Diak liu Hamosu IX Governu du ke Remodelasaun

Palacio do Governo (foto especial)

Dili. Hahu loron 06.12.2018, debate Orçamento Geral Estado ba tinan 2019 nian, maske  liu ona fulan nen (6) VII Governu kaer ukun ne'ebe forma AMP (CNRT, PLP & KHUNTO), maibe buat barak la lao Governu lao ho kadeira «ain 3» impresta espresaun PM Taur Matan Ruak, ne'ebe lidera VIII Governo ho Partido minoria, membru governu sira rasik hadau malu «perfolio», lider partido ne'ebe hetan asentu parlamentar hela iha liu. Fator sira hotu kontribui ba governo ne'ebe lao maibe buat hotu hakdasak. Buka iha mudansas, liu husi Remodelasaun iha quadru VIII Governo, sorin ida. Sorin seluk, hamosu konfigurasaun foun hodi hamosu  IX Governo.

Tuir observador politiku João Viegas haktuir katak, "diak liu hamosu IX Governu, doke remodelasaun".

Argumenta tan João Viegas, "hamosu IX Governu ho konfigurasaun foun, do ke remodelasaun ne'e iha quadru koligasaun atual".

"Governu presisa iha estabilidade governativa, hodi fó kontinuidade ba desenvolvimentu no selesaun ba membru governu sira ne'ebe mak ho meritus laos deit kriteriu politika maibe hare mos kompetensia teknika no intelektual", defende João Viegas, dosente UNPAZ ne'e, iha nia knar fatin, Oshindo, Dili, Sexta-feira ne'e, 07.12.2018.

Tenik tan João Viegas, "Estabilidade governativa bele liu husi entendimentu politika entre Fretilin ho Xanana no envolve PD. Signifika konfigurasaun foun forma husi  Fretilin, CNRT no PD hodi suporta governu ne'ebe forte (50 kadeira) no estavel".

Hatutan João Viegas, observador politika UNPAZ ne'e, "Timor-Leste labele marka pasu bebeik no precisa iha Kontinuidade ba desenvolvimentu. Mantén projetu bót sira hanesan: Tasi Mane, ZEESM no grande investimentu sira seluk".

"Sira hili tama ba membru IX Governu tenki obedese mos ba kriteriu Meritu tanba kompetensia teknika, intelektual no profisional ba kaer kargu".

Oras ne'e dadaun publiku koalia konaba debate remodelasaun iha VIII Governu. Tanba hare ba avalia ba desempenho no alkansu husi desenvolvimentu rasik, atrasu  ba pagamentu ba funcionariu sira, jestaun ba ahi mate lakan, asesu  ba bé mos, fasilidade saude!