VISAO MISAO OBJECTIVO HAKSESUK BOLA FH KKN HOME FH LPV ARTIGOS FH MUZIKA LIA MENON FH RESPONDE

20180109

AMP la aprova OR, agora mai uja argumentu dehan osan la iha hadia povo nia moris

Konferensia Imprensa bankada OMP, 09.01.2018 (foto:cnrtmedia center)
Dili. Oposisaun Maioria Parlamentar (OMP) rejeita Orçamento Retificativo (OR) ho karakter urjente no rekursus ba OR ne'ebe aprova iha loron 19 de Dezembro tinan 2017 ho votos 35 husi OMP/AMP, kontra 5 husi meja Parlamento Nacional (PN) no  walk out husi Bankada Koligasaun (FRETILIN ho PD).

Razaun Governo hatama OR tanba atu buka solusaun ba problema sira ne'ebe povu hasoru hanesan tusan ba selu hospital sira iha rai liur, Singapore, Indonesia (Bali no surabaya), osan ba selu profesores sira, ba selu kompania sira.

Iha Terça-feira (09/01/2018) OMP/AMP liu husi Konferensia Imprensa haktuir katak,la simu Eleisaun Antecipada (EA) tanba ho razaun sira hanesan:

"La iha OGE 2018 hodi sustenta povu nia moris, liu husi: salariu ba funsionariu públiku, PNTL, F-FDTL, Veteranus, Idozus, selu projetu sira, etc. durante tinan 2018 (cnrt Media center, 09/01/2018)".

Konaba ida João Viegas, observador Politika husi UNPAZ haktuir katak, "argumenta OMP/AMP nian la ses husi argumentu Governu da hitu nian (VII) wainhira apresenta OR, maibe OMP/AMP rasik mak rejeita".

Haktuir tan João Viegas, "oinsa mak OMP/AMP bele iha autoridade moral atu dehan osan ba sustenta funcionarius Publiku, F-FDTL, PNTL no seluk tan, enquantu sira rasik vota kontra OR dehan laos urjente no la importante?",  kestiona João Viegas  dosente UNPAZ ne´e ho ironia.

Fonte: CNRT Media Center, 09.01.2018!


Sem comentários:

Enviar um comentário

Nota: só um membro deste blogue pode publicar um comentário.