Tinan Atus Lima: KAPITULU 24 - Frei Alberto de São Tomás, O. P.

500 ANOS – TINAN ATUS LIMA  Emar Timor Ho Malae Mutin Hasoru Malu  

Dom Carlos Filipe Ximenes Belo

Kapítulu 24 – Frei Alberto de São Tomás, O. P.

Istoriador inglés Charles R. Boxer dehan katak missionariu sira ne’ebé hala’o evanjelizasaun iha Oriente (Ásia), entre ordens religiosas hotu-hotu, missionáriiu sira hosi Companhia de Jesus, ou jesuítas, mak matenek no badinas liu atu hekrek. Tanba sira ne’e, iha kostume atu hakerek surat, relatóriu, disionarius, katesismus, mapas no buat seluk tan. Tuir mos Charles Boxer, dominikanus sira mak fak no beik liu, tanba sira la husik dokumentu importante!; sira ne’e la husik dokumentu ba posteridade. Maibé iha hatene katak ema dominukanu balu hakerek. Iha Timor, ida mak naran boot; nia ne’e, frei Alberto de São Tomás.

Ita la hetene frei Alberto de São Tomás moris iha ne’ebé, no halo noviciiadu iha ne’ebé. Maibé, iha lista kona ba missionariu dominikanu sira, iha Timor, nia naran boot duni. Tuir padre Francisco de Leite Faria, OCD, frei Alberto de S. Tomás sai Mestre de Noviços iha konventu dominiknu iha Lisboa iha tinan 1703 no 1720. Iha tinan 1749, iha relatório ida, ne’ebe vigário-geral dominkanu iha Goa hakerek, katak iha Timor, iha tinan 1749, iha domuinikanu na’in sanulu resin hitu (17). Entre sira, inklui frei Alberto de São Tomás. Nia kala pertense ba komunidade dominikanu iha Manatuto. Istoriador Alberto Morais de Faria mos temi Frei Alberto nia naran iha nialivru ho títulu: “Subsídios para a História de Timor”.

Frei Alberto de São Tomas, bainhira sei iha Timor, nia buka hatene ai-moruk timor. Nia hakerek no halo dezeñu kona ba ai-oan sira ne’ebé hanesan ai-moruk. Nia pinta no halo komentariu kona ai-moruk timor 32. Dezeñu tolu nolu resin rua (32) sira libur hamutuk no bolu “Virtudes de Algumas Plantas, Folhas, Frutas, Cascas, e Raízes de diferentes Árvores e Arbustos da Ilha de Timor”. Se mak lori dezeñu ne’e ba Macau governador João Baptista Vieira Godinho (1785-1788). Iha Macau, ema ruma sosa no rai didiak dokumentu ne’e, no ikus mai, faan fali ba ema iha Moçambique. Iha tinan 1934, dezeñu sira ne’e, mosu iha Exposição Colonial, iha Porto. Iha ne’e, Professor Alberto Iria, koalia kona ba “Virtudes de Algumas plantas medicinais ”, iha Congresso Internacional ne’e b’e halao iha sidade Porto. Iha tinan 1950, engenheiro Rui Cinatti halomos komentariu kona ba dezeñu hirak ne’ebá.

Iha Timor, see mak estuda ona ai-moruk timor no hakerek livru no deseñu???

Dom Carlos Filipe Ximenes Belo

Premiu Nobel Paz 1996