Visita PR ba Vaticano, Bispo la hatene, tamba ne kontaktu diplomatiku

Foto Especial!

Dili. Agenda visita Presidente Republica ba Santa Sé hodi hasoru malu ho Amo Papa Francisco nudar Chefe Estado Vaticano, kontinu polemika tanba parte husi AMP mos uja argumentu katak «Bispo Dili deit la hatene». Wainhira partisipa iha Sinode dos Bispos iha Vaticano, Roma, Bispo Dili, D.Virgilo do Carmo, SDB, mak representa Conferencia Bispos sira nian. Wainhira iha sesaun cumprimentu ho Papa Francisco, Bispo Dili nian, apresenta an nudar representante Igreja Católica Timor-Leste. Amo Papa haktuir ba Bispo Dili, D.Virgilo,SDB, katak,"Presidente RDTL mos atu visita Vaticano iha tempo oin mai". Mosu dúvidas husi publiku barak konaba Bispo rasik la hatene  konaba visita Nai Presidente República ba Santa Sé. AMP rasik buka aproveita Bispo nia deklarasaun ne'e.

Hatan ba kasu Francisco Viegas, observador Politiku husi UNPAZ, haktuir, "Publiku no sira precisa komprende konaba Papel Vaticano nian, nudar  chefe Maximu Igreja Católica no mos nudar Chefe Estado".

Hatutan Francisco Viegas, "Se ita separa buat rua konaba Papel Papa nian, hafoin konprende tan sa mak Bispo Dili la hatene konaba visita PR ba hasoru Amo Papa Francisco".

"Vontade Nai Presidente República nian ba visita Vaticano no ható ba Nuncio Apostolico (nr) Mon.Joseph Salvador Marinho, iha biban Nai PR tomada de pose nudar PR iha loron 20.05.2017. Visata ne'e rasik Vaticano mak determina. Agenda Visita Nai PR ba Vaticano hodi hasoru malu ho Papa Francisco, data marka ona loron 23.11.2018", haktuir tan Francisco Viegas, dader ne'e, Terça-feira (27.11.2018), iha Kampus UNPAZ, Oshindo, Dili, Timor-Leste.