VISAO MISAO OBJECTIVO HAKSESUK BOLA FH KKN HOME FH LPV ARTIGOS FH MUZIKA LIA MENON FH RESPONDE
DALIA iha "quarteto" LIAN NIA NONOK  
   

terça-feira, 5 de dezembro de 2017

Adjunto Secjen FRETILIN: Koligasaun FRETILIN ho PD prontu ba EA

Adjunto Secjen FRETILIN Jose Reis
Dili, Forum Haksesuk (FH).Koligasaun Partido rua (P2) Fretilin ho PD prontu ba Eleisaun Antecipada (EA), deklarasaun Adjunto Secretario Geral FRETILIN Jose Reis ba GMN TV, iha loron segunda-feira (04/12/2017). Haktuir Adjunto Jose Reis, ''iha tempo badak, FRETILIN ho Partido Democratico (PD) sei halo akordu eleitoral hodi hasoru eleisaun antecipada (in GMN TV, 04/12/2017), (1). Hatutan Adjunto Secretario Geral, ''Ami klaru ona no pozisaun PD mos klaru ona, ba oin sei iha akordu eleitoral ida ho PD, oinsa mak lao ba oin, maibe so iha acordo eleitoral, se la iha koligasaun se kria problema bot (idem)'', defende Adjunto Secretario Geral Fretilin.

Tuir informasaun ne'ebe mak Forum Haksesuk rekoila husi militante no organizasaun base PD nian, ''Eleisaun Antecipada: Militante PD nian hakarak Entendimentu pre-Eleitoral FRETILIN ho PD (FH, 03/12/2017), (2) hare mos iha blog Forum Haksesuk:
http://forum-haksesuk.blogspot.com/2017/12/ea-militante-pd-nian-hakarak.html 

Militante no organizasaun base Partido Democratico (PD) nian prontu ba tun ba base no exije atu Partido rua (P2) FRETILIN ho PD halo ona akordu ida ba entendimentu pre-eleitoral.

Tuir Domingos Ventura, militante PD husi Munisipiu Manatuto haktuir katak, ''nudar militante partido  iha base, prontu simu orientasaun tun ba base hodi halo kampane ba Eleisaun Antecipada (EA)''. Hatutan Domingos Ventura, ''husu mos Partido rua (P2) FRETILIN ho PD halo uluk MOU ruma molok tama ba EA''.

Iha fatin seluk militante OJD (Organizacao Juventudu Democratico) Jacinto do Rosario haktuir katak, ''entendimentu pre-eleitoral entre P2 (FRETILIN ho PD) ne' e importante tebes, observasaun iha base katak povu hahu loke matan, Partido sira ne' ebe mak defende interese povu no partido ne'ebe mak defende povu hanesan retorika deit''. Tenik tan militante OJD ne'e, ''husi debate Programa VII Governo Constitucional povu hahu fahe partido ne'ebe mak sai duni maksoin ba povo ninia halerik,sira tau interese povu nian iha programa Governo nian. Partido ne'ebe mak uja povo hodi atinji sira nia interese grupu, pesoal no partido''.

Leocadia Consaga nudar ativista OMD (Organizacao Mulher Democratico), ''PD ninia moto mak «Ba Povo  Maubere, ami prontu servi», afirmasaun ne'e hatur PD ninia responsabilidade ba Estado no Povo, prontu servi iha tempo ne'ebe deit, wainhira defende interese povu nian''. Hatutan Leocadia Consaga, ''Partido ne'ebe bot no representa jerasaun foun, brani hola decisaun iha situasaun dificil, hola decisaun koliga ho FRETILIN hatudu responsabilidade no laos oportunista''. (FH  03/12/2017 & GMNTV, 04/12/2017).

Referencia:

01. FRETILIN hahu prepara an ba EA
http://gmntv.tl/en/politika/2017/12/fretilin-hahu-prepara-ba-ea-amp-nunka-hakfodak/
02. Eleisaun Antecipada: Militante PD nian hakarak Entendimentu pre-Eleitoral FRETILIN ho PD
http://forum-haksesuk.blogspot.com/2017/12/ea-militante-pd-nian-hakarak.html 

Sem comentários:

Enviar um comentário

Nota: só um membro deste blogue pode publicar um comentário.