VISAO MISAO OBJECTIVO SPORTIMOR FH KKN HOME FH LPV ARTIGOS FH MUZIKA LIA MENON FH RESPONDE

domingo, 21 de fevereiro de 2016

Tanba Interese Nacional ba Fronteira tasi Timor mak PD prontu simu remodelasaun husi V ba VI Governu Konstitusional

Mariano Asanami Sabino
Oebaba, Zumalai, Forum Haksesuk (FH).  Iha konsolidasaun Partido Democratico (PD) iha aldeia Oebaba, Suku Rai Mea, Posto Administrativu Zumalai,  Municipiu Cova Lima, ”tanba interese nacional ba Fronteira Maritima (FM) mak Partido Democratico prontu simu remodelasaun husi V ba VI Governo Konstitusional iha fulan Fevereiru tinan 2015”. 

Hatutan Mariano Asanami, ”remodelasaun ho objetivu  força politika sira iha acentu Parlamentares hamutuk atu salva guarda interese nacional ba FM”. Tenik tan Mariano Asanami Sabino, ne’ebe mos nudar Ativista Renetil no IMPETTU ne’e, katak ”Ho Tratado FM, kesi ita nia liman metin ba tinan 50 foin bele koalia fali konaba FM iha tinan 2056 (tinan 50 konta husi 2006) tinan ne’ebe Timor-Leste asina tratadu ho Australia”. 

“PD desde iha Assembleia Konstituinte to’o mai Parlamento Nacional (PN) iha  primeira Lejislatura sempre kontra Tratadao ne’ebe bolu CMATS, ne’ebe hafraku Timor-Leste ninia posisaun iha negociassaun ba FM”, defende Asanami.  

Foreign ministers Jose Ramos-Horta and Alexander Downer sign the CMATS resource-sharing agreement in Sydney in 2006. Picture: Renee Nowytarger Source (www.theaustralian.com.au)
CMATS ne’ebe asina iha Sydney Australia, loron 12 fulan Janeiro tinan 2006, asina husi Ministru Rai Liur Timor-Leste nian, Dr. José Ramos Horta no Alexander Downer husi Australia, sasin husi PM Dr. Mari Alkatiri husi Timor-Leste no John Howard husi Australia (1).  

Tratado ne’e hanoin ida katak, atu explora hamutuk mina no gaz iha tasi Timor nian, ne’ebe konvensaun Internacional nian ne’ebe hanaran UNCLOS ne’e hotu pertence ba Timor-Leste. Maibe ho CMATS kesi metin Timor-Leste nia liman labele koalia Fronteira Maritima iha tinan 50 nia laran.

Tuir Resolusaun Parlamento Nacional, no. 12/2014, loron 24 de Outubro, konaba, ”Delimitasaun Fronteira Maritima ho Australia” (2). 

Conselho de Ministro CdM), ”hili Kay Rala Xanana Gusmão mak sai nudar negociador ba Fronteira Maritima ho Australia no Indonesia” (3). 

Oebaba, Zumalai, Cova Lima, 20.02.20016.

Referencias:

1) Treaty on Certain Maritime Arrangements in the Timor Sea;
https://en.wikipedia.org/wiki/Treaty_on_Certain_Maritime_Arrangements_in_the_Timor_Sea
2) Res. PN no. 12/2014, 24 de Outobro, "Sobre o apoio ao Governo para a criação de um Conselho Especial para a delimitação definitiva das fronteiras marítimas";
3) Res. Conselho de Ministro, "Xanana Gusmão vai liderar negociações de fronteiras com Austrália e Indonésia". http://www.sapo.pt/noticias/xanana-gusmao-vai-liderar-negociacoes-de_56b4236186174cf73cc79787

Sem comentários:

Enviar um comentário

Nota: só um membro deste blogue pode publicar um comentário.