Membru PN Manuel Castro : Dissolve ADN

MOPTC Gastao de Sousa ho Deputado Manuel Castro

Deputado Manuel Castro (liman los) akompana husi MOPTC Gastao de Sousa (karuk) wainhira tama ba auditoriu Museu da Resistencia, Dili, Timor-Leste,Quinta-feira (14/05/2015) tuku 15:00 molok participa Programa Talk show Ita nia Governo ne'ebe sei transmite iha loron 15.05.2015, tuku 21 HTL (foto Doc. SECOM)!

Dili. Forum Haksesuk (FH). Deputadu Parlamento Nacional (PN) Manuel Castro husi Comisão E ne’ebe trata ba asuntus Infraestruturas haktuir katak,” dissolve Agencia Desenvolvimento Nacional (ADN) atu nune’e servisu teknikas nian fó hikas ba Obras Públicas nudar instituisaun teknikas estadu nian”, deklarasaun Deputadu Manuel Castro husi Partidu FRETILIN ne’e iha programa Talsk Show Especial “Ita Nia Governo” konaba infraestrutura realiza husi SECOM, Quinta-feira (14/05/2015) iha Muse Resistencia,tuku 15 to’0 16:30 Hora Timor-Leste (HTL). 

Haktuir tan Deputadu Manuel Castro, “tuir esperiencia no realidade iha terenu ADN sai fali obstakulus ba desenvolvimentu, emvez acelera maibe dificulta fali”, defende Manuel Castro. 

Iha parte hanesan Presidente CCI Timor-Leste Oscar Lima haktuir katak, ”husu atu Obras Públicas ho ADN kordena servisu atu nune’e atu implementasaun projetus iha terenus bele lao ho diak”. Tenik Oscar Lima, director Monte Veado, Lda, ”procesu husi fiskalizasaun to’o certifikadu pagamento dificulta no projudika companhias no setores privadus”.  

  

Ministro Obras Públicas, Transportes e Comunicações (MOPTC) Eng. Gastão de Sousa, katak, ”durante ninia mandatu nudar MOP iha tinan rua ho resin (2012-2014) sempre desenvolve komunikasaun diak ho ADN.Sempre konvoka encontro no ADN sempre hola parte”.

Fonte: SECOM