PD firmi ho FRETILIN lao ba oin, Bloku AMP atu sobu «La Hetan Boy»

PD - FRETILIN METIN!

Dili. Iha komunikadu Bloku AMP (Aliança Maioria Parkamentar) nian liu husi CNRT Media Center (02/12/2017):

"Akuzasaun ida ne’e falsu no la iha fundamentu tanba 1) Halo unilateralmente no Ignora tiha Partido Democratico nudar parte koligassun; 2) hatudu katak Fretilin la konsidera PD nudar Bloku Koligasaun; 3) Hasai akuzasaun la baseia ba faktu (CNRT Media Center)".

Hatan ba komunikadu AMP nian liu husi CNRT Media Center, militante PD sira husi lideransa tó base reasaun, tuir militante PD, Francisco do Carmo haktuir katak, "tatika mak AMP lansa atu fahe Partido rua (P2) iha koligasaun, FRETILIN no PD. Sira  tenta atu fahe Partido rua (P2) iha koligasaun, ne´ebe suporta ba Governo". Tenik tan Militante PD ne´e, "PD firmi ho FRETILIN lao ba oin, bloku AMP atu sobu «La hetan Boy»".

Liu husi media sosial (Medsos) Facebook, Secretario Geral Partido Democratico (PD), Antonio da Consceição, cita:

(...) "PD nia firmeza iha koligasaun hatudu nia sentidu do estado no la hases an hosi Kompromisu politiku nebe halao hamutuk entre Fretilin- KHUNTO-PD bainhira inisia prosesu konstitui mesa Parlamento nebe KHUNTO mos hola parte. Traição ba prinsipiu PD NUNKA e sei La HALO".

Hakerek tan Secretario Geral Partido Democratico (PD):

Lasama nia liafuan "HAU NIA DIGNIDADE LA AS LIU DIGNIDADE NASAUN NIAN" inkarna iha ami, no prinsipiu "BA O TIMOR AMI PRONTU SERVI" sei Hamanas nafatin ami fuan atu lao ho Konviksaun no sei hatudu nafatin ami nia respeito ba Aman sira Nasaun Nian atu hamutuk Loke dalan ba divergencia nebe discipulus ida-idak iha tuir nia grupo nia hanoin. "No passado unimo-nos pela razão da Independência, hoje devemo-nos unir pela razão do desenvolvimento da nossa pátria e do bem estar do nosso povo que tanto sofreu".

Iha konferensia alargado ho estrutura base tó nacional iha loron 11 fulan Novembro tinan 2017, Presidente Partido Democratico (PD) Eng. Mariano Assanami Sabino, haktuir katak:

"Koligasaun PD ho FRETILIN laos tanba oportunidade maibe RESPONSABILIDADE, la hakiduk no sei lao ba oin nafatin".

Tuir info ne´ebe mak Forum Haksesuk hetan husi gabinete Conjunta Koligasaun nian, P2 (FRETILIN ho PD) iha ona entendimentu pre-eleitoral balun hodi antesipa Eleisaun Antecipada (EA). (Fonte: Facebook Antonio da Consceição, CNRT Media Center no Comunica CCF, 02/12/2017).