VISAO MISAO OBJECTIVO SPORTIMOR FH KKN HOME FH LPV ARTIGOS FH MUZIKA LIA MENON FH RESPONDE

terça-feira, 10 de novembro de 2015

Tinan Atus Lima: KAPITULU 26 - Dokumentu hosi Conde de Sarzedas (1812)

500 ANOS – TINAN ATUS LIMA  Emar Timor Ho Malae Mutin Hasoru Malu  
Dom Carlos Filipe Ximenes Belo

Kapítulu 26Dokumentu hosi Conde de Sarzedas (1812)

Hahú kedas governador António de Albuqerque nia tempu (1702-1705), autoridades sira haruka relatóriu ba Goa; relatório no dokumentu balu rai iha Timor. Maibé, dala barak, dokumentu istótiku hirak ne’e, balu ahi han, balu nehek mutin mak han, balu lakon iha tasi laran bainhira ro-ahi mout, balu funcionariu ou governador rasik ma sobu ou lees no halakon.

Iha tinan 1779, iha Prasa Dilly, ahi han mohu dokumentus ne’ebé rai iha arquivu sekretaria govenu nian.

Maibé, iha tinan 1811-1812, Vice-rei no governador-jeral ha Goa, Dom Bernardo José Maria de Lorena, Conde de Sarzedas, haruka eskrivaun sira buka notisia kona ba Timor, iha Arquivo Goa nian. Ho dadus isttórikus hirak ne’e, Conde de Sarzedas, hakerek surat naruk no importante ida ba giovernador Timor nian, naran Vitorino Freire da Cunha Gusmão (1812-1816).Dokumento Sarzedas hanesan livru istóriku kona ba Timor ne’ebé mosu uluk.

Iha documento ne’e, iha artigu 96. Conde Sarzedas fahe assuntu hanesan tuir mai ne’e:

1.º - Estado da religião: art. 3 to’o 12; 2,º - Estado civil: artigu 13 to’o 17; 3.º - Estado da Fazenda (Finanças): art. 18 to’o 33; 4.º - Estado militar: art. 34 to’o4 2; 4.º - Estado político: art. 45 to’o 96.

1.º - Kona ba Religião ka Missões Católicas: Governador Índia nian, Conde de Sarzedas hato’o katak missionariu ne’ebé hahú obra misionasaun iha Insulindia, mak frades dominikanu sira. Nia koalia barak kona ba Bispo Dom Frei Manuel de Santo António; no husu ba governador Vitrino Gusmão atu mantein relasaun diak ho amo lulik sira.

2.º Estado civil: Iha documento nee’ mosu institusaun atu ukun hanesa; Alfândega, Provedoria da Fazenda dos Ausentes e Deefuntio; e funsaun ouvidor ka juiz nian.

3.º - Estado da Fazenda:Koalia kona tesouro ka osan estadu nian iha Timor. Praticamente, governu la iha osan barak; hosi Lisboa, Goa Macau, siu oitoan deit no tarde liu. Osan ne’ebé iha, mai hosi komérsiu ai-kameli, no impostu sobre ró-ahi ne’ebé tama no sai hosi portu sira, no impostu ne’ebé kobra iha reinu sira.

4.º- Estado militar: Conde de Sarzedas hato’o katak, iha tempu ne’ebá, iha Timor, la iha tropas. Ema ne’ebé sai hanesan tropas mak dadur sira ne’ebé haruka hosi Portugal, Goa no Macau. Tanba ne’e, autoridade sira iha Lifau, tem ke husu ba reinu sira atu fornese tropas atu defende Prasa Lifau.

5.º - Estado politico: Conde Sarzedas hakturi katak atu mana liurai timor nia laran diak, governadores sira fo títulos militaeres hanesan: afferes, tennente, capitão, major, tenente-coronel, coronel no brigadeiro. Conde Sarzedas mos hato’o katak iha Timor iha Província boot rua: Província do Servião (ho reinu 16), iha loro-mou, no Província dos Belos (ho reinu 46)., iha Loro sa’e. Nia mos ko’alia kona ba funu Cailaco. Ikus mai, nia mos fo sai oin sá governu muda capital hosi Liafau ba Dilly.

Ema ne’ebé hakarak hatene istória Timor nian iha séckulu XVII no XVIII tem ke hatene no lee dokumentu naran “Documento Sarzedas”!

Dom Carlos Filipe Ximenes Belo
Premiu Nobel Paz 1996

Sem comentários:

Enviar um comentário

Nota: só um membro deste blogue pode publicar um comentário.