Povo mak nain ba ukun, povo mak deside

       Foto imagen google!

Dili. Eleisaun Antecipada (EA)  nudar solusaun ikus ne'ebe mak Nai Presidente sei hola mak marka EA, husik ba povo mak deside no julga politiku sira. Tanba prinsipiu fundamental iha K-RDTL mak, "Soberania iha povo nia liman", ukun ne'e povo nian, povo mak deside liu husi EA.

Haktuir João Viegas, "ita nia prosesu ukun rasik ne'e finaliza ho votus povu nian, liu husi votu popular iha loron 30 fulan Agostu tinan 1999,  husik ba povu mak deside fali iha EA".  Haktuir tan João Viegas, observador Politika husi UNPAZ, Terça-feira ne´e, iha Kampus UNPAZ, "tanba soberania iha povo, husik povo mak deside hodi hakotu impase ne'ebe lao dadaun ne'e", defende João Viegas.

Tuir AMP ne´ebe asegura 35 kadeiras iha Parlamento Nacional (PN) la simu EA tanba, "EA la’os desizaun neebe diak ba dezenvolvimentu nasional".

Kontinua cita deklarasaun AMP, liu konferensia Imprensa, Terça-feira (09/01/2018), "1. EA sei perturba povu nia atividade normal ba moris diak; 2. Seidauk iha lei ida mak regula kona-ba EA; 4. Laiha orsamentu propriu ba EA;".

Tuir Presidente PLP ne'ebe ható ninia entrevista ba GMNTV (bele asesu iha Forum Haksesuk), "TMR ho maun Xanana prontu ba situasaun saida deit, inkluindu mos EA (GMNTV, 01/01/2018)".

Tenik tan João Viegas, "husi deklarasaun AMP nian no Porta voz AMP, hare iha kontradisaun".
"Kontradisaun tanba  saida?", kestiona João Viegas, dosente UNPAZ ne'e.