VISAO MISAO OBJECTIVO SPORTIMOR FH KKN HOME FH LPV ARTIGOS FH MUZIKA LIA MENON FH RESPONDE
Congresso  Nacional de Recontrucão de Timor-Leste Frente Revolucionaria de Timor-Leste Independente Partido Democratico Frenti-Mudança FM Partido Socialista Timor Partido do Desenvolvimento Nacional Associação Social-Democrata Timorense União Nacional Democrática de Resistência Timorense União Democrática Timorense Partidu Republikanu Partido Libertasaun Povu 

Aileba Partido Democrática Republica de 

Timor Associação Popular Monarquia Timorense Partido Unidade Nacional Partido Milénio Democrático Klibur Oan Timor Asuwain Aliança Democrática Partido Timorense Democrático Partidu Democrática Liberal Partido do 

Desenvolvimento Popular Partido Democrata Cristão

Ohin, 7 Dezembru, Tinan 41 Liu-ba Indonesia Invade Timor-Leste (1975-2016)
7 Dez 1975 Indonesia Kamat Timor-Leste 7 Dez 1975 Indonesia Kamat Timor-Leste 7 Dez 1975 Indonesia Kamat Timor-Leste 7 Dez 1975 Indonesia Kamat Timor-Leste 7 Dez 1975 Indonesia Kamat Timor-Leste
TIMOR-LESTE
Ami nia mehi ma'ak Liberta ita nia Rain no Liberta ita nia Povo, Ita hotu nia Mehi ma'ak Ukun Rasik An!".


Memoria 7 Dezembru 1975 - Invazaun Militar Indonesia Mai Timor-Leste
Portugal disse aos EUA que não se oporia à invasão de Timor-Leste
Mengungkap Invasi Indonesia di Timor-Timur

Kopassus veterans mark 41 years since Indonesia's invasion of East Timor

Pertempuran sengit & berdarah di Dili, Kopassus Vs Tropaz

segunda-feira, 25 de maio de 2015

Sasin no envolvimentu Dr. Rui de Araujo alias Agil nudar militante RENETIL

Foto Doc.: GPM (22/05/2015)!
Iha apresentasaun Livru ho titulu: “RENETIL iha Luta Libertasaun Timor-Lorosa’e: Antes Sem Titulo, Do Que Sem Patria”, autor Carlos Lopes Saky. Iha apresentasaun livru ne’ebe halo iha Auditorio Museu da Resistencia ne’e, iha loron Sexta-feira (22/05/2015). Iha ninia testamunha Dr. Rui de Araujo ne’ebe iha periudu luta nudar militante RENETIl adapta kodiku “AGIL”.
1. Rui de Araujo alias Agil hahu kontaktu iha RENETIL ho kodiku AGIL:
Dr. Rui de Araujo ka AGIL hahu ninia estudos superiors iha Indonesia, hahu iha Fakuldade Medicina iha Universidade Privada iha Semarang, Java Central. Hafoin hetan transferensia husi Semarang ba Estuda fali iha Fakuldade Medicina Universidade Udayana Bali, tanba hetan rekomendasaun husi Francisco Lopes da Cruz (Diplomata ne’ebe Governu Indonésia hili ba trata Asuntus Tim-Tim) ka konesidu ho naran Dubes Keliling. Tama Renetil, hahu kontaktu ho militantes RENETIL sira ne’ebe mak koalia no bolu nia tama ba RENETIL mak José AMX Gonçalves (SIAK), Avelino Coelho da Silva (Salar Cosi) no Joao Gama (Ma-CLuan).
2. Bulitin Informativu Neon Metin (NM):
Durante ninia envolvimentu ativu nudar militante RENETIL, Dr. Rui de Araujo ka Agil, sai mos membru equipa ba produsaun ba Bulitin Informativu ‘Neon Metin”. Dr. Rui de Araujo ka AGIL (atual Primeiru-Ministru VI Governu Konstitusional RDTL) hamutuk ho Dr. Lucas da Costa ka Rama Metan (Reitor UNPAZ) mak sai hanesan equipa principal ba prepara estrutura, grafika no hakerek rubrika sira. Bulitin “Neon Metin” ne’ebe sai nudar orgaun informativu propaganda kontra okupasaun Indonésia nian. Wainhira NM to’o iha Frente Diplomatica, fó mos impaktus bo’ot ba transformasaun iha estratejia Funu nian. Iha edisaun periudiku no.1, Janeiru tinan 1990, ano II, editorial Neon Metin (NM) hakerek konaba,” defende maun Xanana ninia estratejia sai husi Fretilin no adapta postura apartidarismo ( Editorial NM,no.1,ano II,janeiro 1990)”. Tuir Jornalista Adelino Gomes ne’ebe fó sasin iha apresentasaun livru ne’e haktuir katak,”wainhira simu “Neon Metin” iha fulan Março tinan 1990”. Baseia ba editorial Neon Metin ne’ebe afirma nudar organizasaun estudantil “Apartidaria” no koincide ho estratejia Comandante FALINTIL Kay Rala Xanana Gusmao ne’ebe abandona Partido Fretilin. Jornal Público (JP) hakerek ho ninia titulu,” Xanana e Estudantes apartidariza (01/04/1990)”.
3. Lori Radio Emisora:
Iha biban ne’eba Estudantes sira aranja Radio Emisora ida husi Jakarta, haruka radio emisora ida ho ninia manual iha lian Engles. Tanba Dr. Rui de Araujo ka Agil hatene lian Engles, le no halo tuir manual radio nian, monta no desmonta. Secretario Geral RENETIL, Fernando La Sama de Araujo (Atual MEAS e Ministro Edukasaun), haruka Agil no Verissimo Gomes (Primo La Sama nian nudar soldado Marinir Brigif 5 Surabaya) lori radio mai entrega ba Comandante das FALENTIL Kay Rala Xanana Gusmão. Agil ka Rui de Araujo lori ninia antena no Verissimo Gomes lori ninia radio isin tomak. Dr.Rui de Araujo iha Dili hasoru malu ho Constancio Pinto alias Terus nudar Secretario Executivo Frenti Clandestina (Atual Vice MCIA), lao kalan ho taxi ba to’o fatin katuas Xanana nia abrigo iha residencia sra. Aliança de Araujo nian iha Lahane. Iha ne’eba mak Agil monta no desmonta radio emisora hodi hatudu ba Comandante FALINTIL Kay Rala Xanana Gusmão (10/05/1991). Iha biban ne’eba hetan kedan orientasaun husi Presidente CNRM/Comandante FALENTIL, atu durante visite DPP (Delegasaun Parlamentar Portugal), radio ne’e monta iha tore Igreja Motael, no Dr.Rui de Araujo ka Agil mak responsabiliza ba servisu ne’e. Orientasuan seluk ne’ebe Comandante Xanana ható ba RENETIL liu husi Agil mak hakerek ho liman ható ba diresaun Renetil iha Bali, Indonesia, sai hanesan dokumentu iha anexo Livru Carlos Saky nian ne’e (pajinas 692-693). Orientasaun liliu ba RENETIL no estudantes sira iha Indonésia konaba preparasaun ba visita DPP nian.
4. Prisaun Secretario Geral RENETIL La Sama 1991:
Depois de Massacre Santa Cruz, 12.11.1991, liu semana ida Militares sira kaer estudantes no secretario Geral RENETIL Fernando La Sama de Araujo, iha loron 24 .11.1991. Militares Indonesios sira mos foti dokumentus lubung ida inkluindu Bulitin Neon Metin. Iha ne’eba Militares sira deskonfia kedan, ema nain rua mak hatene no hakerek ho lian Portugues. Tuir Agil ka Rui de Araujo wainhira Militar sira kaptura La Sama, quase fulan nem (6) nia la tama Universidade. Tanba militar sira inqueritu La Sama no husu ba nia,”se se mak hakerek ho Lian Portugues”. Hatan La Sama,” hau mak hakerek”. Militares no Inteligencia Indonesia nian la fiar, sira deskonfia Lucas da Costa alias Rama Metan no Rui de Araujo alias Agil mak hakerek ho lian Portugues. Hatan La Sama,” Lucas iha Surabaya, oinsa mak ami hasoru malu hodi hakerek. Rui de Araujo, nia muda mai estuda iha Udayana hetan rekomendasaun husi Francisco Lopes da Cruz, oin sa mak ami bele servisu hamutuk”. La Sama,” asumi responsabilidade ba buat hotu, ikus mai convence inteligencia sira”. Liu fulan nem tiha, La Sama iha kadeia Lp. Cipinang haruka nota ida ba Rui de Araujo alias AGIL, dehan” livre ona no bele fila ba kampus”.
5. Kura Moras Sub-Estado Maior FALINTIL:
Iha tinan 1994 Rui de Araujo alias Agil konklui ninia formasaun nudar mediku. Iha biban ida, hafoin sai husi Misa iha Domingo. Foin sai missa, seidauk fila ba uma, teki-teki mosu Pe.Julio Crispim (militante RENETIL) ida, tula Dr.Rui de Araujo ka Agil ho kareta diresaun ba Baucau. Tanba Sub-Estado Maior das FALINTIL, Saudoro Alex Daitula moras. To’o iha Baucau, Pe. Julio tula Dr. Rui de Araujo ka agil ba Padre Salesiono sira nian no hasoru Pe.Rui Gomes. Depois iha kontaktus hotu ona ho estafeta no redes resistencia nian, kalan sira sai ho kareta ba to’o fatin saudoso Alex Daitula hela ba, Dr.Rui de Araujo alias Agil hasoru saudoso Alex Daitula nia ható boa noite comandante, maibe Saudoso David Daitula hasoru ema foun ladun fiar no deskonfia, depois Dr.Rui de Araujo ka Agil apresenta an nudar militante RENETIL hafoin “Saudoso David Alex Daitula hatan husi RENETIl”, no haktuir hau mos hakerek iha Neon Metin, Saudoso David Daitula haktuir,”ami mos Le Neon Metin”. Iha kontaktu entre Dr.Rui de Araujo ka Agil ho Sub-EM FALINTIL Saudoso David Daitula, hatudu katak relasaun diak ne’ebe mak RENETIL iha ho Frenti Armada, bele hare dokumentus lubung ne’ebe anexus iha Livru Carlos Saky nian konaba “papel RENETIL iha luta ba Libertasaun nacional”.

Ne’e mak sasin ne’ebe Companheiro (Camarada) Dr.Rui de Araujo alias Agil ninia envolvimentu nudar militante RENETIL. Ható iha apresentasaun Livru: “RENETIL iha Luta Libertasaun Nacional Timor-Loroaa’e: Antes Sem Titulo, Do Que Sem Patria”, autor Carlos Saky, iha loron Sexta-feira (22/05/2015) Museu da Resistencia, Dili, Timor-Leste!

António Ramos Naikoli
Militante RENETIL & membru CCR!

Dili, 24 de Maio de 2015!


Referensias:
  1. Dr. Rui de Araujo iha apresentasaun Livro, RENETIL iha Luta Libertasaun Timor-Lorosa:e: Antes Sem Titulo, Do Que Sem Patria!, Museu da Resistencia, 22.05.2014!;
  2. Carlos da Silva Lopes "Saky", RENETIL iha Luta Libertasaun Timor-Lorosa:e: Antes sem Titulo, Do que Sem Patria!;
  3. Bulitin Neon Metin (NM), no. 1, ano II, edisaun periudiku, janeiro 1990;
  4. Adelino Gomes (Jornalista Publico), ”Xanana e estudantes apartidariza dos partidos“, in Jornal Público, dia 01 de Abril de 1990.

Sem comentários:

Enviar um comentário

Nota: só um membro deste blogue pode publicar um comentário.