Tuir Jornal STL, 07/10/2009, militantes husi Partido PUN (Partido Unidade Nacional) ho FRETILIN (Frente Revolucionaria do Timor-Leste Independente) hamutuk 5.500 afilia ona ba Partido Demokratiku (PD).
Independentemente husi noticia nee los eh lae, mosu imagem iha jornal nee, militantes husi partido sira nebe afilia ba PD hako’ak malu ho presidende PD, Fernado La Sama de Araújo.
Noticia kompleta hanesan haktuir STL ho titulu "Militantes PUN no Fretilin 5.500 Afilia ba PD" mak tuir mai nee:
Gleno (STL, 07/10/2009) – Militantes Partido Unidade Nasional (PUN) no militantes Partido Fretilin hamutuk nain 5.500 ho konsiensia rasik afilia ba Partido Demokrata (PD). Sira afilia ba PD tanba sira hare PUN no Fretilin laiha ona kapasidade atu luta ba sira nia aspirasaun.
Militantes PUN nebe afilia ba PD nee hamutuk nain 4000, mai husi Sub Distrito Hatolia (Zona B) hanesan Fatubolo, Manuase, Maubu, Urahu no Fatubessi. Militantes Fretilin hamutuk nain 1500 mai husi area Suku Urahu, afilia ba PD liu husi sira nia deklarasaun iha Sabado (3/10) iha Maukali, Fatubessi, Sub Distrito Hatolia.
Koordenador PUN husi Suku 5, Zona B, area Sub Distrito Hatolia, Ermera, Joaquim Menezes alias Mesak iha ninia diskursu, Sabado (3/10) esplika katak, nia lori militantes PUN nain 4000 afilia ba PD tuir sira nia hakarak rasik. La iha ema ida obriga sira, nomos la simu buat ruma husi parte nebe deit. Sira afilia ba PD tanba sira hotu nia hakarak rasik. “Ami hakarak hamutuk ho PD tanba ami hare, PD mak partidu futuru ba povo no nasaun,” hateten Mesak.
Nia hateten, tuir sira nia observasaun durante tinan 2 nia laran, PD hamutuk ho partido 4 (bloku AMP) lidera governo, sira hare katak, PD implementa duni ninia programa, tuir buat nebe promote iha kampainha eleisaun tinan hirak liuba. Oras nee PD ninia programa implementa duni iha governo. Tanba nee sira hakarak hamutuk ho PD hodi halao desenvolvimentu ba nasaun no ba povo TL nia futuru aban bainrua.
Mesak promete katak, hamutuk ho PD sira sei halo serbisu maka’as, sei halo PD buras no bot iha TL laran tomak, liliu hodi prepara an didiak para bele manan eleisaun geral 2012. “PD tenki manan iha Distritu Ermera laran tomak ho porsentu 90%. Iha eleusaun geral 2007, PD manan maioria iha Distritu Ermera, no iha tinan 2012, PD sei manan tan ho persentazem bot”.
Entretantu, militantes Partido Fretilin husi area Suku Urahu, Hatolia, Abilio Carvalho iha ninia diskursu hateten, sira afilia ba PD tuir sira nia hakarak. Laiha ema ida obriga. Sira ba PD tanba durante tinan 2 nia laran, sira hare PD nia programa implementa duni iha Governo nia laran.
Responde afiliasaun refere, Presidente PD Distrito Ermera, Ernesto Fernandes alias Dudu hateten, ita moris iha nasaun demokratika livre ba ema hotu atu tuir buat nebe sira nain rasik hakarak. Tan nee, “ba maluk militantes sira husi PUN no Partido Fretilin nebe afilia ba PD, hau hato’o agradese wain. Mai ita hamutuk ho PD, hodi halao desenvolvimentu ba ita nia povo no nasaun” katak Dudu.
Presidente PD Fernando La Sama de Araujo mos fo resposta positivo ba afiliasaun refere. Nia hateten, nudar nasaun demokratiku, liberdade ba ema hotu atu hato’o nia hanoin no hakarak. Maibe importante ba ema hotu maka nee: "Ita tenki moris iha unidade, domin, no paz nia laran. Ita tenki moris tuir Lei no Ordem. Ita labele halo violensia, labele halo krimi, tenki evita krimi no violensia, moris tenki respeita malu, respeita ema seluk nia hakarak", hateten La Sama. dlo
Independentemente husi noticia nee los eh lae, mosu imagem iha jornal nee, militantes husi partido sira nebe afilia ba PD hako’ak malu ho presidende PD, Fernado La Sama de Araújo.
Noticia kompleta hanesan haktuir STL ho titulu "Militantes PUN no Fretilin 5.500 Afilia ba PD" mak tuir mai nee:
Gleno (STL, 07/10/2009) – Militantes Partido Unidade Nasional (PUN) no militantes Partido Fretilin hamutuk nain 5.500 ho konsiensia rasik afilia ba Partido Demokrata (PD). Sira afilia ba PD tanba sira hare PUN no Fretilin laiha ona kapasidade atu luta ba sira nia aspirasaun.
Militantes PUN nebe afilia ba PD nee hamutuk nain 4000, mai husi Sub Distrito Hatolia (Zona B) hanesan Fatubolo, Manuase, Maubu, Urahu no Fatubessi. Militantes Fretilin hamutuk nain 1500 mai husi area Suku Urahu, afilia ba PD liu husi sira nia deklarasaun iha Sabado (3/10) iha Maukali, Fatubessi, Sub Distrito Hatolia.
Koordenador PUN husi Suku 5, Zona B, area Sub Distrito Hatolia, Ermera, Joaquim Menezes alias Mesak iha ninia diskursu, Sabado (3/10) esplika katak, nia lori militantes PUN nain 4000 afilia ba PD tuir sira nia hakarak rasik. La iha ema ida obriga sira, nomos la simu buat ruma husi parte nebe deit. Sira afilia ba PD tanba sira hotu nia hakarak rasik. “Ami hakarak hamutuk ho PD tanba ami hare, PD mak partidu futuru ba povo no nasaun,” hateten Mesak.
Nia hateten, tuir sira nia observasaun durante tinan 2 nia laran, PD hamutuk ho partido 4 (bloku AMP) lidera governo, sira hare katak, PD implementa duni ninia programa, tuir buat nebe promote iha kampainha eleisaun tinan hirak liuba. Oras nee PD ninia programa implementa duni iha governo. Tanba nee sira hakarak hamutuk ho PD hodi halao desenvolvimentu ba nasaun no ba povo TL nia futuru aban bainrua.
Mesak promete katak, hamutuk ho PD sira sei halo serbisu maka’as, sei halo PD buras no bot iha TL laran tomak, liliu hodi prepara an didiak para bele manan eleisaun geral 2012. “PD tenki manan iha Distritu Ermera laran tomak ho porsentu 90%. Iha eleusaun geral 2007, PD manan maioria iha Distritu Ermera, no iha tinan 2012, PD sei manan tan ho persentazem bot”.
Entretantu, militantes Partido Fretilin husi area Suku Urahu, Hatolia, Abilio Carvalho iha ninia diskursu hateten, sira afilia ba PD tuir sira nia hakarak. Laiha ema ida obriga. Sira ba PD tanba durante tinan 2 nia laran, sira hare PD nia programa implementa duni iha Governo nia laran.
Responde afiliasaun refere, Presidente PD Distrito Ermera, Ernesto Fernandes alias Dudu hateten, ita moris iha nasaun demokratika livre ba ema hotu atu tuir buat nebe sira nain rasik hakarak. Tan nee, “ba maluk militantes sira husi PUN no Partido Fretilin nebe afilia ba PD, hau hato’o agradese wain. Mai ita hamutuk ho PD, hodi halao desenvolvimentu ba ita nia povo no nasaun” katak Dudu.
Presidente PD Fernando La Sama de Araujo mos fo resposta positivo ba afiliasaun refere. Nia hateten, nudar nasaun demokratiku, liberdade ba ema hotu atu hato’o nia hanoin no hakarak. Maibe importante ba ema hotu maka nee: "Ita tenki moris iha unidade, domin, no paz nia laran. Ita tenki moris tuir Lei no Ordem. Ita labele halo violensia, labele halo krimi, tenki evita krimi no violensia, moris tenki respeita malu, respeita ema seluk nia hakarak", hateten La Sama. dlo
Sem comentários:
Enviar um comentário
Nota: só um membro deste blogue pode publicar um comentário.