Atoy "Kalohan": HAU HO LA SAMA NU'UDAR MAUN ALIN

BANCADA DEMOCRATICO IHA PN.

HAU HO LA SAMA NU'UDAR MAUN ALIN

PN - iha sala Bancada Democratico PN datado 12-10-2018 Presidenti Bancada Democratico Deputadu Antonio da Conceicao simu representante estudante UNTL hodi dadalia ho estudante sira kona ba Lider Fundador PD Saudozu Maun La Sama.

Iha tinan 1987 hau ho La Sama hahu conhese malu nudar estudante hau iha Malang - Indonesia no La sama iha Bali. Wain hira hau mai pasa feris iha Bali maka hau (Kalohan) hasoru malu ho nia. Iha biban ida nee ami kolia kona ba situasaun nebe ita infrenta iha momentu neeba. La sama dehan imi sira seminarista nee hanoin ita sei ukun an ka lae? Lia fuan sira nee koraja ami para oinsa buka malu organiza malu hodi luta ba ukun an. Kontinuasaun husi sorumutu nee maka Saudozu La sama haruka fali Kolega Carlos Slfr Saky e Colega Aniceto Guteres e colega ida naran Agapitu Cardosu husi Same maka mai iha Malang hodi kolia ho hau. Hahu husi ida neeba maka sira tau fiar mai hau hodi fti kedas hau nudar sekretaria da regiao RENETIL iha Malang tomak.

Fo konfiansa mai hau hamutuk ho Dr. Lucas Rama metan atu halao Primeru Kongresu RENETIL iha 1991. La Sama rasik maka tau Katuas Dr. Lucas presidenti do Kongreso i hau maka I Vice presidente do kongreso ba RENETIL ninian nebe halao iha SESETAN BALI.

En relasaun ho figura La Sama Deputadu Antonio da Conceicao hateten La sama figura ida nebe iha mehi bot, maibe nia mos ema ida que realistico. Quando nia sei moris nia iha hanoin ida atu loke ninia eskola ida ESKOLA TK. Laos atu kolia fali Universidade ka oinsa? Hau (La Sama) hakarak loke hau nia eskola ida, maibe TK. Hau maka kontesta ba nia, ita bot lider ida laos fali atu loke eskola TK, maibe loke eskola bot ruma. Iha momentu neeba nia hakarak loke eskola TK nee iha nia uma ida iha Delta neeba. 

Nee atu dehan seda mai ita? Nee atu dehan katak LA SAMA tau interese ba Edukasaun as liu. Wain hira nia hanoin atu hari TK nee atu dehan seda? Nee atu tradus deit mai ita PENSAMENTO IDA PD NIAN NEBE DEHAN HARI NASAUN HAHU HUSI BAZE. ida mos iha aspetu edukasaun nia HAHU HUSI TK nee. Maibe nia sempre aposta nafatin ba buat nebe diak. 

La Sama mos figura ida nebe nunka GOSTA HATUN EMA. Wain hira nia sei Vice PM nia tun fali ba ministro edukasaun e nia dehan ba hau. Atoi ita tenki ba kolia ho Dr. Rui Araujo katak ita hirak nee sei APOIO nia mandatu nudar PM VI GC too remata.

La sama Figura ida nebe sosial tebtebes labarik barak ba husu apoio ba nia e nia sempre fo apoio ba estudante oan sira. Tamba nia hanoin katak rai ida nee atu ba oin so ema matenek maka bele, se lae maubere oan sei sai penonton deit, ema seluk maka sei okupa.

La sama nia kontribuisiaun laos ba deit iha eduksaun maske nia kaer edukasaun iha tempo ida nebe badak tebes. Maibe, nia pensamento politiku ba edukasaun nee bot tebes. Nia maka dehan " ESTUDANTE LABELE TOLOK LIA IHA AREADORIS ESKOLA, PROFESORES SIRA LABELE FUMA IHA IHA AREIA ESKOLA". 

Eskola buat ida que importante nia visao jeral maka ida nee. Nia komprimisio ba edukasaun nee bot tebes nia defende labarik sira nia direitu hodi nunee nia ba selebra loron labarik ninian iha Suai no IS KOTU IHA NEEBA.!!

La sama ema ida que Nasionalista tebes, nia laos defende deit nia hanoin, maibe nia defende ema ht nia hanoin. Tamba nee ema ht ht tenki hetan oportunidade hanesan, ho EDUKASAUN DEIT MAKA BELE HAKAT BA OIN, salienta presidenti Bancada.

MOMENTU IKUS LIU HASORU MALU HO LA SAMA.

Oportunidade ikus liu hau hasoru malu ho nia maka iha fulan Fevereiru ou Marco nia laran iha enkontru ida iha hotel Ramelau. Tamba iha momentu ida nee maka iha mudansa ba governo. Iha hotel Ramelau nee labarik mane ida maka mai serve ami, lori be mai serbe ba ami ht. Iha tempo neeba ema ht ht nebe labarik nee serbe lori be ba sira ht ht be la monu, maibe, too ba La sama be nebe labarik mane nee kaer monu, haktuir Kalohan. Segundo mos nunee e too terceru mos nunee, entaon La sama hateke ba labarik nee hodi lian midar dehan "labarik o la gosta hau ka"? KALOHAN HAKTUIR LIA HIRAK NEE HO SENTIMENTU NEBE NAKONU HO TRISTEJA ATE HASAI MATAN BEN, TAMBA HAU LA SENTE KATAK ENKONTRU IDA NEE IKUS ONA AMI HO NIA...

Ikus liu ami lao hamutuk iha 22 de maio 2015, hau ho PM VI GC. Dr.Rui de Araujo ba lansa projeitu prosesamentu lixu iha Tibar ninian.

ADEUS LA SAMA...

Hau sente triste tebes wain hira nia husik hela ita ht hau la iha nia sorin, momentu neeba hau halo hela viajen ba portugal. Wain hira hau iha Singapura foin hau rona katak La sama tama ICU, ami tenta para oinsa atu aluga avio husi Singapura mai tula nia. Relasaun entre hau ho La Sama laos deit iha Partido laran, maibe nudar maun alin.

"HAU NIA DIGNIDADE LA AS LIU NASAUN NIA DIGNIDADE"

"IMI HARE MALU BA, TAMBA NASAUN NEE PERCISA IMI".

*Jr.

https://www.facebook.com/permalink.php?story_fbid=10157115126424239&id=816724238