Problema iha Veteranos, Força lao diak hela

Problema iha Veteranos, Força lao diak hela 

Forum Haksesuk, 29 Abril 2016

Lere Anan Timur/F-FDTL

Dili, Forum Haksesuk (FH). Polemika konaba Exenorasaun Maijor Lere Anan Timur nudar Chefe Estado Maior General das Forças Armadas (CEMGFA ) no Brigadeiro General Filomeno Paixão nudar Vice CEMGFA, nudar proposta Governo nian ba Presidente Republika tuir  Constituição República Democratico de Timor-Leste (C RDTL) iha artigo 86 (kompetensias proprias), kompetensias Presidente Republika nian ba orgaun sira seluk, iha artigu 86, lina m), 

“Hili no Hasai, tuir proposta Governo, Xefi Estadu  Maior General Forças Armadas no Vice Xefi Estado Maior Genera Forças Armadas no xefi Estadu Maior Jeneral Forsa Armada nian, rona tuir, iha kazu ikus mai ne’e, Xefe Estadu Maior Jeneral Forsa Armada nian”.   

PR la konkorda ho  proposta husi Governo,  no hili fali Filomeno  Paixão no Falur Rate Laek, Governu mos la konkorda, lian sakat husi orgauns Soberania rua ne’e dait mai to’o Presidente Repúblika ninia diskursu ba Nasaun iha Parlamento Nacional (PN) iha loron 25.02.2016 no ex-Comandate em Chefe das Falentil Kay Rala Xanana  devolve fali  medalha ordem Guirilha ne’ebe simu husi Presidente Republika iha loron FALENTIL, 20.08.2015 (Telejornal TVTL, 26/04/2016)”.

Iha fulan rua (Março- Abril tinan 2016) Presidente República ho Governo buka dalan ba resolve situasaun ida ne’e, ikus mai Governo apresenta pakote rua (2), manten pakote uluk (Lere-Paixão), seluk apresenta pakote alternativu Pedro Klamar Fuik (PKF) - Koliati.

Presidente Republika hili opsaun seluk, no firmi la hili opsaun ne’ebe mak Governo hakarak iha proposta dahuluk (Lere-Paixão) no hili dupla Pedro Klamar Fuik- Koliati.

Reasaun mos la para, Veteranos sira iha F-FDTL, loron 16 fulan Abril halo deklarasaun, ”La simu ho dizisaun Presidente República (Telejornal TVTL,18/04/2016)”.  

Governo liu husi Ministro Defesa no Porta Voz Governo nian, ”haktuir katak, konsulta ona ho  Estrutura CEMGFA molok apresenta proposta ba Presidente Republika”.  

Veteranos sira F-FDTL lidera husi Maijor General Lere Anan Timur  ható  Petisaun  asina husi veteranos FALINTIL hamutuk 49 no ható sira nia pontus de vista, ”sira la konkorda ho dezisaun Presidente República, hili fali Pedro-Koliati (Telejornal TVTL, 25/04/2016)”.

Presidente Republica TMR, ”wainhira halo dialogue ho komunidade iha postu adminisratitivu Ossu, haktuir katak, hili Pedro Klamar Fuik-Koliati baseia ba proposta husi Governo nian”.  

Iha loron quarta-Feira (27/04/2016) Vice CEMGFA Brigadeiro General Filomeno Paixão informa ba Presidente Republica, konaba desenvolvimentu iha Instituisaun F-FDTL nian. Hafoin ne’e haktuir ba media katak, “Iha okaziaun ne’e, Filomeno Paixão mós informa katak, veteranu sira ne’ebé sei ativu hela iha instituisaun F-FDTL, la aseita ho Diretor Institutu Nasional da Defeza, Pedro Klamar Fuik ho Koliati ne’ebé Prezidenti Repúblika (PR), Taur Matan Ruak, hili ona atu lidera F-FDTL. Desizaun Xefi Estadu hodi hili Pedro Klamar Fuik no Koliati ne’e atu troka Xefi Estadu Maior das Forsas Armadas F-FDTL, Maijor Jeneral Lere Anan Timur no Brigadeiru Jeneral Filemono Paixão”.

Hatutan Brigadeiru Jeneral, Filomeno Paixão informa katak, “ida ne’e problema veteranu sira nian, iha forsa nia laran, laiha problema buat ida”, hakerek Jornal Nacional Diario (JND), edisaun Quinta-feira (28/04//2016. Le mos Jornal Nacional Diario (http://www.jndiario.com/2016/04/28/lei-la-fo-dalan-klamar-fuik-koliati-sae-ba-jeneral/)

Tuir pontu de vista husi Hirarquia Igreja Católica, liu husi Padre Juvito do Rego Araujo, hateten, ”Militar tenki hakruk ba Presidente Republica nudar Comandante Supremo Forças Defesas nian, tenki hakruk ba dezisaun ne’e, hakerek Jornal Indepedente, edisaun Sexta-feira (29/04/2016)”. 

Dili, 29.04.2016
FH