Dili. Tuir informasaun katak, total membrus Governus iha estrutura VIII Governu hamutuk 42. PM iha posibilidade bót Taur Matan Ruak (TMR) porta voz AMP no Presidente PLP no atribuisaun pasta ba PLP 12 no KHUNTO 10. Maibe aplika kriteriu proporsionalidade, PLP hetan pasta 8 tanba okupa mos PM, KHUNTO hetan pasta 6.
Iha surumutu partidu CNRT nian iha JL Vila, Quinta-feira (31/05/2018) ne'ebe realiza ho taka odamatan no la partisipa husi PLP ho KHUNTO. Tuir info ne'ebe hetan husi sira partisipa katak:
"Iha loron 31 Maio 2018, CNRT halo inkontru interna, preokupa ho atetude KHUNTO nian hodi husu kargu 10 no iha posiblidade husu tan, entertantu PLP nonok deit maibe husi kotuk dudu KHUNTO atu kontinua husu kargu. Iha inkontru XG koalia ho tanis tanba frustadu mos ho Dois Terçu iha PN. XG dehan sira hanoin ukun ne fasil nebe fo deit depois mak halo mudansa!".
Atitude provoka mos deskontentamentu iha CNRT laran, tuir info husi KHUNTO katak, iha duni elementus nain 4 husi PLP mak ba hasoru malu ho Konseileiru Maximu Partidu KHUNTO nian mak: "Abel, Signi, Deometrio no Akara". Sira koalia no diskuti saida, fontes ne'e la ralata konaba kontiudu husu surumutu ne'e.
Total kadeira AMP nian hamutuk 34, fahe ba partidu 3 (CNRT 21, PLP 8 no KHUNTO 5). Hakerek Forum Haksesuk iha edisaun (01/06/2018):
"Pasta Governo hamutuk 42 fahe tuir kritireiu preporsionalidade mak tuir mai ne'e: CNRT 26, PLP 10 no KHUNTO 6.
1) CNRT hetan kadeira 21 koresponde ba 61,77 %, atribui pasta 42=26
3) PLP hetan kadeira 8 koresponde ba 23,53 % atribui pasta 42=10
3) KHUNTO hetan kadeira 5 koresponde ba 14,7 % atribui pasta 42=6".
Wainhira husu komentariu konaba proporsionalidade no 99% TMR hili ba PM, João Viegas, analista politika husi UNIPAZ, iha Kampuz, segunda-feira ne'e ba Forum Haksesuk, haktuir katak, "risku bót ba partidu kiik husu barak liu la tuir nia direitu ne'ebe hetan, PLP só bele hetan pasta 10 no KHUNTO pasta 6".
Hateten tan João Viegas, "se PLP hetan fiar hetan pasta PM, hatun ba 8".
Tenik tan João Viegas, "Se PLP hetan PM no husu pasta liu 10, bele provoka deskontentamentu iha partidu CNRT nudar partidu ne´ebe iha kadeira barak liu (21 husi 34) nia laran rasik no bele la fó apoio ba executivo ne´ebe mak lidera husi TMR rasik".
"Sedu ka tarde Governu bele monu iha dalan klaran no IX Governu bele mosu", argumenta João Viegas, analista politika husi UNIPAZ.
Sem comentários:
Enviar um comentário
Nota: só um membro deste blogue pode publicar um comentário.