Referendo 30 Agostu 1999: Opsaun Ukun Rasik-an “Vontade Soberana” Povu nian

Referendo 30 Agostu 1999: Opsaun Ukun Rasik-an “Vontade Soberana” Povu nian

Amo Bispo Carlos Filipe Ximenes Belo

Parabéns ba Povu Timor-Leste ne'ebé selebra loron Referendo, 30 de agosto de 1999. Opsaun Ukun rasik-aan, ne'e "vontade soberana" povu tomak nian, ho tan rekoñesimentu internasional.

Ita lamenta deit, desizaun ONU nian atu entrega "segurança (security) iha rai laran, ba Polisia indonesia nian, no ida ne'e, ho konsentimentu Portugal nian.

Dala barak diplomasia mos bele iha konsekuenasia ne'ebé la diak ka fraku, hodi provoka "vítimas"  barak. Maibé, buat hotu hotu liu ona. Agora, ita hanoin no hakru’uk ba ASUWA'IN sira. Ita sira ne'ebe agora sei moris no "goza" independensia la bele baruk atu serbisu ba ita nia nasaun, no husik ba kotuk sentimentu laran moras nian, "ódio" no "vingança", no husik ba kotuk, korrupsaun, politika fo'er, politika ne'ebé fó "favorecimento" ba ema ne'ebé ita nia familia, ita nia partido ka hosi ita nia Distrito ka Municipio.

Ita sei serbisu nafatina ba JUSTIÇA SOCIAL, ne'ebé, sei lori Povu timor iha direitos politicos, sociais, económicos hanesan: la iha ema ka klasse ne'ebé riku liu, no la iha ema ka klasse ne'ébé ki’ak liu.

Parabéns ba Timor-Leste!

Na'i Maromak simu iha ninia Kadunan Matebian sira.

Amo Bispo Carlos Filipe Ximenes Belo

Premiu Nobel Paz 1996

Dai Darenafa Namanei

https://www.facebook.com/carlos.belo.92317121/posts/1926754900913379