FH Dili, 17.07.15
 |
| Sekjer RENETIL Demetrio Carvalho ho Dr. Ramos Horta |
Dili. Iha loron segunda-feira (13/07/2015) Dr. Ramos Horta, eis-Prezidente Republika, desloka ba knua RENETIL nian, iha Farol, Dili, Timor-Leste, hodi hasoru malu ho membru RENETIL sira. Surumutu ne’e hahu tuku 10:30 dader no hotu iha tuku 13:30 lokraik.
Iha tempo funu, Dr. Ramos Horta nebe sai nudar representante no porta voz Resistencia Timor Leste nian iha rai liur haktuir konaba ninia ligasaun ho Saudoso Fernando La Sama de Araujo nudar Seketrariu Jeral RENETIL no servisu hamutuk desenvolve operasaun importante sira ne’ebe kontribui ba luta Diplomasia iha rai liur.
Ramos Horta servisu hamutuk ho RENETIL iha Operasaun sira hanesan Operasaun TUBA, ne’ebe iha fulan Setembru tinan 1990 RENETIL hola inisiativa no konsulta ho Maun Ramos hodi hatama jornalista Robert Domm ba entrevista Comandante FALENTIl Kay Rala Xanana Gusmão iha Bunaria, Suru Kraik, Ainaro, Timor Leste. Operasaun ida seluk mak hanaran Operasaun TREPE ne’ebe konesidu ho Okupasaun Embaixada Estadus Unidus Amerika, iha Jakarta, iha loron 12 fulan Novembru tinan 1994.
PM Dr. Rui Maria Araujo Alemde historia kontaktu ho Saudoso Fernando La Sama de Araujo, Ramos Horta mos konta hikas nia kontaktu ho Dr. Rui de Araujo (Agil) iha biban ne’eba nudar ativista no membru RENETIL ne’ebe ativu tebes.
“Hau konese diak Dr. Rui de Araujo iha Governasaun, desde I Governo to’o IV Governo, ema ne’ebe iha perfil intelektual no sentidu responsabilidade áas tebes”, tenik Dr. Ramos Horta nebe “husu atu RENETIL fó apoio ba PM Dr. Rui de Araujo” iha VI Governo Constitucional.
FH Dili!
Referensia seluk konaba Dr. Rui de Araujo nudar militante RENETIL: Sasin no envolvimentu Dr. Rui de Araujo aliasAgil nudar militante RENETIL
Sem comentários:
Enviar um comentário
Nota: só um membro deste blogue pode publicar um comentário.