PD: Rekomendasaun CCN ba CSP

            

            Partido Democratico

                 Conselho Consultivo Nacional  (CCN)

                  Rua Colmera, numuru , Dili, Timor-Leste

Asuntu: Rekomendasaun CCN ba  CSP

Ható  Ba:

1)    Prezidente PD   

               Eng.Mariano Assanami Sabino

         2)  Sekretariu Jeral

               Dr.António da Consceição

3)    Prezidente CPN

Dr. Andriano do Nascimento

               

CC ba:

       1)Prezidente Municipiu 12 ho RAEAO

      2) Komisaun Jurisdisaun Nacional

      3) Prezidente Organizasaun Massa Partidu nian sira:

             a. OMP

             b.OJD

             c.MPD

I. Kna’ar  CCN nian:

1.1.  CCN Tuir Estatutu Partidu nian,  iha artigu 62,numuru 1 nebe defini katak,`` knar no responsabilidade CCN nian mak fo akonseilamentu  ba CSP (Conselho Superior Partido) relasiona ho asuntu sira:

     a.Dezisaun estrstejiku Partidu nian;

     b.Hametin koezaun, unidade no funsiomentu partidu;

    c. Dizolusaun partidu;

1.2. Halao avaliasaun ba funcionamento partido nian

Iha artiguº 62, numuru 2  ne´e defini katak`` CCN bele fó akonseiliamentu  ba CSP bainhira husu ka la husu´´.

 1.3. CCN nudar Reserva moral e filosofico do Partido; 

    Estatuto artigu 62º, Numuru 3 defini katak`` CCN mak mediador  ba solusaun konflitu internu partidu nian´´. Nudar reserva moral no filosfico partidu nian, CCN ninia dever hodi buka solusaun ba problema ne´ebe  mak partidu hasoru.

II. Situasaun atual hafoin EA 12.05.2018

    2.1.Resultadu Eleisaun dala rua iha fulan sia (9) nia  laran Partido Democratico (PD) lakon kadeira 3. Eleisaun Parlamentar 22 de Julho de 2017, lakon kadeira 1 husi 8 iha Eleisaun Parlamentar 2012 ba 7 Eleisaun Parlamentar,22.07.2017. Tun ba kadeira 5 iha Eleisaun Antecipada iha loron 12.05.2018. Lakon kadeira 3 iha fulan sia (9) tanba fatores lubun ida.

  2.2.Parlamento Nacional mak nudar palku ba intervensaun politika no interese Partido hodi defende interese povo no eleitorados nian. Papel parlamentares sira iha halo politika ba tinan lima mai ne importante.

  2.3. Parlamento Nacional mos nudar fatin ba eleitorados iha ninia interligasaun ho representante povo nian nebe sai hanesan matan, tilun no ibun ba povo nian. Tanba ne´e, representatividade mos tenki representa ba eleitorados nebe mak fó fiar ba PD liu husi votus iha Eleisaun Antesipada iha loron 12 de Maio de 2018.

III. Procesu disciplinar:

     CCN mos rekomenda CSP hola procesu hasoru militante ,quadrus partidu sira ne´ebe mak viola Estatuto no orientasaun politika partidu nian no aplika sansaun disciplinar. Hakerek Estatuto iha artiguº 29,   numuru 2, defini katak`` bainhira  halo violasaun  ba ninia dever  sira, bele aplika sansaun sira tuir mai , tuir orden gravidade:

a.Xamada atensaun verbal dala ida;

b.Xamada eskrita dala rua;

c. Suspende tinan ida;

d. Hapara husi funsaun iha orgaun sira partidu nian;

e. Suspende husi direitu atu tuir hili no hili nia ba kargu ruma durante tinan rua nia laran;

f. Hasai husi Partidu;

Numuru 3 artigu ne´e defini katak `` sansaun hasai husi partidu só aplika ba sala todan sira, liliu la respeita prinsipiu  no lina orientasaun partidu nian, la hakruk ba Estatutu, Regulamentu, dixiplina no diliberasaun  sira husi orgaun sira partidu nian, violasaun ba kompromizu sira nebe nia asumi, hahalok sira nebe lori prejuizu seriu ba prestijiu no naran diak partidu nian ´´.

Numuru 5 artigu ne defini katak `` konsidera mos sala grave ba kuadru mediu ka superior ida bainhira ba apoio ka halo kampaina ba partidu seluk ka kandidatu nebe laos kandidatu partidu nian iha eleisaun suku, munisipal,prezidente mo lejislativa´´.

 IV.Tetu no analise ható ba Presidente CSP hodi hola dizisaun

Presidente nudar kandidatu numuru 1, Sekjen kandidatu numuru 2 no Presidente OMD kandidatu numuru 3, retira husi kadeira iha Parlamento Nacional nudar deputado.  

Tanba saida troka Presidente no Sekjen PD husi Parlamento Nacional, ho razaun sira tuir mai:

   01. Presidente no Sekjen iha tempo hodi didika ba organiza no mobiliza partido ba hasoru desafiu sira ne´ebe mak partido hasoru internal no external.

   02. Prepara kaderizasaun ba militante sira, fó fatin ba quadru partidu nian seluk bele envolve iha Parlamento Nacional nudar palku politika ne´ebe representa partidu.

 

 Troka Presidente OMD husi Parlamento Nacional ho razaun sira tuir mai:

        Kestaun representatividade tanba Partido buka iha balansu  iha Parlamento Nacional,  bele representa eleitoradus sira ne´ebe mak fó fiar ba PD. Maske Presidente OMD, maibe mai husi Municipiu Ermera no Deputado  Ernesto Dudu mak representa ona.

V. Troka ho deputados sira iha lista numuru 6,7 no 8  ho razaun mak tuir mai ne´e:

  4.1. Kriteriu sira:

        a) Kriteriu representatividade

Nudar membru Parlamentu Nacional  hanesan tilun,ibun no matan ba povu sira ne´ebe mak vota hodi ba representa sira rasik.

        

b) Kompetensia

Kompetensia mos nudar fator importante hodi representa PD iha Parlamento,tanba Parlamento mak palku demokrasia ba Lejislador sira hodi lejisla Lei ,fiskalizasaun politika publika no intervensaun politika sira representa ne´ebe representa partidu,  hatudu kinerja no imajen partidu nian rasik.

        c) Peso politika

Deputadu nebe mak representa iha iha ninia peso politika tanba nia envolvimentu iha prosesu istoria, iha ukun nebe ninia prestasaun servisu ba publiku diak, ninia partisipasaun sivika nudar sidadaun iha sociedade Timor nian.

 4.2. Substituisaun:

  Lista numuru 6 tanba   representa jeografikamentu zona municipiu sira hanesan: Baucau, Lautem, Viqueque no Manatuto.

  Lista numuru 7 tanba representatividade no peso politika, tanba pertense ba estrutura executivo Partido Democratico, veterano, wainhira exerce kargu nudar membru governu iha V Governu ne´ebe tutela ba  veteranu halao duni knar hodi servi povo Maubere no mos lidera grupu Kolimau 2000.

  Lista numuru 8 tamba representatividade husi Munisipiu nebe mak PD nia votu sae.Hare husi resultadu Eleisaun Antecipada,12.05.2018, Municipiu Bobonaro ninia votus aumenta.  

VI.Kongresu Ordinariu:

    Kongresu mak nudar orgaun máximu partidu nian, hodi hola dezisaun extrategika sira, aprova Estatuto Partidu, hili liderança sira, no seluk tan. Hatur iha Estatuto Partidu iha artiguº 35 konaba kongresu ordinariu no artiguº 54, numuru 5 konaba  kongressu extra ordinariu.

Resultadu iha fulan sia (9) no lakon kadeira tolu (3),  ne´e merese halo avaliasaun no tuir  Estatuto Partido nian, liu husi Kongreso ordinario, artigoº 35, numuru 2 defini katak `` kongresu Nasional regularmente halo dentru tinan ida (1) hafoin  eleisaun lejislativa´´.  Artigu ne´e mos liga ho artiguº 54, numuru 4 defini katak ``Kongresu Nasional halo dentru tinan ida (1) nia laran hafoin eleisaun lejislativa´´.

  Numuru 5 defini konaba Kongreso extraordinario bele halo wainhira partidu hasoru situasaun extraordinariu´´.

Demokrasia mak valor ne´ebe PD tane ás, fó biban atu militante sira mak deside liu husi Kongreso.

CCN rekomenda ba CSP PD prepara kondisaun hodi halo kongresu  tamba eleisaun hanesan exame ida no halo avaliasaun ba resultadu.

Dili, 13 de Agosto de 2018

Carta CCN nian ne´e asina husi: 

 01.José Nominando Buras Martins 

  Ex-Vice Presidente PD 

 02. António Ramos Naikoli 

  Ex-Secretario CPN 

03.Nino Filipus Pereiraa

  Ex-Secretario Geral PD Dili 

04.Mario de Araujo 

  Ex-Vice Secretario Geral PD