Intervensaun Aniceto Guterres iha debate OGE2019

Foto Especial! 

Ita rona ona diskursu hosi Sua Excelencia Sr. PM iha inisiu debate ne’e. Ita mos acompanha ona diskursu sira anterior hosi Sr. PM iha aprezentasaun programa VIII Governo Konstitusional, iha debate Orsamentu 2018 nian, liu-liu parte sira ne’ebé koalia kona-ba desenvolvimento ekonomiku, no kompromisu atu hases Timor-Leste husi dependência ba rekursus hosi Minarai, diversifikasaun ekonomika, dezenvolvimento capital humano, no kresimentu ekonomiku atu hatun kiak no desigualdade.Ita rona ona diskursu hosi Sua Excelencia Sr. PM iha inisiu debate ne’e. Ita mos acompanha ona diskursu sira anterior hosi Sr. PM iha aprezentasaun programa VIII Governo Konstitusional, iha debate Orsamentu 2018 nian, liu-liu parte sira ne’ebé koalia kona-ba desenvolvimento ekonomiku, no kompromisu atu hases Timor-Leste husi dependência ba rekursus hosi Minarai, diversifikasaun ekonomika, dezenvolvimento capital humano, no kresimentu ekonomiku atu hatun kiak no desigualdade.

Diskursu hirak ne’e mesak furak, maibé politíka fiscál no estrutura orsamentu ne’ebé ohin apresenta mai ne’e, la reflete ou melhor, la koresponde ho saída mak koalia, la konsistente ka se’es dok ona hosi Plano Estrategico Dezenvolvimento Nacional 2011 kona-ba estratégia desenvolvimento ekonomiku, kontraditoriu ho propriu Programa VIII Governo nian, no la lao tuir objetivus no prioridades ne’ebé Governu ne’e rasik defini ba orsamentu ne’e.

Atu hahu’u, iha informasaun ida nune’e, iha duni Parlamento Nasional ne’e, Vice-Ministro Agricultura V Governo Constitucional Sr. Marcos nia deklarsaun, iha debate OGE 2015 nian wainhira hatan ba pergunta deputadu sira konaba gasta osan barbarak ba fila rai gratuita ba agricultor sira maibé rezultadu produsaun aihan la aumenta, nia hatete “ita nia povu ne’e mak barukten duni, lakohi hikis kosar”. Nudar membro Governo, devia buka hatene tanba sa mak povu lakohi hikis kosar? Saida mak sala no saida mak Governu sira tenke halo? invez de soe sala deit ba povu.

Sr. Primeiro Ministro,

De Faktu, Orsamentu Geral Estadu 2019 ne’e, nafatin hatur iha Politíka makro ekonomika no fiscal uluk-uluk nian, ne’ebé durante tinan sanulu resin ona mak hatudu duni prova katak la adekuadu atu kombate pobreza no garante moris diak ba povu, la adekuadu atu diversifika ekonomia no hasae produtividade atu produz rikeza ba povu, aktual no futuras geracoens. Politíka makro ekonomika no fiscal ne’ebé domina ho petróleo-mania, politíka sira ne’ebé kria mentalidade dependência no inprodutividade.

Ita trasa ona estratégia desenvolvimentu nacional em particular dezenvovimentu ekonomiku iha PEDN ne’ebé hetan aprovasaun PEDN iha Parlamento Nacional ida ne’e. Maibé, iha kedas 2012, IV Governo ne’ebé lidera hosi PM Xanana Gusmao, lansa projetu Tasi Mane. Hahu’u hosi ne’e kedas, governo sira tau hotu prioridade iha desenvolvimento infraestruturas nível mundial no industrialização rápida do pais, em particular iha Costa Sul ka Tasi Mane. Ho politíka ida ne’e, ita koloka ita nia povu tomak hateke deit ba Tasi Mane no kuda hanoin iha povu nia kakautak, katak hosi ne’eba mak sei mosu rikeza no hetan moris diak, enkuantu Timor-Leste nia rai bokur iha rai maran, liu-liu iha própria Costa Sul ne’e tomak, ita husik hela la hetan inportansia.

Laiha ema ida ka partidu ruma mak kontra projetu Tasi Mane ka industria petrolifera, maibé quando ita koalia desenvolvimento ekonomiku , em particular diversificação económica, importante atu ser klaru no tenki defini didiak, saída mak baze ba ita nia ekonomia iha ita nia afirmasaun iha faze krusial ida ne’e. Industria extrativas em particular industria petrolífera ka Industria transformadora? Agrikultura? Torismo? Etc. , No saída mak ita considera hanesan faktor dinamizador iha ita nia economia?

Ita, pais meia ilha iha sub-regiao sira ne’ebe ho competitividade ekonomika bot tebes. Ita presiza enkuadra Timor-Leste iha ita nia região no hakarak ka lakohi tenke compete iha região ne’e duni. Maibé atu compete, compete halo nusa? Ita dehan ita iha kresimento ekonomiku a’as liu iha região ne’e, maibé ne’e deit la to’o! Afinal, importante liu, saída mak ita produz no exporta? Saida mak kontribui maka’as liu ba ita nia Produto Internu Bruto (PIB)? Oin sa ita nia mercado de trabalho no nia produtividade? Oin sa ita nia índice Dezenvolvimento Humano?

Na verdade, se ita kontinua ho Petroleo-mania domina iha ita nia politíka hotu, sei to’o loron ida ita la hetan nem saída ruma, se la hipoteka ita nia próprio pais, wainhira minarai no gas hotu! De certeza que sei hotu!

Kresimentu ekonomiku ne’ebé ita iha ladun a’as kompara ho projesaun iha PEDN, no kresimento la akompanha ho kresimentu PIB. Ne’e, tanba ita nia esportasaun mak petróleo deit, no seluk mak café uitoan. Investimento privadu uitoan los, no balança komersial ho défice bot tetebes. Ekonomia la eficiente tanba korupsaun buras, (iha Asia, Timor-leste okupa segundo lugar korupsaun a’as, hafoin Kambodia). Despeza publika ne’ebe Governu sira halo durante ne’e, la ajuda hasae produtividade, pelo contrario aumenta tan deit parazitas. Desde hahu’u hetan reseita husi minarai, durante tinan sanulu resin laiha tan esportasaun foun, tanba laiha inovasaun, kreatividade no menus produtividade iha atualização rekursus husi minarai hodi halo produsaun no exporta. Signifika, ita nia economia estatika hela, economia ida laiha dinamismu.

Na realidade, ita nia economia depende ba reseitas husi minarai, maibé osan ne’ebé iha no gasta barak ona husi fundu sem rezultadu signifikativu. Saldo Fundo Petrolifero iha deit $17.6 biliões, saldo ne’e atu sae ka tun depende ba reseitas husi mina no gas (husi bayu undan ita espera atu tama tan 1.5 bilioens deit), depende mos ba merkadu finanseiru no levantamentu ba despezas públikas ne’ebé tinan-tinan ho tendensia atu foti barak no barak liu tan. Folin minarai sempre tun sae, no agora tun 32% iha semana neen ka hitu liu ba. No folin ekuidade asoens tun maka’as iha fulan outubro, halo fundu minarai tun maka’as $680 milhoes durante fulan ida deit, lakon boot liu iha istoria fundu nian.

Agora, ita nia konsentrasaun investimento kuaze ba hotu Projetu Tasi Mane tanba ita hakarak esplorasaun Greater Sunrise bele hahu’u no dada kadoras mai Timor-Leste, atu bele hadia no dinamiza ita nia economia. Maibé ita seidauk hatene lolos bain hira mak hahu’u esplorasaun (tinan 5 ka tinan 10 tan?), no osan hira mak ita tenke investe iha explorasaun ne’e. Nune’e mos atu dada kadoras mai Be-assu, seidauk hatene lolos kustu ka osan hira mak ita sei gasta ba projetu ne’e, nia risku mak saída, no bainhira mak gazodutu suli tama iha Timor, hodi fó sentidu ba projetu Tasi Mane.

Na verdade, se Estadu sosa ona assõens partisipasaun iha konsorsiu 57%, para além -de tenke tau osan ho persentajem hanesan husi totál investimento mak tenki halo, maibé iha konsekuensia mos ba partilha de risco ne’ebé boot tuir percentagem ida ne’e duni.

Kalklu ka estimasaun hosi NGO Lao Hamutuk, ba projetu Tasi Mane tomak no investimento ba esplorasaun Greater Sunrise inklui dada kadoras mai Timor-Leste hamutuk liu $16 bilioes, estimasaun ida ke moderadu kompara ho estimasaun husi Chefe Negosiasaun Maun Xanana Gusmao ne’ebé hatete iha audiência ho Komisaun D, katak investimento ne’ebé Timor-Leste tenke halo liu $24 bilioes. Entaun, osan atu taka kustu ne’e atu mai husi ne’ebé? Se husi Fundo Petrolifero, saldo osan fundu nian ba tomak mos la to’o nafatin, maibé oin sa Fundo Soberano ne’e nia existensia no nia sustentabilidade? Karik Governu halo imprestimo? Karik Kompanhia Multinasional ruma interesadu atu investe, maibé kompannhia ne’ebé no oin sa partilha benefisiu?

No fundo, ita sei nafatin iha situasaun ida laiha serteza ka mehi hela deit. Esplikasaun sira mai husi Governo no líder nacional sira, hanesan kampanha no retorika politíka deit, la iha baze projesaun ka estudu kredivél ruma kona-ba viabilidade ekonomika, komersial, sosial no ambiental, ba esplorasaun Greater Sunrise no dada kadoras mai Timor-Leste. Maibé Governo ho desizaun politíka sosa ona assõens partisipasaun husi Conoco Philips no Shell. Afinal, kustu investimento lolos hira? Risku mak saída? Presiza tinan hira kadoras atu mai? Lori tinan hira atu recupera osan ne’ebé ita gasta? Vantagen ka desvantagem mak saída? Eefeitu multiplikativu saída deit mak sei benefisia ita nia economia? Empregu hira mak sei mosu husi ne’eba? Sa kualifikasaun mak trabalhador sira tenke iha? Etc.

Hanesan projetu politíku ida atu defende interesse soberanu Nasaun nian, muito bem, karik ita lao nafatin ba oin, maibé ekonomikamente koloka ita iha situasaun ida inseguru. Ita bele sai fali vitima ba ita nia própria vontade atu transforma lalais Timor-Leste.

Sr Primeiro Ministro,

Ita agora iha fase ida krusial tebes iha determinasaun rumo desenvolvimento economia no sosial atu alkansa prosperiedade ekonomika ba povu Timor-Leste. Rai Timor-Leste no Timor oan hotu labele kontinua hateke los deit ba Tasi Mane. Ita presiza tau prioridade mos atu aproveita dezenvolve ita nia riku soin, rai bokur iha fatin hotu-hotu hodi produz tan rikeza, atu hametin no haburas ita nia rai no ita nia ekonomia. Propriu Projetu Tasi Mane presiza revê fali, ho objetivu katak projetu ida que mais estruturado no mais integrado ho seitor sira seluk, hanesan agricultura no turismo do que exkluzivamente harii deit industria petrolífera, tendo em konsiderasaun ba incerteza no inseguro explorasaun Greater Sunrise nian.

Tempo mak agora no labele atraza tan, atu hamenus no hakotu ita nia dependência ba reseitas husi minarai, atu aumenta ita nia rikeza no combate kiak no desigualdade. Ne’e ita hahu’u husi diversifikasaun ekonomika liu husi desenvolvimento seitor primariu ne’ebé fundamental ba pais ida hanesan Timor-Leste, iha ne’ebé cerca de 75% populasaun hela iha áreas rurais ho nível pobreza ne’ebé sei a’as. Ba ida ne’e, ita tenke considera no privilegia agricultura nudar baze ba desenvolvimento ekonomiku no sosial ba ita nia rain. Tanba, Melhoria iha seitor agricultura mak sei lori rezultadu melhoria segurança alimentar, redusaun pobreza rural, melhora produsaun no produtu komersial ba industria no ba exportasaun. No fundo melhoria ida ne’e mos sei lori melhoria ba produtividade economia nian no melhoria kualidade no bem-estar Timor oan hotu.

Apar ho diversifikasaun ne’e duni, lolos Governu implementa ona programa VIII Governu nian ne’ebe trasa tiha ona atu kria polos de dezenvolvimento iha fatin balu, maibe polos desenvolvimento ida ne’e tenke ho politika ida klaru atu lori sidade ba kampu. Kualidade de vida sidade nian, maibe ho vertente de mais trabalho, mais eficiência, mais produção e maior produtividade, mak tenke sai hanesan karakteristika husi polos de dezenvolvimentu ne’e.

Sr. Primeiro Ministro,
Senhores Deputados,

Atu salienta deit, katak de faktu ita nia politika fiscal durante tinan lima ka neen ba kotuk, aumenta tan desigualdade (em termos de rezultadu). Afinal, kresimentu ekonomiku a’as no atinji to’o dois digitus, la automaticamente lori benfisius igualmente distribuídos, katak kresimentu ne’e la konsege traduz ba iha rendimento per kapita. Ne’e indikasaun ida klaru katak natureza PIB nao-petrolifero la “a favor” ka “berpihak” ba ema sira kiak. Katak Kresimentu elevadu sem karakter inkluzivu.
Hanesan ita hatene hosi dados ne’ebe mai hosi Direcao Geral Estatistica, kiak sei afeta 30% famílias timorenses, ne’ebe nia poder de kompra iha deit $1.90 kada ema ida iha loron ida. Entaun, ho ritmu kresimentu PIB nao-petroliferu per kapita hanesan agora, ita so bele halakon kiak iha dekada tolu nia laran.

Dados estatitikus balu hatudu katak laos deit existe desigualdade entre Dili ho resto do pais, maibe konfirma mos katak ita nia economia nao passa de uma economia “atomizada” ho base importasaun bens servisus husi rai liur. Troka ida ne’e sai possível tanba reseitas husi minarai, maibe to’o banihira?

Desigualdade ne’ebe existe ohin loron entre capital Dili ho resto do pais ne’e bo’ot tebes duni no fora do normal. Ne’e mai husi politika fiscal ne’ebe hanesan dadaun, ne’ebe sai baze ba OGE 2019 nian, laiha ekilibru iha alokasaun orsamentu ba seitor primariu no seitores produtivu sira seluk. Tanba ne’e, ho orsamentu 1% ba seitor Agrikultura, sei la lori impaktu signifikativu ba objetivu hatun kiak no desigualdade, muito menus atu hasae produtividade.

Quanto maior desigualdade entre capital Dili ho resto do pais, menor sera igualdade de oportunidade que husi ikus gera desigualdade oioin. Desigualdade bele hamosu risku ba estabilidade no koezaun nacional. Prova husi rai sira iha mundo tomak hatudu katak sociedade ne’ebe ho nível desigualdade a’as , la funsiona eficientemente, no sira nia economia la estável nem sustentavel ba longu prazu.

Na verdade, Governo mak iha poder atu muda osan povu nian husi topu ba kraik ou vice-versa. Politika Governu nian tenke direksiona forsa sira tecnologia no merkadu nian no envolve forsa hotu-hotu sociedade nian ba bem-estar comum.

Atu evita ka combate desigualdade hirak ne’e, no fo sentidu ba politika diversifikasaun ekonomika, la iha dalan seluk, mak investe iha seitor Agrikultura, no iha dezevolvimento no kapasitasaun capital humanu. Ne’e katak estadu Timor-Leste tenke halo despeza publika bot iha Agrikultura, Edukasaun, Saúde no be mos, atu garante edukasaun de alitissima kualidade, no eleva produtividade forsa de trabalho ne’ebe ita iha. Maibe oin sa melhora kualidade edukasaun no eleva produtividade? Komesa husi ne’ebe?

Aumenta escolaridade maibe redobra atensaun ka investe masisamente ba labarik 0—3 anos (primeira infância) período de vida ida krusial atu melhora habilidades cognitivas no socioemocionais. Entaun, estabelese no konstroe creches no jardim infantil barbarak, apoia mos ho agentes de educacao atu halo visitas famílias ka uma kain ida-ida hodi fo orientasaun ba inan no aman sira.

Produtividade mak elemento chave iha prosesu ba transformasaun ekonomika pais nian. Los duni, hadia produtividade ne’e envolve kualifikasaun ka formasaun profissional ba forsa de trabalho, maibe ne’e deit la to’o. Governu ho iniciativa privada sira presiza defini no lao tuir conjunto de objetivus sira hanesan : (1). produz no produz barak liu tan, melhora produtos no exporta; (2). Investe nafatin iha infraestrutura; (3) hadia ambiente de negosius; (4) foka liu ba inovasaun no kreatividade hodi absorve tecnologia; (5) dada investimento privadu barak e barak liu.
Maibe, dala ida tan presiza defini politika makroekonomika no fiscal ida adekuadu, no estabelese mekanismu atu sukat, avalia implementasaun politika sira ne, no halo corecao ba rumo.

Portanto, Sr. Primeiru Ministro,

Ne’e mak hanoin sira ami hato’o karik serve hanesan solusaun ka alternativa konaba desenvolvimento ekonomia no sosial pais nian,. Maibe hakarak husik klaru katak Dezenvolvimentu ne’e prosesu ida kompleksu tebes. Iha kontestu hanesan ne’e, meu Genaral, ”nao existe bala de prata”, !!

Muito obrigado !

Presidenti Bancada FRETILI
Aniceto L.Guterres Lopes

Fonte: TVTL(10.12.2018)!