VISAO MISAO OBJECTIVO HAKSESUK BOLA FH KKN HOME FH LPV ARTIGOS FH MUZIKA LIA MENON FH RESPONDE
DALIA iha "quarteto" LIAN NIA NONOK  
   

domingo, 7 de janeiro de 2018

KALAN REFLEXAUN RENETIL 6.1.18. Sulimutu Hanoin ba Estabilidade Nasional

KALAN REFLEXAUN RENETIL 6.1.18. 
Sulimutu Hanoin ba Estabilidade Nasional

Husi Victor Tavares

Lia fuan xave mak Estabilidade Nasional

www.facebook.com/VictorTavares
Hare ba lia fuan xave ne RENETIL nian militantes tomak presiza foka ida-idak nian matan ba Organizasaun Resistência RENETIL nudar organizasaun apartidário ne ninian papel durante ninian existência no perspetiva ba oin iha conjuntura no mudansa nebe la'o la para.

Hasoru dinamika iha buat hotu sai hanesan sadik ida seriu tebes ba militantes RENETIL nian hakat iha dinamika nian laran. Sadik ba militantes sira nian hakat iha konjuntura ho mudansa nian leet, sadik nebe bele satan sasidik oin-oin. Sasidik nebe bele sai mos sadik ba existência RENETIL iha dalan naruk ba Libertação do Povo.

Hau reflete ba RENETIL horiseik, RENETIL ohin no RENETIL aban.

Lia fuan xave seluk nebe hau hetan iha RENETIL too ohin loron mak lia fuan nebe identifica RENETIL nian profile iha tempu resistência, iha faze tranzisaun no pós konflitu.
Lia fuan xave ne'e mak "ajustamento/adjustment". RENETIL organizasaun resistência nebe hatene halo leitura ba situasaun atu bele adapta an iha situasaun hotu-hotu.
RENETIL moris husi is FRETILIN Movimento ba Ukun Rasik An, membros no militantes sira nebe temi Jerasaun 80 to'o mai tinan 99 halo juramento iha bandeira rua nian hun no futar oin mak Bandeira Nacional ho Bandeira Fretilin Movimento.

RENETIL hahu halo ajustamento iha ninian moris ba dala uluk bainhira Comando Superior da Luta, Kay Rala Xanana Gusmao, transforma luta armada ba luta popular, transforma funu partidarismu hasoru funu maluk sai orgaun resistensia nian sai isin lolon ida deit, katak fui hamutuk forsas politikas hotu iha rai laran sai ida deit iha mahon CNRM nian okos, RENETIL nebe moris husi is Fretilin Movimento nian mos halo ajustamento ba organizasaun apartidário. Karakter apartidarismo RENETIL nian ne hahu husi neba to'o ohin loron.

Iha Ukun An nian laran mos RENETIL ho ninian karakter no natureza sai ona principio primordial tanba meta RENETIL nian Libertação do Povo sei dok, dalan sei naruk.
Kestaun xave mak ne: Papel RENETIL nian iha tempu ukun-an nian laran iha era Desenvolvvimento Nacional mak ida nebe no oin sa?

RENETIL ninian membros ho militantes iha liberdade atu hili tuir kor partido politiku ka la tuir partidu politiku maibe tama uma fukun RENETIL kor politika no bandeira partidaria hela iha odamatan liur, hanesan kasu sinelus husik iha odamatan. Iha uma Fukun RENETIL nian laran iha deit espirito fraterno no companheiro. 

Resumo: dalan ba RENETIL sei naruk: A Luta Continua!
VIVA RENETIL !

Sem comentários:

Enviar um comentário

Nota: só um membro deste blogue pode publicar um comentário.