Oecusse Sei Loke Odamatan Ba Desenvolvimento Nasional

António Guterres .
https://www.facebook.com/antonio.guterres.3?fref=ts

António Guterres

Hahu husi 2007 - 2014, governo sob lideransa Maun Boot XG nian hamosu planos i programas oi-oin atu kombate kiak, kria kampo de servisus, hasae kualidades edukasaun i saúde, aumenta produsaun agrícolas, tentativas atu dada investidores sira hodi mai investe iha ita nia rain, no seluk tan. Maibe, iha ninia totalidade, hau bele dehan, falha.

Maibe, hau admira tebes ho vantade i determinasaun Maun Boot XG nian atu buka solusaun alternativa hodi resolve problemas nasionais. Dalan ida mak, promove konsensu politiku ho principal partidu opozisaun, FRETILIN, sob lideransas Dr Mari Alkatiri i Dr Lu Olo nian. FRETILIN, naturalmente, nudar partidu libertador, iha responsabilidade politika no moral ba Nasaun ida ne'e. Ho prinsipiu fundamental ida deit katak libertar a patria i libertar o povo no relasaun emosional i historika entre sira, fasil tebes hetan konsensu politiku, no hetan apoio husi PR, Jeneral TMR. Triângulo politiku nee konsegue halo diagnostiku nasional ba máquina estado tomak! .

Realidade boot ida nebe labele ignora mak, durante ne'e, aktividade ekonomika Nasaun nian depende tomak ba Orsamentu Estadu. La iha equilíbrio entre despesas i receitas. OJE aumenta no hetan aprovasaun unanimidade maibe governo la konsegue exekuta hotu. Susar tebes atu atinge objektivus se governo falha iha implementasaun. Ho razaun ida ne'e, hau bele dehan katak, la existe ekonomia iha ita nia rain, iha mak ekonomia de importasaun i konsumo. .

Se Nasaun ida mak la produz, nia hili dalan atu sai atan ba Nasaun seluk. TL bele kiik maibe tenki iha ambisaun boot. Nasaun tenki produz hodi bele kompete iha merkadu. Difisil ba ita maibe laos impossível!.

Konjuntura politika foun nee ho objektivu atu hetan solusaun alternativa ba problemas iha leten. Ita hotu hakarak kombate kiak, hakarak hetan fatin ruma atu servisu, hakarak hare edukasaun i saúde ho kualidades, no seluk tan. Maibe, buat hotu tenki lao tuir modelo desenvolvimento ida! Tamba ne'e mosu konseitu: "polos de desenvolvimento". Hau fiar katak modelo desenvolvimento ida ne'e sei lori ka hamosu motivasaun no vontade ba ita atu kompete no kapasidades hodi produz. I ZEESM ne'e rasik halo parte iha modelo desenvolvimento ida ne'e. Passu ida atu ajuda estimula ita nia aktividade ekonomika no loke dalan ba fluxos komersiais. .

Existe opiniaun publika balun nebe define ZEESM nudar projecto deskriminativu no dehan katak Estado la hatene define prioridade. Balun dehan Orsamentu ba Oecusse boot liu. Balun fali dehan FRETILIN barak liu iha Distritos tolu (Baucau, Lospalos i Viqueque) maibe, FRETILIN lori fali osan boot ba desenvolve distrito ida nebe FRETILIN ituan deit. Iha nebe deit, klaro, kualker opiniaun publika merese respeito, maibe, ba se deit mak ukun ka hamrik iha projecto boot ida nia oin, nia ukun ka halo servisus ruma laos atu satisfaz ka halo kontenti deit opiniaun publika! Hau hanoin kuandu ita atu hahu buat ruma, ita iha objektivu ida. Atu to'o iha objektivu ne'e, ita lao tuir planos i programas. Los, ZEESM ne'e rasik mai ho konseitu ekonomia sosial de merkadu, signifika, komponente sosial mak sei sai alvo prioritáriu. Maibe, infelizmente, TL laos mesak iha mundo. Presiza konta ho ema seluk! Signifika hare mos dinamika merkadu nebe lao dadaun. Tamba merkadu nee duni mak kria desenvolvimento! .

Ho razaun iha leten, no hare husi dimensaun projectos ZEESM, Orsamentu Estadu nian nebe aloka ba regiaun ne'e kompletamente konstitusional i aceitável. .

Hein katak projecto ne é lori benefisius ba populasaun lokal no loke dalan ba regiaun seluk iha TL atu lao tuir. .

Viva Timor-leste, bem-vindo desenvolvimento! .

Obrigado!