espresaun’! “

Conclusao Padre Martinho nian iha leten be dehan publicação jornal sira nian iha Sabado-Sabado mak halo jovem sira ohin loron sai tolok dor, hanesan los makikit joga anin, tanba joga mamuk. Padre Martinho se nudar ema critico no sensibilidade makas, tuir lolos halo uluk pergunta de partido sira ne: Jovem sira hahu tolok malu arbiru iha dalan hahu hosi sa tinan? Jornal sira publica buat sira be Padre Martinho fo naran tip-tip sex ou buat sira kama-laran ne hahu hosi sa tinan. Hosi pergunta rua ne mak bele hatene katak media mak infuencia jovem sira tolok ka la’os. Nune mos bele husu, jovem sira be iha foho la le jornal mos tolok ne hetan influencia hosi se ou saida?

Hau hanoin Padre Martinho iha dificuldade boot atu hatan ho preciso (tepat) ninia acusação ne tanba baze la iha. La iha factos ho dados hodi justifica ninia acusação ba media sira.

Atu fo hanoin de’it Padre Martinho ho ema hotu nebe hit an to’o Amerika, Europa, no Australia katak, jornal, revistas, CD, DVD sobre buat sira pornografica, ema fa’an iha quiosque jornais ho revistas nian forma nadodon tuir estrada ibun, no balu fa’an iha loja ki’ik to’o centros comerciais bobot. Makas liu tan ida ne iha cinema proprio ba filme sira azul ka porno nian. Jovem sira la’o liu ba mai iha estrada sira, sira hare no balu curioso to’o sosa buat pornografico sira ne. Se bele siik, hau hanoin Padre Martinho mos hare hotu jornais ho revistas pornograficas sira ne tanba kleur iha Italia ou Europa. Hau nia pergunta mak ne, nusa mak iha rai boot sira nee, buat hotu-hotu nakloke e la subar hanesan Timor nian nebe sei limitadu tebes, nusa mak ita nunca rona malae oan sira la tolok malu arbiru iha dalan ho fatin publico sira? Nusa mak Padre Martinho mos la sai ema tolok dor tanba la escapa hosi jornais ho revistas sira ne momento sei estuda iha Italia?

Hare ba buat hirak ne, hau hanoin se Padre Martinho honesta no objectiva karik, tuir lolos reconhece katak edukasaun hosi inan-aman, eskola ho Igreja mak fraco, la’os tanba media. Se tanba media, tuir lolos iha America, Europa ho Australia aat liu, tanba jornais ho revistas hakerek buat sira ne aat liu dok Timor-Leste nian.

Diak liu lalika soe sala ba medias sira enquanto hun hosi fraquezas sira ne ita haree momos hela. Ladun diak buka bode expiatoria ou kambing hitam, tanba ne la educativo.

Perguntas sira seluk nebe precisa nia resposta mak ne: Tan sa educação moral la forti iha Timor Leste? Hahu hosi sa tinan mak edukasaun ba moral sai fraco? Hau hahu hosi ida ikus. Educação moral sai fraco hahu hosi tinan nebe Timor oan sira tama iha funu laran. Bele dehan hahu hosi 1975 no durante periodo ocupação Indonesia nian. Tanba primeiro, funu halo inan-aman balu mate, balu fahe malu, balu inan-aman fahe malu ho oan sira, nune mos iha biban nebe inan-aman sira serbisu hotu, la iha tempo hodi fo atenção ba oan sira. Segundo escola sira mosu iha funu laran ladun fo atenção ba educação moral. Terceiro ambiente, militar Indonesia sira tolok malu arbiru iha jovem sira nia oin. Militar sira nia presença iha quinto-cato Timor tomak nian la hanesan jornais nebe concentra de’it iha fatin balu. Influensia hosi mos militar ho policia sira Indonesia nia oan nebe tuir inan-aman sira estuda iha Timor nebe koalia buat ki’ik ho bot taka ho “puki main” ho seluseluk tan.

Karik media, tuir lolos ema Ocidente nia oan sira tolok door aat liu ita dok, maibe ema la tolok malu iha dalan, iha fatin publico ou iha uma tanba educação moral nebe ema hanorin ho diak hosi ki’ik. Ema nia oan halo sala, sira la baku, maibe sira bolu hodi explica katak halo hanesan ne sala no los tenki hanesan neba. La’os hirus no baku, maibe buka fo resposta nebe educativo ba nia oan sira.

Parte seluk nebe Padre Martinho buka bode expiatoria ba mak nia afirma nune: “Ita simu ka la simu, fenomena ‘divorcio’ (kawin-cerai) ne’ebe hahu ataka jerasaun foun ohin loron mai duni husi publikasaun media massa. Konseptu Familia nudar Sagrada hahu hetan konflitu boot no todan. Familia barak mak hasoru situasaun ‘terorizadu’ ida ne’e, laran kanek tan failla hametin sira nia domin, fuan moras tan tenki hateke ba infidelidade (ketidaksetiaan) husi fen-laen sira. Hau le livru psikologia lubuk ida kona ba “divorcio”. Impresionante tebes, katak, razaun balun sai banal hela – sira hakarak sai hanesan diva pop sira ne’ebe mosu bebeik iha media tan divorcio. Maioria ema sira ne’ebe hasoru divorcio mos dehan katak ideal familia ne’ebe mosu iha sinetron, publisidade (iklan) no foto oi-oin halo sira la iha kbiit atu atinji (hetan). Entaun, sira buka alternativa iha “liur”. A lias, selingkuh. Tan sira la sente “at home” iha uma kain ne’ebe sira harii. Sira sente “at home” iha media komunikasaun nia laran”.

Exagera tebes quando Padre Martinho hola conclusão simplista ida hodi dehan divorcio provoka hosi media massa. Tuir estudos nebe hau hatene, divorsio baibain provoka hosi factor social, economica ho biologica. Se maka bele garante mai hau katak antes de media massa moris iha Timor-Leste, la existe divorcio?

Se ita fila ba ita nia cultura relação social nian, uluk liu ema rua atu kaben, la’os entre feto ida ho mane ida, maibe entre familia rua. Mane nia inan-aman ba husu feto ba nia oan mane. Familia feto nia aceita maka acontece ona casamento ne, maibe dala barak feto ho mane, ema rua be atu kaben la conhece malu ho diak. Sorti ba sira be kaben tiha ona foin mosu amor entre sira, maibe desgraça boot ba sira nebe la hadomin malu. Tanba la conhece malu ho diak no la entende malu neduni kalan loron hurun malu to’o balu tahan labele no fahe malu. Balu fali mesmo la iha domin ba malu, maibe tenki aguenta tanba de’it iha oan ona nune mos lori sacramento casamento hodi futu ho obriga tan atu ema labele fahe malu, maski ema rua ne la hadomin malu tiha ona. Feto ho mane barak sei terus, la hadomin malu ona maibe obrigado hela hamutuk nafatin tanba dehan kaben ona liu hosi Igreja. Se mak hakarak terus nafatin hodi cumpre de’it sacramento casamento hodi halo ema seluk contente maibe nia an rasik terus boot? So ema hanoin la racional mak hakarak mantem casamento ida nakonun ho violencia ho infelicidade. Tanba ne hau la contra divorcio. Ema kaben ho forma familia atu moris diak, la’os moris sai terus no aat. Ema hotu buka moris diak ba an tanba ne quando nia sente la feliz ona nia tenki hosik hela terus ne hodi buka fali moris diak. Hau hanoin la’os crime quando ema hakarak buka moris nebe halo nia laran hakmatek ho sinti diak. Buat nebe halo ita moris feliz mak hau kontente, imi kontente e ita hotu kontente. Maibe se imi mesak kontente e hau la feliz ho terus hela, hau tenki buka liberta hau nia an, tanba hau mak terus, la’os imi.

Familia balu hakarak iha oan, maibe oan la iha nafatin, ne mos resulta hotu iha divorcio. La iha ema ida hakarak kaben e lakohi iha oan. Objectivo ida hosi kaben ne mak atu iha oan. Ne significa oan importante liu do que casamento hosi Igreja ou registo civil. Se oan la iha ona, sira fahe malu ho kaben fali ho feto ou mane seluk hodi iha oan. Se mak lakohi iha ninia descendencia hodi continua ninia linhagem familia nian. La iha ema ida hakarak ida ne. So Padres sira de’it mak dehan labele kaben ho iha oan, maibe kaben hosi nakukun laran no haluha ou lakohi usa preservativo ou Kondom tanba kontra usa preservativo neduni halo isin rua feto balu no iha oan.

Problema economica mos halo familia sai rahun. Familia balu hakarak moris baibain de’it, no balu hakarak moris diak. Fen ho la’in nian rendimentu la hanesan mos sai problema. Rendimento economico nebe ki’ik no susar satisfaz necessidade economica lorloron nian, halo familia dala ruma la entende malu no trata malu ho insulta malu lorloron nebe hamosu pressão psicologica makas iha nebe bele resulta rasik iha divorcio. Familia balu lanu loron lanu kalan, joga loron joga kalan to’o osan hotu mohu no fa’an hotu sasan uma laran nian, buat hirak ne mos contribui hotu ba divorcio.

Problema psicologica ho biologica mos contribui ba divorcio. Tuir fiar Timor nian no doutrina Catolica nian, ema labele halo relação sexual antes de kaben. Infelizmente, depois de kaben, afinal mane impoten ou panaleiro ou feto mos iha moras balu be la satisfaz nia la’en, iha nebe halo sira sai stress ho frustrado, tanba mane la consegue hala’o ninia papel hanesan fen ho lain. Buat ne mos provoca problema sira kama-laran nian, tanba ne mak tenki iha conhecimento sobre buat hirak ne hodi bele evita. Ida ne la’os buat tabu ida, no iha psicologo sira especializado iha sexologia nian hodi halo acompanhamento ba casal sira hodi oin-sa mak satisfaz malu ho diak hodi labele hamosu problema nebe resulta ba divorcio. Buat hirak hanesan ne mak precisa publica sai iha media hodi ajuda familia sira resolve ninia problema, la’os ba bando ou subar tiha.

Globalização ho modernidade halo ema hotu ohin loron curioso atu hatene buat hirak nebe sira la hatene, tanba ne precisa educação nebe los hodi tulun ema hili buat be los ba nia an, la’os lori ai-kulit tuan hodi resove problema moderno nian nebe complexo liu.

Quado ema la hadomin malu ona, kadeli kazamentu nian nebe dehan halo ho osan mean no sagrado tebes mos folin la iha, tanba buat nebe ema ida-idak buka mak felicidade.

Iha parte ida tan Padre Martinho dehan publicação sobre pedofilia pratica hosi cardeais, bispos ho padres sira hanesan ataca Igreja Catolica: “Krizi iha vokasaun ba Vida Religiosa – hanesan publikasaun kona ba pedofilia no abuzu seluk – hatudu mos oinsa media massa hili duni atu ataka Igreja Katolika (keta haluha: publikasaun kona ba pedofilia no kazu abuzu seluk hanesan parte ida husi komersiu no industria! La’os tan media massa iha konsiensia moral kona ba buat diak, maiba tan prinsipiu bad news is good news [berita-berita buruk adalah kabar baik])”.

Primeiro Padre Martinho tuir lolos labele halo generalização katak media ou ema sira critica pratica pedofilia hanesan ataca Igreja Catolica porque Igreja maka sarani tomak. Media ho ema critico sira, iha caso ida ne la critica sarani sira maibe critica cardeais, bispos ho padres pedofilos sira. Padre Martinho nia hanoin iha leten ita nota momos, oin-sa mobiliza sarani sira hodi subar cleros pedofilos sira. Mobiliza sarani sira hodi defende pedofilo sira iha sorin ida e iha sorin seluk lori sarani sira hodi halo pressão ba media ou ema critico hodi labele sobu sai hahalok amoral sira hosi padres, bispos ho cardeiais pedofilos sira halo.

Padre Martinho hakarak dehan media sira sala tanba loke sai hahalok at sira ne, se Media sira la loke sai, se tan mak atu loke sai? Se la loke sai ohin loron padres pedofilos sira sei subar an metin e nem iha desculpa ruma hosi Papa. Se la iha pratica pedofilia nusa mak Papa tenki husu desculpa? Ne significa pratica ne iha duni e sei iha barak liu tan mak seidauk loke hotu. Husu ba media sira loke nafatin. Karik medias la hanoin moral e hanoin negocio deit, tuir lolos sira hakerek buat sira pornografia de’it, lalika hakerek buat seluk. Padre Martinho hakarak dehan, so cardeais, bispos ho padres sira deit mak dono moral nian, tanba ema seluk mak koalia ne la’os moral maibe tanba hakarak ataca Igreja e hakarak hasae oplah hodi hetan osan barak. Problema mak ema sira dehan dono moral nian, sira mak pratica uluk hahalok amoral hanesan halo abuso sexual ba labarik sira.

Hafoin sukit sai hanoin ho argumento superficial balu hosi Padre Martinho nian, hau hanoin katak educação sexual ou educação sobre saude reprodução ou famoso liu sex education tuir lolos nian tenki ser fo ona ba labarik sira.

Tanba sa educação sexual importante tebes? Educação sexual atu aborda ou koalia sobre tema sira hanesan sexo (sex), isin-rua (gravidez), aborto, métodos sira contraceptivos, importância usa preservativos (condom/kondom), moras sira sexualmente transmissíveis (menular).

Iha periodo adolescência, organismos hetan transformações barak e exige buat nebe individuo adapta an lalais ba ninia condição foun. Iha perido ida ne, individuo Iha perido ida ne, individuo husik ninia comportamentos infantis e inicia ho rotinas adultos nian balu. Normalmente feto oan sira madura lalais liu e tem que lida ho ninia responsabilidades lalais liu do que mane oan sira, feto oan sira madura tinan rua antes ba mane sira iha nebe halo sira iha responsabilidade lalais liu doque mane oan sira em relação ho vida sexual.

Quando inicia vida sexual ida, jovem ne precisa preocupa oinsa prevene moras e gravidez precoce (isin rua ho idade ki’ik tebes). Gravidez (kehamilan) iha adolescência bele provoca danos ou estragos ba saúde feto oan sira nian. Em relação ho moras sira sexualmente transmissíveis, mane ho feto precisa cuidado an. Mesmo que usa contraceptivos, evita moras aat efectivo liu mak utiliza preservativos, independentemente ba mane ou feto, pois preservativo impede contato directo órgãos sexuais sira.

Papel inan-aman sira nian hodi koalia ho oan sira em relação ho mundo sexo nian. Papel professores sira nian mak ajuda jovem sira liu hosi s questionamentos sira nebe inan-aman sira la consegue explica ou hato’o.

Inan-aman sira cristãos, tem que loke mos neon ho kakutak, precisa coragem hodi hatudu efeitos prejudiciais sexo nian antes de casamento e labele hosik ba oan sira nia amigos mak hanorin, tanba bele hanorin sala.

Iha era globalizasaun ne, hanorin cedo educação sexual ba labarik sira importante tebes porque labarik sira ohin loron ho facil tebes hetan informação hosi media hanesan revistas, livros, televisões, VCD, DVD, ho internet. Liuliu inan-aman sira lakohi oan sira (feto ho mane) buka informação ho nia maneira mesak hanesan liu hosi paginas sira porno ou hare VCD, DVD porno, etc.etc.

Los duni, ba Timor oan sira koalia sobre sexo ho labarik sira parece sei hanesan buat tabu ida. Agora ita tenki hili, diak liu koalia ho oan sira hodi labele monu ba moras aat ho buat aat ou nonok de’it hodi hosik sira monu ba buat aat. La iha ema ida hakarak nia oan hetan moras aat e lakohi nia oan sai ema aat, por isso, hakarak ou lakohi tenki ko’alia duni. Educação sexual nee ho objectivo atu labarik sira conhece sexo tuir buat los nian e espera sira bele ses hosi hahalok sira free sex nian.

Educação sexual ho intenção atu introduz oragãos sexuais nebe ho idade aumenta orgãos sira ne mos bot ba beibeik. Bele mos explica sobre papel hormona sexo nian iha ran nia laran ho ninia influencia ba ema nia isin, hanesan ba feto sira, hatada ho susun bot ba beibeik, fulun moris orgão lulik ho mestruação. Ba mane sira esplica ba sira sobre ninia orgão sexo nebe bot ba beibeik no mehi bokon e seluseluk tan. Mudança sira ne acompanha ho mudança iha emoção ho psicologica.

Introdução sexo iha ne atu esplica sexo hanesan buat natural ida, la’os porno. Lição sexo nian mos precisa hodi hametin fiar an ba labarik sira nune mos hodi protege labarik sira hosi hahalok aat sira, hanesan abuso sexual hasoru labarik ki’ik sira iha nebe labarik sira la hatene ou la consciente katak ema idade bot sira halo hela abuso ba sira. Alem de ida ne importante mos fo acentuação ba educação religião nian nebe bandu halo relação sexual antes de casamento.

Baseia ba acordo Internacional iha Cairo 1994, (The Cairo Consesnsus) sobre saude reprodução nebe Estados hamutuk 184 assina, decide ona katak precisa educação sexual ba jovem sira.

Hakarak ou lakohi, ita tenki reconhece katak labarik feto sira ho idade entre 14 e 16 anos, ohin loron enchem ona iha sala sira hospital pediátrico nian porque sai inan sira nebe sei nurak liu. Realidade ida ne lori preocupação bot ba médicos sira iha nebe sira hare feto idade ki’ik sira lori nia bebe sira isin fraco tebes ba hospital. Oinsa mak labarik feto ida seidauk hatene cuidado ho nia saúde bele cuidado bebe ida foin moris?

Ponto ida hosi consensos ne maka buka atu formula ho cuidado saude sexual ho reprodução e disponibiliza informação hotu-hotu inclui ba jovem sira.

Hare ba fenomena be acontece iha Timor-Leste, sei mosu pro ho kontra iha sociedade nia laran, tanba iha hanoin balu katak ko’alia sobre sexo hanesan buat tabu ida no educação sexual estimula jovem sira hodi halo relação sexual. Maior parte hosi sociedade Timor nian sei iha stereotype ho educação sexual hanesan buat vulgar ida. Ita bele hare ida ne hanesan buat nebe amu Martinho hakerek iha nia artigo “Fenomenologia “Kitsch” iha Edukasaun nia Laran” ho reacção balu nebe amu Martinho refere iha nia hakerek.

Balu iha percepção nebe sala quando koalia sobre sexo, tanba ne buat nebe mosu iha sira nia ulun maka relasaun sexual. Mas iha realidade, sexo ne hatudu ba diferença sexo entre feto ho mane tuir biologica nian.

Sexualidade relaciona ho questões balu hanesan:

dimensão biologica - relaciona ho orgão reprodução, meio cuidado ba higiene ho saude;

dimensão psicologica - sexualidade relaciona ho identidade papel sexo nian, sentimento hasoru sexualidade no oin-sa hala’o ninia papel nudar criatura sexual;

dimensão social - iha relação ho oin-sa sexualidade ne mosu iha relasaun inter-humano no oin-sa ambiente influensia iha formasaun visão sobre sexualidade no opsões ba comportamento sexo nian;

dimensão cultural, hatudu katak comportamento sexo ne hanesan parte ida hosi cultura nebe existe iha sociedade nia laran.

Educação sexual la’os de’it ko’alia kona ba aparelho reprodutor masculino e feminino, e tipo de de informação ida ne mos la’os buat ida interesse de’it ba adolescentes sira. Labarik sira tinan 5 mos iha curiosidade no hakarak hatene bebe sira mai hosi nebe. Sira rona informasões fragmentadas, rohan ida hosi aman, rohan seluk hosi inan, balu hosi televisão, colgeas, e cria imagens ho fatasias nebe dok tebes ho realidade no dala ruma perigosa tebes.

Iha factor rua mak hatudu educação sexual ne importante tebes ba jovens sira. Primeiro factor maka iha nebe labarik sira boot hodi sai jovem, sira seidauk hatene ou comprende educação sexual, porque inan-aman sira sei considera katak koalia sobre sexo hanesan buat tabu ida. Neduni hosi la hatene ou la cumprende buat ne jovem sira hanoin la responsabiliza ba sexos ou ninia saude anatomia reprodutiva.

Segundo factor, hosi la cumprende jovens sira nian ba sexos ho sira nia anatomia reprodução, iha sira nia ambiente social sociedade nian, buat seluk nebe apresenta limite de’it iha comodito, hanesan medias sira be apresenta buat hirak nebe iha natureza pornografica, hanesan VCD, revistas, internet, mesmo passa iha televizaun buat sira nebe orienta ba iha neba. Impcto hosi la hatene ou la cumprende jovens sira ba educação sexual mak hamosu buat negativo sira hanesan iha relação sexual antes ou fora de casamento, isin rua ou gravides nebe la tuir hakarak, transmissão HIV, SIDA, etc.etc.

Factor seluk tan nebe sustenta ideia hanorin educação sexual tanba abuso sexual infatil (labarik idade ki’ik) sira. Acontece nafatin abuso sexual infantil porque labarik sira la hetan orientação hodi prevene e hatene katak se deit labele kona ou lamas sira nia isin lulik. Se la barik sira hatene, mak sira sei denuncia ou fo sai ema be lamas sira ou halo abuso sexual ba sira porque labarik sira mos iha direito hetan respeito. Labarik barak sai vitima cardeiais, bispos, padres ho ema baibain sira porque labarik sira la hetan preparação ou informação sobre sira nia isin lulik. La fo informação tanba ema balu hanoin katak sira bot ona mak sei bele fo informação sobre sexo nian. Quando to’o iha fase ida ne, tarde tebes ona no balu sai tiha vitima ona. Tem que hanorin cedo para que quando iha transformação ba puberdade, ema ne hatene ona saida mak sexo.

Ita koalia sobre educação sexual la’os koalia de’it sobre orgão corpo humano ka ema nia isin-lolon, mas sobre buat barak nebe ita tenki aprende hanesan economia, socio-cultural, nune mos politica, por exemplo prostituição iha nebe-nebe mosu tanba factor economia, neduni sira la responsabiliza ona ba sira nia orgão reprodutora ho la consciente katak sei mosu transmissão virus HIV, SIDA, ho moras sexual sira seluk.

Tan ne, ho estuda no aprende sobre educação sexual, espera katak jovem sira bele cuidado ho ninia orgãos sira reprodução iha sira nia isin no ema seluk labele kaer sira nia orgão reprodutora hanesan cardeais, bispos ho padres balu kaer halimar ou halo abuzo sexual ba jovens sira nebe ohin loron sai makas iha noticia iha mundo tomak. Orgão reprodutora jovens ida-idak nian sai responsabilidade jovens ida-idak nian rasik hodi protege hosi buat sira be la hakarak. Atu hatene orgão sira ne ninia funsão e ida-idak bele bali diak ninia orgão sira ne, precisa tebe-tebes educação sexual.

Ba jovens sira nebe haharak hatene educação sexual, bele hetan acesso liu hosi instituição sira nebe disponibiliza informasões sobre educação sexual. Ministerio Saude ho Educação tenki responsabiliza ba prepara informasões sira ne. Livro nebe Ministerio Educação atu publica, halo parte hosi programa hanroin educação sexual ba labarik ho jovens sira. Programa ne diak no tenki la’o ba oin nafatin.

Inclui iha Curriculum Educação Sexual

Ema balu hanoin katak educação sexual so bele hanorin ba labarik sira idade naton ona. Ba sira labarik sira sei tur iha 3º ano Ensino basico sei ki’ik ou nurak liu aprende material ida ne. Tenki hatene katak labarik sira tuur ona iha 3º ano, ninia idade atinje ona 8-9 anos, idade id abele dehan tarde oituan ona atu aprende sobre corpo humanos. Mas ba especialista sira defende educação sexual diak liu hanorin ona iha infância. Sira defende educação nudar dialogo ida.

Ba medico Pediatra e doutor iha Saude Publica, Feizi Milani, sexo nudar assunto nebe ko’alia hosi ki’ik, nune hodi sira atinge ona idade ida jovem, sira consciente ona oinsa funciona ema nia isin (corpo) e oinsa mak bele protege. Milani reafirma importancia ba consciencia sobre relação entre sexo ho valores pessoais ba formação individuo adulto saudavel ida. Medico ne sugere atu hanoin problema ne tuir forma ida mais sistemica.

Facto hatudu adolescentes (remaja) sira isin rua lorloron o hetan moras sira sexualmente transmissiveis (menular), e tanba ne mak precisa muda situação ne. Ba nia, disponibilização (penyediaan) preservativos (kondom) hanesan medida positiva ida. Primeiro porque la’os fahe (distribuição) mas disponibilização. Ne la significa atu fahe preservativo iha escolas ou iha nebe de’it, maibe tau iha fatin ida, e se mak hakarak hetan tenki ba fatin ne hodi simu. Ne disponibilização ida de’it, la’os estimulo ida ba acto sexual tanba ita hanoin katak se la iha preservativo mos la impede ema halo relação sexual. Buat nebe falta mak educação sexual, nebe diferente ho informação. Educação envolve reflexão, analise critica, valores eticos e morais, reconhece valores pessoais, discute papeis genero nian. Então, disponibiliza preservativo la’os solução, mas medida nebe deve ser acompanhada mak esforço ida mais consistente, continuado e sistematico halo promoção ba educação sexual iha escolas.

Koalia sobre educação sexual, nudar topico ida interessante, rame no doko ema balu nian fuan. Nakdoko, iha surpresa mas iha mos valor educação barak. Ohin loron sexos la’os ona buat tabu nebe halo ita moe hodi koalia. Ate sira nebe contra makas educação sexual no hatudu an santo tebes, sira ne mak pratika makas sexos sira la saudavel no fo oan arbiru ba feto sira. Sira ne mak hipocrita liu iha mundo, mosu hosi oin hatudu an santo tebes, iha moral aas, no bandu ema atu discute buat nebe diak ba saude nian, maibe hosi kotuk, sira ne rasik mak destruidor saude nian, destruidor moris social nian, porque bando ou dehan labele hanorin ema hodi usa preservativos (kondom) hodi evita gravidez, maibe sira rasik fo oan ba feto sira, hodi feto sira terus iha ninia vida tomak iha sociedade nian laran tanba ko’ous oan hosi aman misterioso sira.

Parece ita foin consciente importancia conhecimento sobre sexos tanba mosu caso free sexs iha jovens sira ohin loron. Karik ita koalia sobre free sex, buat nee tuir lolos mosu horiuluk kedas, mas so agora mak mosu barak liu. Tanba sa dehan horiuluk kedas? Tanba buat ida bolu oan lutu-hun ka dut laran nian, nudar resultado hosi free sexs ne. Ita lalika hipocrita hodi reconhece ida ne. Deferente maka hori uluk kedas no to’o agora, ita la iha data estatisca hodi apura percentagem hosi oan resultado free sex nian.

Free sex nebe pratica hosi jovens sira, bele de’it mos provoca hosi avanço tecnologia sofisticado nune mos hosi globalização economica. Maibe so soe culpa ba buat hirak ne la’os buat ida propicio.

Naran de’it jovem, periodo puberidade (tinan 13 ba leten) nudar periodo nebe jovens sira buka ninia identidade no sentido hosi nia vida. Iha idade sira ne jovens sira iha curiosidade boot tebes, hakarak hatene e koko buat foun nebe antes la hatene ou seidauk sente. Tanba curiosidade nebe boot, quando bando sira atu labele hatene, sira sente curioso liu tan atu hatene e koko, sira arrisca an, sem halo poderação uluk sobre impactos hosi sira nia acção. Barak mak sai vitima tanba la iha conhecimento. Tanba ne mak educação sexual hanesan buat ida importante ho urgente hodi evita mosu vitima barak liu tan.

Importante tebes inclui educação sexual iha curriculum escolar, hahu hosi 3º Ano, hodi sira bele prepara an ba iha periodo ida puberidade. Educação sexual precisa tebes hodi antecipa, conhece no prevene actividade free sex e bele ses hosi impactos negativos seluk.

Hau concorda katak livro nebe ME atu publica tem que ser introduz cedo ba labarik sira, pois labarik sira tinan lima de’it mos sira começa husu ona, tanba sa ninia sexo la hanesan sira seluk nian. Inan-aman iha responsabilidade tomak tem que explica buat los ba nia oan sira hodi sira bele aprende buat nebe los nian ba sira, la’os subar. Iha escola mestri sira mos tenki explica tanba ne halo parte cienscia hodi labarik sira bele conhece cedo orgãos sira corpos nian hodi sira bele cuidado an ho diak.

Hanorin educação sexual labele limite de’it iha teoria sem halo abordagem be envolve alunos sira iha halo pergunta ho resposta. Fo liberdade tomak ba alunos sira halo pergunta no professores sira tem que responde pergunta sira nee ho maneira ida diak ho cientifica. Labele hanorin tanba formalidade de’it, iha nebe halo alunos sira moe atu hato’o sira nia curiosidade.

Estuda sobre sexos diferente ho estuda halo to’os ho natar. Por exemplo, aprende halo to’os ho natar, tenki aprende oin-sa mak kaer catana ho ai-suak hodi labele halo liman kanek no hamoos rai ho kaber, mas estuda sobre sexs la’os aprende halo actividade sexs nebe diak, mas aprende sa-ida mak sei acontece ou mosu hosi actividades sexs ne.

Iha realidade hatudu katak periodo puberidade, jovem barak halo buat ida hodi responde de’it sira nia curiosidade ou tuir de’it trend. Por exemplo, bele mosu iha sira nia hanoin katak, namoro la ho re’i malu ne la’os namoro. Tanba ne iha idade halo namoro sira la moe ona ba re’i malu, mas que la hatene sentido hosi re’i malu ne rasik. No bainhira sente katak re’i malu ne lori prazer ida, no sira hakarak hetan prazer ida boot liu tan hodi tama ba iha relasaun sexual nebe tuir lolos sira seidauk bele halo. Sira la consciente ba sentimento prazer ohin ne, sei hamosu problema foun, problema serio nebe estraga sira nia futuro rasik. Bainhira monu ona ba sala, la’os jovem de’it mak lori nia todan, maibe inan-aman mos sai moe. Tanba ne maka educação sexual importante tebes no bele começa halo discussão directa sobre saude reprodução. Tenki tama ho maneira nebe suave hodi alunos sira labele moe. Nune mos bele liu hosi halo seminario beibeik sobre sexos ho convida perito sira iha area sexual nian hodi explica detalhado liu tan. Por exemplo medico ho psicologo sira nebe hatene no conhece diak vida jovem sira nian.

Educação sexual ne bele integra iha material sira sobre biologia, religião ho orientação conselho nian. Maibe hetan bukae hosi escola de’it la to’o, precisa mos comunicação entre inan-aman mos precisa. Bele dehan jovem barak mak la barani conta ba inan-aman sobre ninia primeiro beijo (ciuman pertama) ba nia inan-aman. Bainhira ita husu hosi nebe hatene sobre amor (love), sex no dating, barak mak hatan hosi colegas. Bele dehan hostoria hosi colegas sai funan-funan no rebo-rebo no halo jovem bele hakat sala. Ema balu dehan feto oan sira sei virgem tanba antiquado (kolot). Tanba la iha conhecimento nebe diak halo sira entrega sira nia virgindade tanba de’it informação sala nebe sira hetan. Monu iha halo relação sexual fora de casamento bele hamosu gravides nebe la hakarak.

Ba Timor-Leste, hare hanesan la’os jovem sira de’it mak iha direito ba conhecimento sobre educação sexual ho vida moris jovens sira ohin loron nian. Antes de fo educação ba jovem sira, inan-aman mos precisa hetan educação sobre vida jovem sira nian, liliu hatene sa-ida mak sai trend iha jovem sira nia leet. Ho nune bele cria comunicação aberta entre inan-aman ho oan sira. Tanba la’os la impossivel sira la besik ba inan-aman ou dok hosi inan-aman nia controlo mak dala barak halo oan sira monu iha buat sira

A educação sexual temque ser liu hosi dalan diologo, la’os expositivo. Professor tem que cria ambiente ida iha nebe labarik ho adolescentes sira hato’o sira nia duvidas, receios, desejos. Professor sira la lika preocupa atu fo resposta ba buat hotu-hotu. Informação iha hotu ona e adolescentes hatene buat hirak nee. Sa ida maka sira la iha mak espaço ba dialogo.

)* Observador Assuntos Sociais

-) Email: martsadura@gmail.com