VISAO MISAO OBJECTIVO HAKSESUK BOLA FH KKN HOME FH LPV ARTIGOS FH MUZIKA LIA MENON FH RESPONDE
DALIA iha "quarteto" LIAN NIA NONOK  
   

sábado, 23 de dezembro de 2017

Lia Menon Ba Makaer Fukun no Makaer Ukun Sira

Lia Menon Ba Makaer Fukun no Makaer Ukun Sira

Husi. Carinton Salazar G Freitas

Koko hateke situasaun iha rai laran nomos rai liur atravesa husi meus komunikasaun social Digital sira hanesan Facebook, Twitter,website, blogs nomos media tradisional sira hanesan Televizaun, Radio no sel-seluktan kuaze 90 Ital % mak debate ba Politika no koalia konaba buat nebe la iha prestijiu la iha income ba ida ne’e. Maibe ema barak sempre gosta deskute buat nebe karik mos laos nia kompetensia no grave liu hamosu hikas desintendimentus sira hanesan insultas, atakes ba ema nia privasidades, no sel-seluktan. Haluha tiha katak sei iha buat barak nebe ita koalia mesmu halimar ka koalia hanesan buat simples ida maibe bele iha valor nebe boot tebes. 

Artigu ida ne’e autor hakarak deskreve konaba hanoin kiik balun ne’ebé ita nia nai ulun sira presija tau matan. Tamba se ita husik bebeik nune’e Timoroan rasik lakon sira nia kreatividade tamba la iha hanoin ne’ebé avansadu hodi dezinvolve didiak seitor hotu. Dalaruma ideia iha maibe la hetan tulun, dalaruma mos labele hanoin hetan tamba tempu barak mak makaer fukun ho makaer ukun sira gasta, liu ba debate esplika karuk loos maibe iha realidade implementasaun dalaruma la loos no pior liu la iha.

Tuir autor nia hanoin atu atinje dezinvolvimentu sustentavel iha Timor-Leste, Presija seitor hotu-hotu avansa ho linha ne’ebé adekuadu, presija iha balansu ba seitor hotu-hotu tamba linha sectoral hotu-hotu paralelu no ho tempu agora presija tebes mak hasae komunidade ninia konhesimentu oinsa bele biban ba moris ne’ebé diak no trankilu tamba agora dadaun ita laos ona nasaun nebe foin dolar se kompara ho Sudan ka Catalunha.

Atu hetan osan ka moris diak la presija hotu-hotu tenki iha aviaun ka hotu-hotu tenki servisu iha fatin ne’ebé diak. Hakiak animal, suku ropa, faan sasan ka kuda modo ka halo atividade sira ne’ebé simples, wainhira dezinvolve did'iak buat buat simples bele benefisiu diak tebes. Bele hetan osan, bele mos moris diak iha familia no iha sociadade em jeral.

Imfelismente autor seidauk to’o no sama ain iha kontinente Australia maibe iha esperiensia kiik ida ne’ebé autor hakarak koalia sai hodi ita hotu tau iha komprensaun. Wainhira autor servisu hamutuk ho australiano sira nudar language Assistant (LA) ka tradutor, iha mensagem simples ne’ebé kolega australiano sira hateten loos tebes wainhira halo komparasaun ruma.

Iha Australia governu finansia ninia sidadaun maibe la husik ninia sidadaun sai ema ne’ebé baruk ten no, sidadaun hotu-hotu iha konsiente ba moris diak ne’ebé avansadu. Parte ida tamba sidadaun sira iha sentidu kreatividade ne’ebé aas no governu apoui ema nia kreatividade, suporta no tulun atu sai di'ak liutan se ema ne'e hakarak atu moris diak liu no serve.

Se hakarak fo haan animal hanesan Karau ka Bibi o iha direitu selu taxa tamba lere duut estadu, fo hemu animal o iha obrigasaun selu bee ne’ebé o utiliza ba o nia animal. Iha Australia iha fabrika naan karau nomos naan bibi ne’ebé nain husi sociadade civil ka populasaun agrikultor sira mesmu ho kustu vida karun maibe sira bele halo ida ne'e.

Kompara ho Timor-Leste lere duut gratuita, ta aitahan gratuita, bee iha foho mota laran gratuita wainhira hakarak uja ba animal sira nia nesesidade maibe la iha fabrika naan bibi naan karau? Iha ne’ebé los ita nia kreatividade no hanoin hetan ka lae.? Hanoin sira mesak diak no mesak furak maibe dalaruma lolo liman la to’o. Se ita nonok deit wainhira no ba ne’ebé loos Repulika ida ne’e sera que depende deit ba fundu minarai ne’ebé loron ida mos sei maran no oinsa ba oan ho beioan sira nia futuru.

Wainhira Governu adopta sistema Politika Desentralizasaun hodi estabelese ba Munisipiu sira positivu tebes tamba hanesan parte ida husi intrega poder husi governu sentral ba governu lokal hodi bele jere rasik sistema administrasaun, planeamentu, finaseira no sel-seluk tan. Sem kahur liman husi governo sentral Sorin seluk hanesan mos dalan ba autonomia ba muncipiu sira atu bele servisu independentemente.

Imfelismente seidauk iha mudansa ida signifikante governu central presija kapasita tan rekursus umanus sira ne’ebé iha munisipiu no fasilita sira halo estudus komparativus ba area estratejikus sira hodi nune’e munisipiu sira bele hatene no jere seitor hotu ne’ebé iha sira nia ambiente laran. Realidade hatudu katak timor-leste sei kontinua importa sasan barak mai husi rai leur tantu nesesidades, bazikas, intermediariu no avansadu sira.
Aqua (bee hemu) presija mai husi rai leur? Tur hanoin didiak la tama kakutak maibe ida ne’e mak realidade.

Parte ida, Ijemplu identifika Munsipiu Manufahi hanesan fatin ba produsaun Haree (Fos) Baucau Mina haan nian, Manatuto naan karau ho naan Manu, Suai fehuk ropa nune’e, populasaun sira iha obrigatoriamente iha produtu primadona sira ne’ebé mensiona maibe la taka dalan ba produtu sira seluk nune'e governu iha responsabilidade moral atu sosa no distribui tuir nesedades ne’ebé ema tomak iha.

Ho ijemplu iha leten bele dehan atu han naan karau la presija ba Indonesia hakarak haan fos la presija ba Vietnam se hakarak han fehuk ropa la presija ba Thailandia governu central so hatama ka importa sasan no fasilita deit buat hirak ne’ebé ita labele produs iha ne’e.

Parte seluk, governu central hanesan na’in nune’e iha direitu tomak halo marketing ba produsaun sira ne’ebé populasaun sira produs no jere tuir nesesidades ne’ebé iha liu husi munisipiu sira.

Artigu ida ne’e autor hakarak dezafia makaer ukun (Governantes sira) atu tau iha konsiderasaun.

Konkluzaun ikus husi autor mak hanesan tuir mai ne’e.

  1. Wainhira governu central liu-liu ba makaer ukun sira bele halo ona "One Municipality One Product" ka munisipiu ida produtu ida iha perioudu tinan sanulu nia laran populasaun sira iha ona mudansa ba hahalok ka human behavior nune’e sira sei hamosu rasik auto-empregu.
  2. Iha periodu hirak tuir mai governu mos sei trava importasaun balun ne’ebé la nesesita no governu mos bele halo mos exportasaun ba produtus balun ne’ebé presija duni husi rai leur sira.
  3. Se implemeta duni depois tinan sanulu liu seitor agrikula nomos seitor sira seluk inklui seitor privadu sira bele moris moris diak no iha balansu ba produsaun aihan nomos nesidades bazikas sira iha rai laran la dependente ba produtus sira husi rai leur no pior liu mak fundu minarai. 
  4. Sei hamenus lixu organiku nomos non organiku sira populasaun sira sei badinas no kreativu tamba governu tulun ho kbiit tomak.

Sociadade timor leste la presija tenki fo osan ka finansia sira kada fulan maibe presija governu hare no tau matan ba interese komum sira hanesan bee, ahi (eletrisidade) no sel-seluktan.

‘Se hau patraun no entrega xave kareta ida ba motorista ida hodi ba tula pasageirus hau presija hatene motorista ne’e iha kartaun kondusaun ka lae, se nia la iha kartaun kondusaun responsabilidade moral saida mak hau presija toman ba motorista ne’e.

  1. Hau sei dehan ba nia o ba trata lai o nia kartaun kondusaun depois o bele lori hau nia kareta.
  2. Deskulpa hau la prefere ita boot lori kareta tamba kaer pasageirus nia vida nomos hau nia futuru.
Tamba ne’e hili malu atu kaer ukun atu hare ema tomak nia vida tenki iha kartaun kondusaun hodi nune’e bele vale no servi ho dignu hatene halo planeamentu hatene halo jestaun ba munisipiu sira lalika tamba nia estrutura husi partidu nune’e partidu manan nia mak tenki ba tur iha neba maibe kartaun kondusaun la iha pasageirus nomos patraun nia vida ba los ne’ebé no REPULIKA IDA NE’E ITA LORI BA NE’EBÉ.

Hato’o kritika no opiniaun ba autor liu husi enderesu sira mak hanesan:
Email:carinton15@gmail.com
(+670)77903355

Sem comentários:

Enviar um comentário

Nota: só um membro deste blogue pode publicar um comentário.