JURAMENTU HEMU RAN

JURAMENTU HEMU RAN

Dom Carlos Filipe
Ximenes Belo

Hori uluk hori wa’in kedas iha rai barak Europa, Ásia, África) no iha rai Timor loro Sa’e  iha lisan ida: molok ema ba funu, ema hala’o serimónia juramentu hemu ran. Hemu ema nia ran kahur ho animal nian: asu, manu no bibi.Serimónia hemu ran halo iha kontekstu apropriadu: funu, no iha segredu laran.

Lisan ne’e se mak halo? Ema  liurai no dato sira. Molok atu ba funu hasoru “inimigo”, liurai no dato sira hosi Reinu ida nian , kesi lia ho liurai no dato Reinu seluk nian, hodi halo moruk (saun, aliança, convenant, perjajian), atu halibur ema wa’in no lubun atu  ba funu  hasoru reinu seluk. Ita haree lisan ne’e iha rai Timor Loro Sa’e laran, iha tempu uluk.

1) Iha tinan 1719

Iha tinan 1719, liurai Camanasse/Kamanasa halibur liurai balu iha ne’ebá atu estabelese aliança (saun/moruk). Sira oho asu aman makerek ida (mutin-mean-metan); hafoin sira hemu asu ne’e nia ran kahur ho tua mutin; tuir mai sira hakotu lia atu duni sai malae portugés hosi Timor;  duni sai mos amou-lulik dominikanu no sobu uma kreda no kapela; duni sai mos ema hosi Larantuka (Flores) ne’ebé iha influénsia iha  politika ka iha kontratu ai-kameli, iha prasa  Lifau, prasa Delly no rai seluk tan.

2) Tinan 1887

Juramentu hemu ran tuir Relatório amu-lulik Superior Missaun Manatuto, Padre Manuel Maria Alves da Silva. Nia hakerek Relatório ne’e iha tinan 1887. Iha ne’e hau husik artigu ne’e iha Lia Português…nune’e bele sai mós liu hanesan bee.

“Juramento de sangue: Quando alguns indivíduos querem formar uma aliança ou uma associação, ou querem conspirar para praticar algo de grave, de cuja revelação lhes adviria algum castigo, fazem o juramento de sangue. Por isso concertam-se para ser somente entre eles e jamais revelar a pessoa alguma. Tira-se o sangue do antebraço, a cada um dos convidados, e misturando-lhe canipa [tuaka] em copo de bambu, bebem todos dele, para nenhum revelar este concerto. Estão persuadidos de que se alguém revelasse o segredo, o sangue dos seus companheiros, que bebera lhes faria mal, influindo perniciosamente sobre os humores até o matar, e portanto, nada dizem a pessoa alguma”.

(Sei tutan)

Lisboa, 15 de julho de 2020

Dom Carlos Filipe Ximenes Belo