VISAO MISAO OBJECTIVO HAKSESUK BOLA FH KKN HOME FH LPV ARTIGOS FH MUZIKA LIA MENON FH RESPONDE
DALIA iha "quarteto" LIAN NIA NONOK  
   

quarta-feira, 7 de outubro de 2009

PDHJ: envolvimentu korupsaum eis-PMs Mari Alkatiri no Ramos Horta sei entrega ba KAK

Dili - Radio Timor-Leste (RTL, 06/10/2009) Investigasaun ba kasu korupsaun ne´ebe akusa envolvimentu eis-PMs Mari Alkatiri no Ramos Horta, oras ne´e parado tamba instituisaun Provedoria Direitus Humanos no Justisa (PDHJ) enfrenta dificuldades konaba orsamento.

Adjunto PDHJ, Silveiro Pinto Baptista hatoó ba RTL katak” alegasaun indika eis-PM Ramos Horta ne´ebe chefia governo iha tinan 2006 fasilita orsamentu estado ho valor Rihun Tolu Resin ida ba ei-PM Mari Alkatiri no familia halo tratatmento saude iha Portugal no Moçambique maibe investigasaun ne´e hapara tamba instituisaun la iha orsamentu ne´ebe suficiente.

Silveiro Pinto ne´ebe preside investigasaun reforsa, PDHJ konsegue rekola dadus no rona oma deklarasaun husi parte Ministerius Finansas no partes relevante seluk iha rai laran exepto dadus husi estranjeiru tamba la iha orsamentu atu facilita sira nia viajem.

Silveiro: Kasu Mari ho Horta la arkiva

Silveiro Pinto hatutan, maske investigasaun parado la signifika PDHJ arkiva kasu ne´e. Silveira mos sublinya, resultadu provisoriu husi investigasaun ba kasu atinji ona porsentu Lima nulu resin espera ho investigasaun ne´ebe sei halo iha estranjeirus bele finaliza hodi foti medida tuir dalan legal.

PDHJ sei entega fali nia mandato ba KAK

Provedoria Direitus Humanus no Justisa (PDHJ), sei entrega kasu alegasaun korupsaun ne´ebe akuza envolvimentu eis-PMs Mari Alkatiri no Ramos Horta ba Komisaun Anti-Korupsaum (KAK) atu kontinua procesu enquantu instituisaun PDHJ sei remata mandatu ba kaer kasu sira hanesan ne´e. Adjuntu PDHJ hatou lia fuan rak ne´e relaciona procesu kontinuasaun ba kasu ne´e.

Silveiro Pinto hateten, ”PDHJ sei la arkiva kasu ne´e maibe sei entrega dokumentus tomak ba KAK atu investiga ba oin hodi promove boa governasaun no kombate korupsaun”. Tenik tan Silveiro Pinto, ”garante, durant halao knar instituisaun ne´e sei mantein nia independente no la afilia ba interesse parte balun no kumpre deit dever ne´ebe iha”.

Mari Alkatiri hatan alegasaun korupsaun

Eis-PM Mari Alkatiri deklara, la uza orsamentu estado ka bilete ruma husi governo anterior wainhira halao tratamento saude iha estranjeiru.

Mari Alkatiri hato´o lia fuan hirak relaciona ho alegasaun ne´ebe indika eis-PM Ramos Horta fasilita orsamentu estado ho valor Rihun Tolu Resin ida ba nia ho familia hodi halo tratamentu saude iha Portugal no Moçambique iha tinan 2006.

Mari Alkatiri hateten, la merece dirije akuzasaun ne´e ba nia tamba tempo ne´eba nia rasik laos ona hanesan Primeiro-Ministro no la iha poder atu orienta governo gasta osan estado maibe Ramos Horta maka chefe governo momento ne´eba.

Mari Alkatiri reforsa, alegasaun ne´e mos la los tamba wainhira halao tratamento saude iha estranjeirus nia parte ba hamutuk ho nia oan feto, laos ho familia tomak.

Sekretariu Jeral Partidu Fretilin ne´e deklara la hakfodak ho akuzasaun ne´e no considera questaun ne´e anexan hahalok husi membrus governu balun atu subar-na husi aktus korupsaun sira rasik komete.

Mari Alkatiri sublinya, nia parte rasik presta ona deklarasaun ba PDHJ relasiona ho alegasaun ne´e.

Entretanto to´o noticias ne´e RTL hatun, seidauk hetan konfirmasaun husi aktual Presidente Republika, Ramos Horta ne´ebe tempo ne´eba kaer knar nudar Primeiro-Ministro, hodi hatan ba alegasaun korupsaun!

Publikasaun seluk konaba Tema ida ne´e:

Sem comentários:

Enviar um comentário

Nota: só um membro deste blogue pode publicar um comentário.