Futubol – Naturalizadu, Heberty Fernandes “Seguramente Timorense”

FH/17/05/2015

Heberty Fernandes De Andrade

Naran kumpletu Heberty Fernandes De Andrade, moris iha São Paulo, Brazil, 29 Agustu 1988 (tinan 26). Futubolista ho papel Medio Atacante (Gelandang Menyerang) no joga actualmente iha Klubu Ratchaburi Mitrphol FC (RMFC) iha TPL - Thai Premier League nian. Iha tinan kotuk nia konsege afirma nia estatuto nudar “pemain terbaik”, top skor ho 26 golus no lori nia equipa RMFC okupa 4° lugar iha tabela klasifikativa liga Thailandeza nian.

Heberty hetan BI (Bilhete de Identidade) foun nudar timoroan hafoin nia proposta ba governu Timor Leste hetan resposta positiva. Konfirmasaun ne’e nia rasik “fakar” sai ba publiku liu husi Media sira e ho haksolok nia hein ho larametin katak Selesaun Nasional (Selnas) Timor-Leste bele konta ho nia iha jogu internasional sira, ho maior expectative bele partisipa iha Kampionatu sira hanesan World Cup 2018 iha Russia, Asian Cup 2019 no AFF Suzuki Cup tinan oin mai.

Jogador ho numeru kamizola 37 ne'e asumi, seguramente,  katak agora nia “100% TIMORENSE” e aguarda ho expectativa nia partisipasaun iha Selnas.

“Agora hau 100% assume ofisialmente estatutu nudar sidadaun Timor-Leste. Konaba Selnas bolu hau ka lae, hau laiha serteza, maibe depois mak hare”, dehan Heberty ba Media sira (bele sani mos iha Goal Thailand, Football Channel Asia).

Curiosamente, Heberty hanesan mos futubolista sira seluk, alende ka’an tebe bola, mos nunka lakon kbiit hodi luta ba kareira no prestijiu iha mundo tebe bola nian, nebe nia rasik reconhece katak nia aventura no estatutu foun ne’e la’o tuir dalan nia maluk brazileiru Thiago Cunha joga iha Chonburi FC, nebe hetan uluk BI Timor nian.

Estatistika hatudu Selnas dominante ho jogador “naturalisasi” sira. Iha dadus, la ofisiais no exajeru, dehan 99% maioria husi Brasil. 

Issue ne’e rasik sei sai sentru polemika iha Timor-Leste nebe obriga “pecinta dan pemerhati” futubol sira hari’i sosiedade ida nebe hadomi duni BOLA ho intuito atu hadia hikas situasaun futubol Timor-Leste nian, nebe konsidera naksobu tiha ona, no hakarak partisipa (ho aktiva, efisiente no efikaz) iha dezenvolvimentu nasional (liliu iha setor futubol nian). Klibur ne’e forma ho naran AMANTE atu ejiji FFTL hala’o kna’ar lolos no kumpri pacto nebe mak sira rasik “reza” (honra) iha loron Tomada de Posse.

Iha AMANTE nia dokumentus mos konfirma numeru brazileiru naturalizadu Timorense sira, nebe hakerek dehan "Faktus hatudu katak, ekipa selesaun nasional ne’ebe reprejenta ita nia estadu nakonu ho jogadores marseneriu ka naturalizasaun, hodi desakredita tiha kapsidade joventude Timor oan ne’ebe iha vontade no iha mos kaulidade atu partisipa iha eventu nasional no interansional." 

Alende “naturalisasi” jogador sira, de facto, treinador Selnas nian mos maioria kontratadu husi Brasil. Akontese katak, hahu husi tinan 2010 Federasaun FFTL konvida ba dala uluk Clodoaldo Tavares Santana, tuir mai Emerson Alcântara, depois Antonio Carlos Vieira e agora mak  Fábio Joaquim Maciel da Silva.

Luis Figo, antigo jogador Selnas Portugal no agora kandidatu-an ba prezidensia FIFA defende e to’o agora nia mantem nia pozisaun sobre jogador naturalizado sira nebe dehan nia “laiha buat ida atu kontra jogador sira nebe reprezenta selesaun Portugal nian no la’os ema portugues." Maibe nia "kontra mak naturalizado sira tamba sira hasai tiha fatin ba jogador foin sae sira iha Selesauan Nasional".

FH/AFAF