Interpretação no aplicação art. 106.º numeru 1 no Ar. 85.º (d) - Responde ba Dr. Pe. Julio Crispim Belo SDB

Interpretação no aplicação art. 106.º numeru 1 no Ar. 85.º (d)

(Atu responde ba Dr. Pe. Julio Crispim Belo SDB, nia Ideia ne’ebe publika ona iha jornal Timor Post edisaun tersa 21 novembro 2017)

Alberto Soares Menezes

(Licenciadu iha Direitu husi UNPAZ no Alunus 3º ano Direito iha UNTL)

Uluk nanain hau nia respeitu ba Amu Crispim nu’udar hau nia professor introdusaun Direitu iha UNTL. 

Iha amu nia publikasaun Amu koalia nune’e “katak partidu menus votadu sira hetan uluk consensus hodi indizita primeiro ministru ne’e sira la respeitu, la koordena no la konsidera partidu mais votadu no katak partidu menus votadu sira viola ona prinsipiu democrasia, justica, seguranca juridica ni gravemente viola prinsipiu estadu de direitu democratiku ne’ebe konsagra ona iha CRDTL artigu 1 numeru 1 tamba sira ne’e maka tuir Amu nia hanoin dehan katak lei konstitucional lafo dalan atu partidu menus votadu sira indizita uluk PM. 

Atu reponde ba kestaun ne’e hau hanoin ita hot-hotu temki fila fali ba situasaun real ne’ebe akontese iha 2007, hau hanoin ita hotu hatene katak momentu ne’eba iha tensaun politika ne’ebe ass tebes maiho krize 2006 ne’ebe demonstrante sira obriga PM Alkatiri resigna an husi kargu PM, nune’e mosu kedas partidu CNRT no momentu ne’eba iha rivalidade makaas entre FRETILIN no CNRT la’os deit iha nivel nasional maibe to’o iha base rivalidade existe ate hamosu krime ho ida ne’e maka wainhira FRETILIN sai hanesan mais votadu, CNRT iha segundu mais votadu no partidu sira seluk hamutuk ona ho CNRT ne’e laos sira atua ho MA FE, maibe tamba momentu ne’eba FRETILIN arogante tebes, hodi koalia att partidu seluk, por exemplu dehan PD sarjana supermi, no momentu ne’eba ema hotu la iha interesse atu hamutuk ho Fretilin tamba arogansia ne’ebe FRETILIN hatudu momentu ne’eba laos de’it lider iha nacional maibe lider sira iha base mos hatudu sira nia arogansia no halo opresaun ou ameasa militante partidu seluk nune’e wainhira Presidente momentu ne’eba Senhor Dr. Ramos Horta temke foti desizaun ne’ebe iha risku nia laran. Tamba Se Presidente foba mais votadu mak forma governu, ne’e situasaun sei hanesan ida agora akontese dadaun e iha momentu ne’eba, se situasaun mak akontese tensu iha capital ne’e problema boot tamba ita foin sai husi krize ida. Nune’e presidente tenke halo desizaun ida ne’e metin kedas ona husi baze. Tamba AMP momentu ne’eba forma kedas aliansa maioria  kazu FRETILIN ema hotu despreza tamba ho ninia arogansia ne’ebe iha. Nune’e maka halo presidente hili tuir opsaun konstitucional ne’ebe iha.  Nune’e hau hanoin katak formasaun ba governu husi partidu menus votadu sira lei konstituciona fo dalan teb tebes, tamba:

1. Amu dehan Viola prinsipiu democrasia, hau la hare katak partidu menus votadu sira viola prinsipiu ne’e tamba konstituisaun fo opsaun ba presidente atu hili entre mais votadu ou aliansa maioria parlamentar laiha artigu ka alinea uniku ida maka exigi katak se wainhira forma aliansa maioria parlamentar tenki inklui mais votadu, la existi ne’ebe prinsipiu democrasia ne’e hetok promove liutan husi AMP tamba sira prenxe requisito hodi bele aprova sira nia orsamentu iha PN. Tamba eleisaun parlamentar la’os hanesan eleisaun presidente ou eleisaun suku para ema ida maka manan entre kandidatu sira, eleisaun partidariu se manan maioria absoluta ne’e maka manan mas se manan maioria simples ne’e lamanan iha eleisaun, povu lafo konfiansa total ba partidu mais votadu simples, povu fo fiar oituan-oituan ba partidu sira atu buka malu fo prioridade ba mais votadu mas iha kazu balun wainhira mais votadu la prenxe requesitos bele avansa ba AMP.
   
   
2. Viola prinsipiu justica, AMP la viola prinsipiu justica tamba se ita hakarak servisu hamutuk tenki respeitu malu se ema la respeitu ita nune’e ita lakohi servisu hamutuk ho ema ne’e, ida ne’e maka ema ne’e dehan ita viola prinsipiu de justica ne’e lalos Amu. Menta-menta o partidu mais votadu o sama hau ba rai mos hau tenki tuir o, tenki respeitu o, tenki koordena ho’o ne’e lahetan. Tamba arogansia husi FRETILIN ne’e maka halo halo partidu hot-hotu momentu ne’eba la seguru atu halo koligasaun ho FRETILIN. Nune’e labele fo sala ba AMP, fosala ba dirigente sira rasik tamba sira maka atua uluk ona ho MA FE ba partidu seluk no partidu menus votadu sira responde ho ida ne’e. Aituasaun ida ne’e mos akontese fali agora partidu mais votadu halo negosiasaun atu borong hotu kargu ba nia an no husu CV atu bele envolve iha governu, yang benar aja. Tamba hau domingo-domingo ba missa Padre sira halo missa iha omilia sempre esplika katak wainhira “o halo ann, o loko ann o nia maluk sei laiha ema sei despreza o no esplika tan katak uma ne’ebe fondasi metin maka foin nia bele sae to’o andar ba andar mos nia lamonu ne’e hatudu katak wainhira o hakraik ann tun to’o kraik maka ema seluk sei foti o sai to’o leten mas se o foti o nia an ema seluk sei hatun o” hau hanoin ida ne’e maka FRETILIN viola no viola to’o agora se FRETILIN la arogante buat hotu la’o di’ak laiha problema formasaun governu la’o normal.
   
   
3. Viola Prinsipiu seguranca juridika, hau hanoin prinsipiu ida ne’e partidu menus votadu sira nunka viola iha sira nia vida politika to’o mai agora pelu menus zona leste ne’ebe hau hela ba nunka iha krime ne’ebe organiza husi partidu menus votadu sira justru FRETILIN maka la diak ann sempre uza anarkismu hodi responde ba lamentasaun politika. Wainhira ita laiha dalan ona ita tenki simu realidade hodi hadia ita nia ann para ema seluk bele simu ita mas lae, FRETILIN iha istoria tomak sempre uza anarkismu hodi halo ameasa no opresaun ba militante partidu seluk. Exemplu ami iha watulari FRETILIN sunu mos uma militante AMP nian. Ne’e maka dehan viola, ne’e husi FRETILIN la’os AMP. No prinsipiu seguransa juridika ne’e iha bahasa karik dehan kepastian hukum ne’ebe AMP nunka viola kepastian hukum ne’ebe konsagra ona iha konstituisaun no lei sira seluk. Lei aplika duni ba se deit maka kontra lei refere no nunka dehan tamba boot entaun la kumpri lei laiha hotu-hotu kumpri lei.
   
   
4. Viola prinsipiu Estadu de direitu democratico ne’ebe konsagra iha artigu 1 numeru 1 CRDTL, tuir hau nia konhesimentu estadu de direitu demokratiku ne’e significa Estadu ida komesa kedas husi formasaun governu, servisu administrasaun no buat hotu-hotu tenki la’o tuir lei. Ema ida labele boot liu fali lei, lei maka sai hanesan guia ba ema hotu iha Estadu ida ne’e nia laran hodi la’o tuir labele la’o tuir gostu de’it. Mas Amu dehan fali partidu menus votadu sira viola prinsipiu ida ne’e. hau pessoalmente la aceita totalmente Amu nia ideia ida ne’e tamba formasaun governu husi AMP ne’e konstituisaun fo hela opsaun iha ne’eba, laos partidu segundu mais votadu ou laos partidu terceiru mais votadu iha konstituisaun descreve termu ida bolu naran aliansa maioria parlamentar katak partidu sira ne’ebe hamahan ann iha AMP ne’e ida de’it la’os rua, ka tolu mas iha sombra ida nia laran. Ne’ebe formasaun governu husi partidu menus votadu sira ne’e la’o tuir duni koridor Estadu de direitu democratiku nune’e sira nunka viola prinsipiu ida ne’e.

Relasaun iha artigu 106o no 1 no art. 85o alinea (d)

Tuir amu nia hanoin katak artigu 106o no. 1 ne’ebe koalia nune’e: Primeiru-Ministru hili hosi partidu ida ne’ebé iha votu barakliu ka hosi aliansa partidu sira-ne’ebé iha nia ema barak iha Parlamentu no iha nomeasaun hosi Prezidente-Repúblika, wainhira rona tiha partidu polítiku sira ne’ebé iha reprezentante sira iha Parlamentu Nasionál. no art. 85 alinea (d) ne’ebe dehan nune’e: Foti no fó pose ba Primeiru Ministru ne’ebé partidu eh aliansa partidu sira ho maioria parlamentár sei foti, wainhira rona partidu polítiku sira-ne’ebé iha Parlamentu Nasionál.

Husi artigu rua ne’e ita bele le momos iha ne’eba no komprende momos katak fo duni opsaun ba Presidente atu foti desisaun. Atu hili entre partidu mais votadu ou husi aliansa maioria parlamentar. Nune’e hau la aceita totalmente Amu nia ideia ida dehan katak tenki inklui nafatin partidu mais votadu iha aliansa maioria parlamentar nia laran  mesmu se partidu mais votadu ninia programa rejeitadu iha parlamentu nasional se lae hakat ba eleisaun antecipada ne’e lalos Amu. Tamba se ita le’e didiak iha ne’eba hatudu momos mai ita katak opsaun ne’e rua, no la fo prioridade liu ba mais votadu ou ba aliansa maioria parlamentar iha letra lei nian ne’e katak; hili husi partidu ida ne’ebe votu barak liu ka hosi aliansa partidu sira ne’be iha nia ema barak iha parlamentu. La existe alinea ou numeru ketak ida husi artigu sira ne’e, ne’ebe obriga aliansa maioria parlamentar tenki inklui partidu mais votadu. Iha regra interpretasaun ba lei ne’e katak: wainhira ita interpreta lei ida labele sai husi letra lei nian, wainhira sai husi letra lei nian ne’e signifika ANALOGIA, no labele uza analogia atu interpreta lei ida atu nune’e bele hetan ninia konteudu lolos. Ita bele haree iha artigo 8o. Numeru 1, 2 no 3 kodigu civil konaba interpretasaun lei nian, iha ne’eba dehan nune’e: (Interpretação da lei) 1. A interpretação não deve cingir-se à letra da lei, mas reconstituir a partir dos textos o pensamento legislativo, tendo sobretudo em conta a unidade do sistema jurídico, as circunstâncias em que a lei foi elaborada e as condições específicas do tempo em que é aplicada. 2. Não pode, porém, ser considerado pelo intérprete o pensamento legislativo que não tenha na letra da lei um mínimo de correspondência verbal, ainda que imperfeitamente expresso. 3. Na fixação do sentido e alcance da lei, o intérprete presume que o legislador consagrou as soluções mais acertadas e soube exprimir o seu pensamento em termos adequados. Ami lahalo tradusaun tamba bele halai ses husi ninia sentidu mas iha artigu ne’e ita bele komprende katak interpretasaun tenke iha nafatin letra lei nian laran labele ses husi letra lei nian. hau konsidera katak Amu nia interpretasaun ne’e sai husi letra lei nian tamba hanesan hau koalia antes ona katak laiha artigu ka numeru ka alinea ida ne’ebe koalia espesificadamente katak iha formasaun ba aliansa mairoria parlamentar tenki inklui nafatin partidu mais votadu selae AMP la produs efeito no tenki ba eleisaun antesipada, ne’e lalos.

Tamba iha regra konstituisaun mos iha artigu 86 alinea g), ne’ebe koalia nune’e:  Prezidente-Repúblika de’it mak sei hala’o knaar hirak ne’e:…..g) Hatún Governu no exonera Primeiru-Ministru nian, wainhira Parlamentu Nasionál la simu nia programa dala rua tutuir malu no artigo 112 alinea d) ho f) , ne’ebe koalia nune’e: Governu nia knaar remata, wainhira:......d) Parlamentu Nasionál la simu programa Governu nian dala-rua tuituir malu;..... f) Aprovasaun mosaun sensura nian hosi maioria absoluta tomak deputadu ne’ebé sei hala’o knaar nu’udar efetivu.    no artigo 95 numeru 2 alinea q), ne’ebe dehan nunue’e: Parlamentu Nasionál de’it mak halo lejizlasaun kona-ba:...q) Rejime orsamentu nian. 

 fo implikasaun ba partidu ida ne’ebe forma governu laho maioria parlamentar atu bele hala’o ninia knaar to’o tinan lima tamba tau nia an iha situasaun ne’ebe vulneravel teb-tebes kompara ho partidu aliansa maioria parlamentar. Ne’eduni wainhira atu forma governu temki buka uluk maioria absoluta iha parlamentu nasional. Bai-bain ita koalia katak Timor-Leste adopta sistema semi-presidensial ida ne’e hatudu katak sistema parlamentarista no sistema ne’e FRETILIN rasik maka kuda ona iha 2002 wainhira FRETILIN momentu ne’eba manan maioria absoluta. Ho ida ne’e lolos ne’e FRETILIN kuda ona to’o ona tempu atu FRETILIN ku’u nia fuan nune’e nia fuan ne’e maka situasaun akontese iha formasaun governu 2007 nomos situasaun ida agora dadaun ne’e. Nune’e ba formasaun governu iha konstituisaun lafo privilegiu ba partidu mais votadu ou ba aliansa maioria parlamentar atu forma governu maibe ida ne’e hanesan competencia exclusivu Presidente da Republika nian ne’ebe konsagra iha konstituisaun hodi desidi liu husi opsaun ne’ebe konstituisaun fo no PR maka iha poder hodi hateten se maka merese atu bele forma governu ho konsiderasaun ba iha implikasaun ne’ebe sei mosu iha parlamentu nasional ho ida ne’e maka iha artigu rua ne’e ninia parte ikus sempre dehan nune’e: wainhira rona tiha partidu politiko sira ne’ebe iha assentu iha parlamentu nasional. Ne’e duni ba hau nia hanoin ba kestaun formasaun governu:

1. Presidente bele fo ba partidu mais votadu laho maioria parlamentar hanesan situasaun akontese agora dadaun mas se programa chumbadu ou la passa dala rua tutuir malu tenke exonera fila fali hodi konvoka fali AMP hodi forma governu nune’e opsaun ida ne’e konsidero hanesan gasta tempo de’it. Mesmo iha ninia legitimidade no halo publiku trauma.
2. Se fo ba AMP maka forma governu sei garante ninia suporta iha parlamentu nasional nune’e sei lahamosu duvidas iha publiku nia leet tamba pasti buat hotu-hotu, Atu programa fali, atu lei fali, atu voto confiansa fali sei passa hotu no ida ne’e susegadu loos tamba entre exekutivo ho legislativu servisu hamutuk ho di’ak nune’e sei halo publiku moris hakmatek. 

Ne’e duni dala ida tan ba Amu nia ideias dehan katak se partidu mais votadu falha ba fali aliansa maioria parlamentar no AMP mos sei nafatin tenki komesa ho partidu mais votadu ne’e interpretasaun sai husi letra lei nian no ida ne’e lalos tamba iha eleisaun parlamentar wainhira partidu ida laman maioria absolutar significa laiha qualquer partidu ida maka povu fo fiar hodi ukun mesak.

Ho nune’e tuir Amu nia hanoin katak se ba AMP maka la involve partidu mais votadu tenke convoca Eleisaun antecipada tamba kaer ba prinsipio ultimo ratio no husi artigu 112 alinea d) no artigu 86 alinea g)  ne’e lalos Amo tamba iha ne’eba la temi katak oposisaun remata tamba oposisaun ne’e iha parlamentu la’os iha governu, ita labele kahur sasan governu hanesan orgaun executivu nia la eziste oposisaun agora parlamentu ne’e orgaun legislativo ne’ebe composto husi deputadus bancadas parlamentares sira no existe oposisaun no afavor ba executivu. Nune’e wainhira, liga ho situasaun atual se VII governu konstitusional monu, oposisaun existe nafatin, no sei tuir fali prosesu formasaun ba VIII governu konstitusional ne’ebe tuir amu nia hanoin katak tenki inklui nafatin partidu mais votadu ne’e interpretasaun ne’e sai husi letra da lei tamba laiha alinea uniku ida ou numeru uniku ida iha artigu nia laran ne’e dehan katak wainhira forma aliansa maioria parlamentar tenki komesa nafatin ho partidu mais votadu, ne’e la masuk akal Amu, tamba fo fiar ba la uza fiar ne’e ho didiak. Oinsa atu fo tan fali. Iha omilia semana ida ne’e nian hau tuir missa iha Catedral padre ida fo omilia nune’e: “maromak fo soin ba ema na’in rua, ida ba ke’e rai kuak hakoi tiha, ida seluk ba servisu hodi desenvolve soin ne’e to’o aumenta nune’e maka maromak kondena ida nebe ba hakoi tiha ne’e no maromak louva ida ne’ebe ba servisu makas hodi halo aumenta tan soin ne’e” lolos ne’e ita liga mos ida ne’e ho kestaun FRETILIN nian tamba PR fo konfiansa la’os exerce confiansa ho didiak hodi kaer metin sira nia aliadu sira mas hatudu arogansia hodi halo aliadu sira haksuit sai hotu hosi koligasaun ne’e, nune’e maka PR tenke kondena ona sira no labele fo fiar tan. Tamba hanesan hau koalia ona katak konstituisaun sei fo opsaun. Nune’e ba formasaun VIII governu PR se halo tuir duni konstituisaun sei fo ba Aliansa Maiorai Parlamentar ne’ebe partidu tolu maka inklui iha laran no ida ne’e bele ona garante governu ida ne’e ninia sustentabilidade ba to’o iha tinan lima sem hanoin ba iha Elisaun Antesipada porque ita le momos ih artigu 86º: 

Prezidente-Repúblika nia knaar kona-ba órgaun seluk: ... f) Hakotu Parlamentu Nasionál, iha kazu krize boot institusionál nian ne’ebé labele iha formasaun governu ka aprovasaun Orsamentu Jerál Estadu nian, iha tempu naruk liu loron neen-nulu, wainhira rona tiha ona partidu polítiku sira-ne’ebé hetan kadeira iha Parlementu Nasionál, no rona Konsellu-Estadu, iha tempu ne’ebé laiha kdasar jurídiku atu hala’o disolusaun , tenke haree tuir regra iha Artigu 100; no artigo 100,... 1. Parlamentu Nasionál labele hetan disolusaun iha fulan neen nia laran, liutiha eleisaun ne’ebé hili nia, ka iha semestre ba dala ikus mandatu Prezidente Repúblika nian, ka durante vijénsia estadu serku ka estadu emerjénsia nian, tan la iha kdasar jurídiku atu halo disolusaun.

Nune’e ita bele lee rasik no komprende katak so konvoka eleisaun antesipada wainhira krize boot institusional nian ne’ebe labele iha formasaun governu agora liga ho situasaun agora seidauk bele dehan EA hanesan ultimo ratio, tamba sei iha alternativu husi AMP ne’ebe ninia dokumentu legal sira hatama ona ba PR. Ho razaun fundamental ida ne’e maka PR sei laiha dalan atu konvoka eleisaun antesipada tuir gostu tamba iha artigu ne’eba mos hateten katan wainhira rona tiha partidu politiku sira ne’ebe hetan kadeira iha PN no konselhu de Estadu. La’os eleisaun antesipada ne’e maka ultimor ratio laiha, ne’e sala ona. Mas se konvoka duni foin ita dehan ida ne’e maka violasaun ba prinsipiu Estadu de direitu democratiku. 

Atu remata hau nia resposta atu hanoin fali liafuan murak ida husi Mahatma Gandi lider indianu nian nune’e: “Hau komprende demokrasia hanesan buat ida ne’ebe fo ba sira ne’ebe fraku opportunidade hanesan mos sira ne’ebe forte”.

Obrigado Wa’in