VISAO MISAO OBJECTIVO HAKSESUK BOLA FH KKN HOME FH LPV ARTIGOS FH MUZIKA LIA MENON FH RESPONDE
DALIA iha "quarteto" LIAN NIA NONOK  
   

sexta-feira, 18 de agosto de 2017

Leilaun Prado Iha Uma Fukun Sai Fukun Ba Polemika

Leilaun Prado Iha Uma Fukun Sai Fukun Ba Polemika

Husi Victor Tavares
https://www.facebook.com/VictorTavares47

Victor Tavares
Problema leilaun kareta prado iha uma fukun sai polemika iha sosiedade timor nian laran. Polemika ne mosu bainhira Parlamentu Nasional (PN) fo sai ba publiku katak atu halo "Leilaun Kareta Prado" nebe deputados sira usa.

Publiku hakfodak ho laran susar, laran taridu no mos ran manas tanba Kareta Prado nebe inicio legislatura sosa ho osan estado ho folin, karik hau la sala, ho folin 64 mil USD kareta ida ba cada deputado total ema nain 65. Maibe liu deit tinan lima leilaun ho folin nebe fixu kedan ona 8 mil kareta ida.

Argumentu oin-oin nebe publiku hato'o, balun uza argumentu reforsa ho dadus, balun expressa ninian desgostu ho desizaun, balun encosta Prado ba povu inosente ho hato'o sira nian revolta, balun uza argumento logico no realista, balun expressa fakar sai saida mak sira sente no buat seluk-seluk tan, maibe hare ba sikun tuir atan hau nian observasaun polemika agora kona ba Prado iha tiha ona presedente Pajero iha lejislatura liu-ba, embora la mosu polemika hanesan agora dadaun ne karik tanba Pajero uluk PN sosa ladun karun hanesan Prado, mas situasaun instala dadaun ona iha sistema. Hanesan virus karik kaer belit dadaun iha sistema estadu nian uat, hahu iha Uma-fukun no karik sei daet ba orgaun soberano sira seluk nebe kleur ka lais sei sai tradisaun ida iha sistema Estado RDTL.

To'o ba bain hira? atan hau rasik lahatene lia-husu ne'e maibe realidade mak ne'e kada legislatura representante troka balun foun balun tuan continua ho knaar representante povo iha uma fukun conforme povo fo fiar ba ema iha partido nebe hetan favorece. Klaru deputados hotu-hotu hakarak hetan tratamento nebe hanesan ho sira iha mandato anterior, hetan previlegio nebe mos hanesan iha estado de direito democrático, atu hatan exigencias hirak ne estado RDTL obrigado hasai osan minarai nian atu cobre necessidades hirak ne hotu, enquanto minarai ne rasik tuir ninian karacter natural embora raro maibe mos limitado no mos iha factores condicionantes mos barak iha ninian utilidade...

Polemikas hirak ne'e mosu maibe ne'e hanesan ahi suar deit hare husi sikun lei causa-efeito. Polemika ne'e apenas efeito ahi-suar maibe oin-sa hare causa para bele sai husi circulo vicioso ka lingkarang setan ida ne. Tanba ne hau sadik publiku atu hateke klean liu tan hodi bele hetan causa tanba sa ahi-suar tenke buat ruma mak halo ahi-moris hodi sai nian suar hare didiak to'ok ema uza ahi-kose ka iskeru ka fatuk ho besi-kose ka ai ho ai-kose mak ahi moris.

Hare klean liu-tan previlegios hirak Pensaun Vitalisia (PV), regalias Prado ho buat seluk-seluk hirak ne'e nian abut mak ida nebe. Karik lei ka decreto lei ruma mak abut ba sasan hirak ne'e então publiku husu ka exige mak atu muda ka troka. Karik iha lei ruma mak garante deputados sira nian argumento katak leilaun Prado ho folin 8.000 ne direito PN nian entaun husu ba orgaun representativo ne revoga lei ne'e ho atitude nudar sidadaun nebe hatene etika no civismo, se ita hotu haklala hotu deit laiha ema atu rona ita koalia sa. Maibe PN nudar orgaun legislador muda lei ruma mos depende ba vontade diak (good will) husi nai-ulun representante sira iha Uma-fukun.

Obrigado ba imi nian leitura...

Bom dia

Artigu relacionada:
=> FORUM HAKSESUK preve tiha ona iha tinan 2008 i oportunamente hato'o lia-menon ba Estadu konaba sosa kareta ba Deputadus 65. Bele sani hikas lia-menon refere iha links okos ne'e: 
  1. Lia Menon Husi Forum-Haksesuk kona ba Estado atu Suporta Kareta ba Deputados nen nulu resin lima (65)

Sem comentários:

Enviar um comentário

Nota: só um membro deste blogue pode publicar um comentário.