Presidente AMP Xanana kontinua fó fiar ba Dr.Mari Alkatiri nudar presidente ba ZEEMS no Porta voz hakarak hasai

Adicionar legenda

Dili. Polemika autoridade jestor ba ZEESM nudar tema probaganda durnte kampane husi  AMP. Kampane AMP iha  Oecusse, porta voz AMP dehan katak, "AMP ukun sei  duni sai  Mari ho Arsenio Bano husi Oecusse (in GMNTV, 29/04/2018)".

Iha konferensia imprensa ne'ebe halao iha  knua AMP iha Birro dos Grilhos, Quarta-feira (16/05/2018), porta voz AMP  Taur Matan Ruak, haktuir tan, "Konseilu Ministru primeiru Governo hasai Dr. Alkatiri husi ZEESM (in GMNTV, 19/05/2018)".

Iha surumutu Partidu CNRT nian foin dadaun ne'e iha JL Vila, iha loron Quinta-feira (31/05/2018), hahu koalia konaba politika ba entendimentu ho Oposisaun iha Parlamento Nacional (PN) ba asuntu estratejiku sira hanesan ratifika tratadu Fronteira Maritima (FM) nudar perioridade no interese nacional nebe mak Xanana nudar Presidente Partido CNRT ninia objetivu numuru um.

Atu atinji objetivu ne'e Xanana buka entendimentu politika ho FRETILIN iha PN, CNRT ho kadeira 21, Fretilin kadeira 23 (44) atinji ona 2/3 ba ratifika  Tratadu FM.

Tuir observador politika husi UNIPAZ, João Viegas  haktuir ba Forum Haksesuk Katak, "VIII Governo sei kontinua fó fiar ba Dr. Mari Alkatiri nudar Presidente ba ZEESM". Haktuir Dosente UNIPAZ ne'e, "Xanana ninia diverjensia ho Taur Matan Ruak (TMR) mak ne'e, Xanana hakarak deal ho Mari/FRETILIN ba kestaun FM. Enquntu TMR, hakarak hasai Mari husi ZEESM", defende João Viegas.