VISAO MISAO OBJECTIVO HAKSESUK BOLA FH KKN HOME FH LPV ARTIGOS FH MUZIKA LIA MENON FH RESPONDE

20171201

Hafoin rejeisaun programa 2ª via, Governo iniciativa Presidencial lidera husi FRETILIN

Tuir mai Forum Haksesuk (FH) dada lia ho jurista Venceslau Aleixo Tilman (VAT) konaba perspetiva legal-konstitusional wainhira hamosu Aliança Maioria Parlamentar (AMP) nudar alternativa ba forma VIII Governo Constitucional. Mos posibilidade, 2º via programa la pasa no Presidente Republica hola iniciativa, «Governo de Iniciativa Presidencial» lidera husi Partido FRETILIN nudar partido vencedor ba Eleisaun Parlamentar 22 de Julho de 2017.

FH: Iha ita nia deklarasaun ba Forum Haksesuk (22/11/2017) haktuir katak: "La iha dalan  ba AMP atu forma VIII Governo Constitucional". Razaun saida?

VAT: Se ita hare husi perpsetiva legal contitucional,  Aliança Maioria Parlamentar (AMP)  se hare husi kestaun tempo, harii aliança atu apresenta alternativa. Maibe iha situasaun dadaun ne´e, laos ida ne´e. Aliança politica ida deit atu halo dinamika ida iha sociedade. Laos hanesan intensaun husi AMP ne´ebe kompostu Partido CNRT, PLP no KHUNTO.

FH: Tuir Constituição RDTL (C-RDTL) iha artigoº 106, iha posibilidade atu forma Governo, partido mais votado no aliança maioria husi partido sira. Tanba saida mak AMP labele forma?

VAT: Hau hatan ona iha leten. Interpretasaun ba artigu 106º C-RDTL ne´e, labele hare deit husi angulu gramatikal deit, maibe buka hare mos husi lidun juridika Constitucional no lojika. Se partido mais votado la konsegue apresenta ba governo koligasau forma governo, hafoin AMP bele apresenta. Maibe fatu hatudu, AMP forma aliança politika hafoin PresidenteRepublica fó ona tamada de pose ba VII Governo Constitucional.

FH: Se 2º via Programa hetan tan rejeisaun, ninia konsekuensia Governo monu. Saida mak PR tuir knar nebe mak C-RDTL hatur hodi  hola medidas saida?

VAT: Tuir C-RDTL Presidente Republica, bolu fali  partido lima iha asentu parlamentar hodi rona sira no Presidente Republica sei hola medida hodi hola iniciativa nebe dehan« Governo de iniciativa presidencial». PR mak forma Governo maibe envolve partido lima ne´e hotu. Ka tuir termonolijia ne´ebe konese mak «Governo de Inclusaun».

FH: Se Nune envolve nafatin Partido FRETILIN nudar vencedor ba Eleisaun Parlamenta dia 22.07.2017?

VAT: Klaru. La ses husi ne´e, PR tenki bolu partido liman ne´e hotu hodi apresenta fali proposta ne´e ba sira. Ne´e mak dehan aliança entre partido lima iha Parlamento nacional no forma Governo Inklusaun maibe lidera nafatin husi Partido Fretilin. Governu iniciativa presidencial lidera husi Fretilin.

FH: Klaru AMP ne´ebe forma husi CNRT, PLP no KHUNTO la simu. Oinsa posisaun tuir mai husi PR?

VAT: Dalan ikus mak PR disolve PN no konvoka Eleisaun Antecipada.

FH

Sem comentários:

Enviar um comentário

Nota: só um membro deste blogue pode publicar um comentário.