Papa Francisco convida PR Lu´olo,depende bankada AMP autoriza

Foto Especial (Gabinete Média PR)

Dili. Nuncio Apostolico Joseph Salvador Marino, nudar  Nuncio Apostolico (Embaixador Estado Vaticano) nian ba Malaysia, Timor-Leste (non residencial) no Brunei (non residencial). Hasoru malu ho Nai Prezidente República (PR) Dr. Francisco Guterres Lu´olo, Quinta-feira (18.10.2018) iha palacio  Iha biban ne'eba Monsenhor Joseph Salvador Marino, hakerek media PR nian, (...):

"Prezidente-da Repúblika, Francisco Guterres Lú Olo hasoru malu ho Nunsiu Apostóliku, Monsenhor Joseph Marino hodi ko’alia kona-ba vizita Xefe-de-Estadu ba Roma no vizita Amu Papa mai Timor-Leste.Iha okaziaun ida ne’e, Nunsiu Apostóliku transmite saudasoens husi Amu Papa Francisco (Jorge Mario Bergoglio) ba Prezidente-da-Repúblika no povu Timor-Leste. Amu Papa kontinua fó nia atensaun no domin ba povu Timor-Leste (in pagina Facebook PR, 18.10.2018)".

"Prezidente-da-Repúblika subliña dala ida tan nia dezeju atu hasoru malu ho Amu Papa Francisco iha Roma. Monsenhor Joseph Marino hateten katak husi termu formál no protokolár iha ona kontaku ho Vatikanu atu loron-23 fulan Novembru, Prezidente-da-Repúblika bele vizita Roma. “Ita tenke hatene katak vizita ne’e la’ós vizita polítika, ekonómiku, komersiál, estratéjiku no militár. Maibé ne’e vizita espirituál no peregrinasaun ida,” Nunsiu Apostóliku hateten. Maski nune’e, Monsenhor Joseph Marino espera katak Prezidente-da-Repúblika sei hetan autorizasaun husi Parlamentu Nasionál atu bele halo vizita ne’e (idem)".

Haktuir Monsehnor Joseph Salvador Marinho katak, "Ba Monsenhor Joseph Marino, Prezidente-da-Repúblika informa katak Prezidente-da-Repúblika sei konvida Amu Papa Francisco atu halo vizita ofisiál mai Timor-Leste. Prezidente-da-Repúblika sei konvida Amu Papa atu vizita Timor-Leste tinan oin hodi komemora tinan-20 referendu ne’ebé Timoroan deside atu ukun rasik-an no tinan-30 vizita Amu Papa João Paulo II ne’ebé Timor-Leste hetan atensaun mundiál no manifestasaun dahuluk hodi protesta okupasaun militár Indonézia. Monsenhor Joseph Marino informa katak loron hirak ne’e nu’udar loron istóriku ba Timor-Leste, ema hotu hatene nia importánsia ba Timor-Leste".

Vizita Nai PR Dr. Francisco Guterres Lu'olo nudar Chefe Estado ba Visita Vaticano hetan convite husi Papa Francisco nudar Chefe Estado Vaticano, neduni Parlamento Nacional (PN) autoriza hafoin bele halo vizita. Akontese ona katak PN la autoriza visita PR Dr. Francisco Guterres ba tuir cimeira CPLP nian no ikus liu la autoriza Nai PR ba tuir reuniaun Anual Assembleia Geral ONU Fulan Setembro foin dadaun ne'e.

Tui João Viegas observador Politika husi UNPAZ, haktuir katak, "Vizita Nai Prezidente República ba Vaticano hodi attende convite husi Amo Papa Francisco ne´e importante tebes ba Timor-Leste".

Haktuir João Viegas, dosente iha UNPAZ ne'e, "Prezidente Koreia du Norte Kim Jon-un, foin dadaun ne'e convida Amo Papa atu vizita Koreia du Norte, tanba iha mundu diplomatika figura Papa nudar figura paz no dame ba parte sira ne´ebe mak hasoru konflitus", defende João Viegas iha ninia knar fatin, Sexta-feira (19/10/2018) ne'e, iha Kampuz Washindo, Dili, Timor-Leste.

"Papa Francisco convida PR Lu´olo ba visita Vaticano,depende bankada AMP  autoriza ka lae. Parlamento Nacional la autoriza visita Nai PR Dr. Francisco Guterres Lu´olo dala rua ona ba liur, dahuluk la autoriza PR ba tuir cimeira chefes Estado e Governo CPLP nian. Seluk, PN la autoriza PR desloka ba Nova York tuir encontro anual Assembleia Geral ONU nian. Vizita Nai PR hodi atende convite Amo Papa Francisco nian, depende ba bankada AMP iha Parlamento Nacional".

Divergencia entre PR ho Presidente CNRT/AMP mak lista pendente membrus Governu sira ne´ebe  mak  tó dadaun ne'e seidauk toma pose. (Media PR e Reuter)