Komisaria CFP Maria Dina Alves: “Misaun CAC, Misaun Ida La Fasil”

Komisaria CFP Maria Dina Alves;

“Misaun CAC, Misaun Ida La Fasil”

---

Foto: Guido Gusmão Goulart / CAC

Comissão Anti-Corrupção (CAC) nian servisu bele hateten katak nakonu ho risku, misaun ida la fasil, misaun ida nebe karik ema ruma labele kompriende misaun ida ne’e nia sei hateten misaun ida impossible. Maibe, ita sira ema ne’ebé merese hetan ema hotu nia palma, merese ami nian parabens, tamba ita boot sira mak eskolhidu halao misaun ida ne’e.

Hau mos kontenti loron ida ohin hasoru malu ho imi iha fatins simplis ida hanesan ne’e. ida ne’e hatudu duni katak Comissão Anti-Corrupção hahu kedas husi dirijenti maksimu mai too ita boot sira hotu hatene hotu ona katak importante halao ita nian knar, laos liu husi (karik bele hateten) moris kontenti iha ema seluk nia susar (leten).

Tamba, dala barak ita, ema barak gosta moris liu duke buat ida ne’ebé nia bele. Nia hakarak moris tuir nian hakarak maibe laos (moris) tuir buat ne’ebé nia bele I Comissão Anti-Corrupção hatudu ona katak moris ne’e tenki hanesan ne’e.

Ita halo tomada de posse ida, importante teb-tebes tomada de posse ba diretores, ba chefe unidades, maibe tenki simplis. Ida ne’e izemplu boot ida para ema barak banati tuir. Hau hein katak orsida mos ita sei la iha cake, ita sei la haree champaine, ita sei la haree serveija tamba CFP rasik mos ami hahu ona hateten katak wainhira ita halo eventu ruma ita la presija ho buat sira ne’e.

Ita la presija tau cake bot-boot, tau champagne botir bar-barak loke tarutu depois sai iha televizaun povu hare’e. ida ne’e trite enkuantu ema barak sei moris ho susar, ita tenki moris ho buat sira ke tuir lolos ita la presija halo hanesan ne’e.

Parabens tamba CAC hatudu duni izemplu ida kapaas I hatudu katak ita lakohi buat ida kontra efisiensia, kontra efikasia, I ita hakarak buat ida super, buat ida maka’as. Ita la presija.

Hau hakarak atu hamenon deit liafuan ida ka rua; wainhira ita boot sira hasoru ema ruma karik mai (iha edifisiu CAC) atu husu ka intervista (investigasaun) ka interoga ema ruma karik! Tau ema sira ne’e nafatin iha fatin ida dignu maske karik ita hatene katak sir abele komete buat ruma ke la merese atu hahi sira! Maibe, serve sira ba ho… katak sira merese nafatin, katak sira dingus atu ita fo nafatin ita nian respeitu, valorize nafatin sira.

Tamba ho ida ne’e mak ita mos sei halo ema sente! Karik hau bele hateten moe wainhira nia atu komete buat aat ruma, nia atu halo buat ruma ke halo susar deit ita nian Estadu, halo susar deit ita nian povu. Hau hanoin waihira ema sira ne’e mai (tuir investigasaun) ita hare’e sira ho diak! sira sei sente moe, sira sei sente afinal hau la merese ema respeita hau! Maibe, sira sei nafatin respeita hau.

Fonte:  Guido Gusmão Goulart / CAC
https://www.facebook.com/groups/924993880896361/permalink/1091958337533247/