VISAO MISAO OBJECTIVO HAKSESUK BOLA FH KKN HOME FH LPV ARTIGOS FH MUZIKA LIA MENON FH RESPONDE
 

domingo, 3 de dezembro de 2017

Eleisaun Antecipada: Militante PD nian hakarak Entendimentu pre-Eleitoral FRETILIN ho PD


P-Fretilin & PD 
Dili. Forum Haksesuk (FH). Partido Democratico (PD) ninia militante no organizasaun base partido nian prontu ba Eleisaun Antecipada (EA) wainhira Presidente da Republica (PR) uja ninia knar ne'ebe hatur tuir C-RDTL hodi disolve Parlamento Nacional (PN) no convoka EA.

Militante no organizasaun base Partido Democratico (PD) nian prontu ba tun ba base no exije atu Partido rua (P2) FRETILIN ho PD halo ona akordu ida ba entendimentu pre-eleitoral.

Tuir Domingos Ventura, militante PD husi Munisipiu Manatuto haktuir katak, ''nudar militante partido  iha base, prontu simu orientasaun tun ba base hodi halo kampane ba Eleisaun Antecipada (EA)''. Hatutan Domingos Ventura, ''husu mos Partido rua (P2) FRETILIN ho PD halo uluk MOU ruma molok tama ba EA''.

Iha fatin seluk militante OJD (Organizacao Juventudu Democratico) Jacinto do Rosario haktuir katak, ''entendimentu pre-eleitoral entre P2 (FRETILIN ho PD) ne' e importante tebes, observasaun iha base katak povu hahu loke matan, Partido sira ne' ebe mak defende interese povu no partido ne'ebe mak defende povu hanesan retorika deit''. Tenik tan militante OJD ne'e, ''husi debate Programa VII Governo Constitucional povu hahu fahe partido ne'ebe mak sai duni maksoin ba povo ninia halerik,sira tau interese povu nian iha programa Governo nian. Partido ne'ebe mak uja povo hodi atinji sira nia interese grupu, pesoal no partido''.

Leocadia Consaga nudar ativista OMD (Organizacao Mulher Democratico), ''PD ninia moto mak<  Ba Povo  Maubere, ami prontu servi>, afirmasaun ne'e hatur PD ninia responsabilidade ba Estado no Povo, prontu servi iha tempo ne'ebe deit, wainhira defende interese povu nian''. Hatutan Leocadia Consaga, ''Partido ne'ebe bot no representa jerasaun foun, brani hola decisaun iha situasaun dificil, hola decisaun koliga ho FRETILIN hatudu responsabilidade no laos oportunista''.

Presidente Partido Democratico (PD), Eng. Mariano Asanami Sabino, ''koligasaun PD ho FRETILIN laos tanba oportunidade maibe ne' e tanba responsabilidade'', afirmasaun ne' e hato iha konferensia alrgadu PD nian iha Salaun Canossa Becora, 11.11.2017.

Wainhira husu komentariu konaba aspirasaun militante no organizasaun base PD nian ne'ebe prontu ba Eleisaun Antecipada no hakarak mos P2 iha entendimentu ka MOU ruma pre- eleitoral, observador Politica husi Universidade da Paz (UNPAZ) Joao Viegas observa katak, '' exijencia militante base PD nian atu Partido Fretilin ho PD halo ona entendimentu pre- eleitoral ne'e lijitimu, tanba situasaun agora hakarak ka lakohi PD ho FRETILIN kompoen ona bloku ida hasoru bloku seluk mak AMP. Batala politika agora dadaun sei dait to kampane ba EA'', defende dosente UNPAZ ne' e. Tenik tan Joao Viegas, '' entendimentu pre-eleitoral iha pontus balun ne'ebe partido rua bele koalia daudaun ona mak: materina kampane ka plata forma eleitoral Partido rua (FRETILIN ho PD) sai nain ba programa VII Governo Constitucional''.

Partido Democratico (PD) nudar partido ne'ebe konsistente ho nia komitmentu wainhira hahu negociasaun ho partido manan nain iha Eleisaun Parlamentar (ElPar) 22.07.2017. Hahu iha dia 11.08.2017 encontro dahuluk ho Secretario Geral Partido FRETILIN  ho ekipa iha Hotel Novo Turismo, PD prontu servi povo Maubere no Estado iha tempo ne' ebe deit. Iha loron 04.09.2017, asinatura nota entendimentu ba meja Parlamento Nacional entre Partido 3 (FRETILIN, PD & KHUNTO). Iha loron 5.09.2017, eleisaun ba meja PN no hili Dr. Aniceto Guterres nudar Presidente meja PN. Iha loron 13.09.2017,asina acordo koligasaun entre FRETILIN ho PD. Husi kronolija sira leten, hatudu PD ninia komitmentu iha prinsipiu hodi servi ho moto, ''ba O Maubere oan, hau pronto servi''.

FH   

Sem comentários:

Enviar um comentário

Nota: só um membro deste blogue pode publicar um comentário.