VISAO MISAO OBJECTIVO SPORTIMOR FH KKN HOME FH LPV ARTIGOS FH MUZIKA LIA MENON FH RESPONDE

domingo, 25 de outubro de 2015

Tinan Atus Lima: KAPITULU 23 - Situasaun Missoens katólikas iha Timor (1769-1820)

500 ANOS – TINAN ATUS LIMA  Emar Timor Ho Malae Mutin Hasoru Malu  
Dom Carlos Filipe Ximenes Belo

Kapítulu 23Situasaun Missoens katólikas iha Timor (1769-1820)

Bainhira kapital Timor nian estabelese iha Dili, governador do Bispado de Malaca ne’ebé ukun missoens sira iha Timor, mak frei António de São Boaventura, O.P.; nia responsável ba kaolikus iha Timor hahú tinan 1765 to’o 1772. Governdar do Bispado seluk mak Frei Francisco da Purificação, O.P. Padre ne’e, Arcebispo hosi Goa, Dom Assunção e Brito mak foti. Iha tinan 1776, nia sai hanesan membro do Governo Consultivo; membros sira seluk mak Raimundo da Costa. Ikus mai Arcebisppo Goa nian demite tiha governador do Bispado no haruka fila ba Goa. Motivos saída? Iha tempu ne’ebá, ukun iha Portugal Marquês do Ponbal, ne’ebe´f o lei ida atu entrega rai missaun ba padres seculares ka diosezanus. Tanba ne’e, Arcebispo foti padre goés, naran Caetano de Meneses ba Governador do Bispado. Padre Caetano to’o Dili iha loron 4 fulan abril tinan 1776, hamutuk ho amo lulik na’in lima, ema mesak goés. Governador Bispado foun ne’e haruka prende Frei Francisco da Purificação no amo lulik dominikanu na’in tolu. Nia mos persegue dominikanus seluk iha Timor. Tanba ninia a hahalok padre Caetano husik nia kargu iha tinan 1776. Governador do Bispado seluk mak Frei Joaquim Manuel de Santa Ana, O.P. Amo lulik ne’e mate iha Dili. Hosi Goa, Arcebispo foti Governador do Bispado padre frei Francisco de São José Toscano (1786-1787); Tuir mai, Arcebispo hili Governador do Bispado foun, hodi foti Padre Francisco Luís da Cunha, ema hosi Goa no padre disezanu ida. Nia hakerek carta ba Arcebispo hodi kritika padres dominikanus sira. Governador Timor Feliciano Nogueira Lisboa akusa padre ne’e halo revolta kontra governo, Ne’e duni la kleur deit, Governador do Bispado Francisco Luis da Cunha sai hosi Timor no fila ba Goa. Nia mate iha ne’ebá tinan 1793.To’o tinan 1800, governador do bispado na’in tolu mak ukun Missoens; Frei José Caetano (1791-1796); Frei Jose Barbosa machado de Aguiar (1798), no Frei José da Anunciação, O.P. (1798-1822).

Iha tempu ne’eba, padre dominikanus sira hahú kurang iha Timor. Neineik númeru efetivu sira tun. Motivo? Tanba hosi Goa no Macau, ordem dominkana la iha ona vokasoens. Problema ida ne’e sei tóo tinan 1834, ne’ebé governu hosi Lisboa haruka duni sai no taka ordens religiosas iha Portugal no kolónia sira. Timor sofre liu tanba amo lulik ida ka rua deit, ma serbisu iha ne’ebá, sarani barak mak fila ba “adat/istiadat” ka gentilizmu, no eskola mos la iha.

Dom Carlos Filipe Ximenes Belo
Premiu Nobel Paz 1996

Sem comentários:

Enviar um comentário

Nota: só um membro deste blogue pode publicar um comentário.