VISAO MISAO OBJECTIVO HAKSESUK BOLA FH KKN HOME FH LPV ARTIGOS FH MUZIKA LIA MENON FH RESPONDE
DALIA iha "quarteto" LIAN NIA NONOK  
   

sexta-feira, 25 de agosto de 2017

Prezidente da Repúblika simu Visita husi RENETIL

Prezidente da Repúblika simu Visita husi RENETIL

"Siak" ho "Lu-Olo"
Palásiu Prezidente Nicolau Lobato, 24/8, Prezidente da Repúblika Francisco Guterres Lú Olo simu visita delegasaun husi RENETIL ne’ebé lidera husi Prezidente ba Konsellu Sentral Jose Ave Maria Ximenes Siak hodi hato’o RENETIL nia hanoin relasiona ho situasaun polítika atuál.

Iha enkontru dahuluk ho xefe-de-estadu, RENETIL husu Prezidente-da-Repúblika atu uza nia poder konstitusionál hodi garante pás no estabilidade nasaun,formaliza kompromisu polítiku sira ne’ebé partidu polítiku ho asentu parlamentár atu bele kontinua kumpri to’o governu foun bele hala’o nia mandatu durante tinan-lima.

Reprezentante RENETIL hato’o mós kona-ba importánsia partisipasaun juventude iha prosesu dezenvolvimentu nasionál no husu ba Prezidente-da-Repúblika bainhira promulga Orsamentu Jerál Estadu atu tau prioridade ba investimentu iha setór edukasaun,liuliu formasaun professional.

Prezidente-da-Repúblika haksolok tebetebes ho sorumutu hamutuk organizasaun rezisténsia ne’ebé kontinua kontribui ba dezenvolvimentu nasaun. Prezidente-da-Repúblika informa katak durante ne’e halo esforsu atu garante pás no estabilidade relasiona rezultadu eleisaun parlamentár hodi promove dialogu ho partidu polítiku sira, inklui iha prosesu formasaun governu.

Mídia PR
Presidência da República Democrática de Timor-Leste

Sem comentários:

Enviar um comentário

Nota: só um membro deste blogue pode publicar um comentário.