PM Taur Matan Ruak: “Impase Polítiku Hotu Kuandu Prezidente Repúblika Hakarak”

PM-TMR Kontinua Pasiénsia Hein

Díli, 10 Dezembru 2018: S. Exa. Primeiru-Ministru Taur Matan Ruak afirma, impase polítiku ne’e hotu kuandu Prezidente Repúblika hakarak ona, hodi hatán ba preokupasaun Deputadu PD, Adriano do Nascimento nian ne’ebé husu ba Xefe Governu bainhira mak rezolve impase polítiku, iha okaziaun debate OJE 2019 ba loron daruak jeneralidade nian.

Tuir mai sitasaun Resposta S.Exa. Sr. Primeiru Ministru ba Deputadu Adriano:

"Impasse polítik ne’e hotu kuandu Sr. Prezidente Repúblika hakarak! Tanba ha’u hanesan Primeiru-Ministru hateten katak laiha razaun atu lafó tomada de posse ba membru governu sira ne’e, ne’ebé Sr. Prezidente lafó posse, i diálogu ho Sr. Prezidente sei nafatin, i ha’u hatene katak Sr. Prezidente da Repúblika hanesan orgaun maximu simbol nasaun nian, nia mak tau matan ba nasaun tomak ninia estabilidade, nia fungsionamentu instituisaun estadu, Sr. Prezidente hatene katak ho ema sira ne’ebé, membru sira ne’ebé seidauk toma posse difikuldade los ba ha’u nia governu, mas ha’u prontu para halo servisu no prontu iha pasiensia nafatin ba hein to desizaun Prezidente nian, ne’e buat ne’ebé ha’u expressa ba Sr. Prezidente.

Kona-ba Governu la kompletu ne’e programa Governu no orsamentu Estadu nian bele lao galae? Sr. Deputadu ami halo exersisiu ida que fora do normal, é um sacrifisio a mais que ha’u nia governu halo so para ita nian nasaun ne’e lao nafatin ba oin.

Ha’u koalia ida ne’e tanba antes ha’u mai Primeiru-Ministru, ha’u Prezidente tinan 5.

"Kuandu ha’u Prezidente Repúblika, ha’u iha problema ho VI Governu, ho ita boot sira deputadu sira iha ne’e. mas hanesan Prezidente Repúblika, hanesan aman ba nasaun, normalmente nesesáriu atu lakon. Aman mak tenke lakon uluk, la’ós oan sira, aman tenke kompriende ba oan sira, i uluk kuandu ha’u ho VI Governu ba Jenerál Lere, ha’u mak dehan hanesan ne’e, ok tanba ha’u aman no Prezidente ha’u mak lakon no rende, ne’ebé Jenerál o hela tan tinan hira tuir Governu nia hakarak, i ha’u aseita ida ne’e, tanba saida? Tanba hanesan Prezidente, se hanesan sidadaun normal ulun fatuk to’os, ha’u mós ida, tanba ne’e Jenerál ne’e. Mas hanesan Estadu, órgaun Estadu haree ba intrerese nasaun, ita tenke sukat pasu hotu ne’ebe ita fó", ne’ebé Sr. Deputadu, todan mas prontu para lao, to ita bot sira hanoin dehan hanesan ne’e “ok ita ba fali Eleisõens Antisipada”.

Gabinete Primeiru-Ministru: S.Exa. Taur Matan Ruak
https://www.facebook.com/VIIIGovernuKonstitusional/videos/515849125579431/