VISAO MISAO OBJECTIVO HAKSESUK BOLA FH KKN HOME FH LPV ARTIGOS FH MUZIKA LIA MENON FH RESPONDE
DALIA iha "quarteto" LIAN NIA NONOK  
   

quarta-feira, 10 de janeiro de 2018

PD ho FRETILIN prepara dadaun entendimentu ba Eleisaun Antecipada

Foto espesial 13.09.2017, CCF!
Dili. Eleisaun Antecipada (EA) nudar realidade ida ne´ebe mak labele ses, tanba tuir Konstituisaun RDTL mos prevê hela konaba ida ne´e. Wainhira VII Governo Konstitusional apresenta Programa ba dala rua la passa, Governo monu no loke dalan ba EA, maske husi Oposisaun Maioria Parlamentar (OMP) ne´ebe kompostu husi Partido 3 (CNRT, PLP no KHUNTO) kontrola Parlamento Nacional (PN) no forma ona Aliança Maioria Parlamentar (AMP) apresenta ona alternativa politika ba forma VIII Governo Konstitusional. Liu husi konferensia Imprensa iha uma fukun PN Terça-feira ne´e (09/01/2018), Bloko AMP prontu ba forma VIII Governo Konstitusional:

(...) "AMP Prontu fo solusaun ba situasaun politika nasional a. Formasaun VIII Governu Konstitusional

Problema impasse politiku neebe akontese dadauk nee tanba governu minoriatario laiha apoiu maioria parlamentar. AMP mak iha kondisoens hodi garante estabilidade governativa nuudar xave ba prosesu dezenvolvimentu nasional. AMP komprometidu atu fo solusaun lalais ba funsionamentu estadu ba povu nia moris, liu husi:

1. Formasaun governu;
2. Aprovasaun programa neebe diak liu ba povu;
3. Aprovasaun Dekretu Lei kona-ba organika governu;
4. Aprovasaun Orsamentu Jeral Estadu 2018.

AMP kompremetidu atu finaliza prosesu sira iha leten, másimu fulan ida nia laran  (in Cnrt media center, 09/01/2018)´´.
Husi parte Partido Governo nian liu husi Sekretariu Jeral Partido FRETILIN no Prezidente Partido Democratico (PD), prontu ba Eleisaun Antecipada.

Sekretariu Jeral Partido FRETILIN, Dr. Mari Alkatiri haktuir liu husi programa Grande Entrevista GMN TV nian katak, "FRETILIN prontu ba EA no prontu 100% ba EA (in GMNTV, 28/12/2017 )".

Iha Parte seluk, Presidente PD Eng.Mariano Asanami Sabino, afimar, "PD prontu ba Eleisaun Antecipada (in STL, 23/10/2017)".

Iha sorin seluk, observador Politika João Viegas husi UNPAZ, ható ninia ponto de vista katak, "PD ho FRETILIN preparadu liu ba EA do ke Partido sira AMP".

Haktuir tan João Viegas, "desde ke Programa VII Governo Constitucional no Orçamento Ratifikativo  AMP  la aprova iha Parlamento Nacional husi parte partido 3 ne´ebe kontrola Parlamento Nacional ho kadeira 35. Partido 2 (FRETILIN ho PD) hetan apresiasaun husi eleitores sira tanba programa no OR atu responde ba necesidade povo nian".

Tenik tan João Viegas, "FRETILIN ho PD, preparado liu no halo ona kampane ba elietores sira konaba programa no tau ás preokupasaun ba povu nia moris".

Tuir informasaun ne'ebe mak Forum Haksesuk hetan husi Sekretariadu konjunta Partido 2 (FRETILIN ho PD) katak, "lideransa partido rua hahu ona haksesuk malu konaba entendimentu ba Eleisaun Antecipada". Hatutan fonte ne'e, "partido 2 sei ba fan programa hanesan baseia ba Programa VII Governo Konstitusional ne´ebe elabora ho base ba matriz 3 mak: PED 2011/30; kontinuasaun Programa VI Governo Konstitusional no programa eleitoral partido rua nian".

Fontes:
1) Grande Entrevista Dr. Mari Alkatiri, in GMN TV , Quinta-feira (28/12/2017)
(https://www.youtube.com/watch?v=MO8__5JsLrs&feature=youtu.be)
2) PD- FRETILIN proto ba Eleisaun Antecipada
http://suara-timor-lorosae.com/pd-fretilin-prontu-ba-eleisaun-antisipada/ 

Sem comentários:

Enviar um comentário

Nota: só um membro deste blogue pode publicar um comentário.