AMP sei obriga nafatin Lista pendente ba PR, hafoin autoriza visita ba Vaticano

                                                 Basilica S.Pedro (foto Especial )

Dili. Papa Francisco  ható ona convite ba Presidente República Timor-Leste, Dr.Francisco Guterres Lu´olo  ba visita Vaticano iha fulan Novembro tinan 2018. Hakerek Forum Haksesuk iha edisaun sexta-feira (19/10/2018), "Papa Francisco convida PR Lu´olo, depende bankada AMP  autoriza (in FH, 19/10/2018)", (1).

Tuir observador Politiku husi UNPAZ, Francisco da Silva:

"Papa Francisco convida PR Lu´olo ba visita Vaticano,depende bankada AMP  autoriza ka lae. Parlamento Nacional la autoriza visita Nai PR Dr.Francisco Guterres Lu´olo dala rua ona ba liur, dahuluk la autoriza PR ba tuir cimeira chefes Estado e Governo CPLP nian. Seluk, PN la autoriza PR desloka ba Nova York tuir encontro anual Assembleia Geral ONU nian. Vizita Nai PR hodi atende convite Amo Papa Francisco nian, depende ba bankada AMP iha Parlamento Nacional (idem)". AMP sei mantén lista kandidatu membru Governu nain sia (9) ne´ebe mak oras ne´e dadaun PR   seidauk fó tomada de posse. PM TMR ba mé dia katak, "Governu sei Rezolve Kandidatu Membru Governu Na’in Sia (in Jornal Independente)".

 

               PR TMR hasoru malu ho Chefe Diplomacia Vaticano,Cardinal Pietro Parolin, iha Palacio Presidente nian, 14.08.2015 (Foto Especial) 

Husi bankada AMP iha PN liu husi deputada Angelina Sarmento no Duarte Nunes mos foti lia konaba problema lista pendente nain sia ne´e. Tuir Angelina Sarmento, husi PLP, Vise-Prezidente PN, Maria Angelina Sarmento hateten, kandidatura membru governu na'in sia ne’ebé naran pondera hela husi Xefe Estadu to’o ohin loron laiha informasaun. Kandidatura membru governu na'in sia ami seidauk simu informasaun”, dehan nia. Ba deputado Duarte Nunes,husi Partido-CNRT, katak, "kandidatura membru governu na'in sia ne’ebé maioria mai husi partidu CNRT entrega tomak ona ba Primeiru Ministru (PM) atu buka solusaun".

“Hanesan partidu ami kontinua mantein nafatin ami nia ema”, dehan nia. Nia hatete, Primeiru Ministru, Taur Matan Ruak, kada semana halo enkontru ho Xefe Estadu hodi ko'alia mós situasaun ne’e maibé laiha progresu. Husi kandidatura ne’e ema na'in hitu husi CNRT, tanba ne’e Xefe Governu mós relata informasaun mai partidu, maibé mós husu atu mantein nafatin kuadru hirak ne’e tanba laiha fundamentu atu troka sira".

"Teste bót ba liderança AMP, liliu XaRua (Xanana-Ruak) tanba autoriza ka lae PR ba visita Vaticano, tanba visita ba Vaticano ne´e peregrinasaun ispiritual´´, defende Francisco da Silva, observador politiku husi UNPAZ ne´e. Hatutan, "Se visita ba Vaticano atu deal tanba lista pendente, hatun liu nivel moral XaRua nian".

AMP iha PN la autoriza PR ba tuir cimeira Chefes Estados no Governo iha cidade Praia, Cabo Verde no mos la autoriza PR ba visita Nova York, hodi tuir Assembleia Geral ONU nian. (in FH &Jindependente).

Referensia:

Papa Francisco convida PR Lu´olo,depende bankada AMP  autoriza

    http://forum-haksesuk.blogspot.com/2018/10/papa-francisco-convida-pr-luolodepende.html