VISAO MISAO OBJECTIVO SPORTIMOR FH KKN HOME FH LPV ARTIGOS FH MUZIKA LIA MENON FH RESPONDE

domingo, 12 de abril de 2015

Konferensia Asia Afrika: Husi relasaun Norte-sul ba relasaun Sul-Sul

Tuir Diplomacia RDTL, importante ka lae representasaun altu nivel Estadu tuir komemorasaun tinan 60 KAA?

Husi* António Ramos Naikoli


Iha tinan 60 ba kotuk 1955 Presidente Soekarno husi Indonesia, Nehru husi India no Nazer husi Mesir, sai nudar lideres sira ne’ebe destake iha sena internasional, tanba deit sira ninia posisaun anti-kolonialista no Imperialista. Sira hetan hanai husi parte balun no odio husi parte seluk. Husi povu sira iha Afrika no Asia liu husi Movimentus Libertasaun nasional, konsidere Soekarno, Nehru no Naser nudar sira nia ‘Herois”. Husi parte kolonialistas sira no iha kontestu “Guerra Fria”, konsidere nudar lideres sira ne’ebe “Persona non-grata” ba bloku rua ne’e hotu, tanba husi Bandung mak hamoris “Movimento nao-Alinhados ka Non-Blok” (1).

Deskolonisasaun ba ex-kolonias sira, liliu iha Asia-Afrika hahu iha tinan 60 no 70 sekulu XX. Husi konferensi Bandung, tinan 1955, tuir literatura politika Internasional, lori impaktus iha sistema politika internasional. Kausas husi deskolonizasaun iha Asia-Afrika relasionada ho dekadensia iha Europa, motiva husi Funu Mundial ba dahuluk (Primeira Guerra Mundial), krise iha tian 1929 no Funu Mundial ba daruak (Segunda Grande Guerra). Fatores sira ne’e hotu mak hamosu no fanun sentimentu nasionalista iha Asia no Afrika, inpulsionadu husi dekadensia Europa no Karta ONU nian, iha tinan 1945, ne’ebe rekonese ba Direitus Povu kolonizadu ba Autodeterminasaun. Pontu áas liu nasionalismu ne’e mak iha konferensia Bandung,iha fulan baril tiann 1955, ne’ebe motiva luta ba independencia.

Tuir Prof. Dr. João Gomes Cravinho, “O fim da Grande Guerra representa também o principio do fim para os imperios territórios europeus e o começo da implementação da ideia de autodeterminação dos povos, muito embora de forma extremamente desigual (tal como na actualidade), já que é uma ideia sem limites claros. O ideal de autodeterminação dos povos, correspondendo a noções liberais do século XIX, veio efectivamente revolucionar o sistema politico internacional (Cravinho, 2006.pag.99)”, (2).

Iha tinan ida ne’e Konferensia Asia-Afrika (KAA) halo ba dala 60, komemorasaun ne’e sei halo iha loron 18-24 de Abril de 2015. Atualiza Inspirasaun historika Konferensia Asia Afrika ho ninia prinsipiu mak:
  • Indepedencia ba Asia no Afrika;
  • Iliminasaun kolonialisme iha Asia no Afrika;
  • Hamosu Movimentu Nao-Alinhados iha kontestu Guerra Fria;
Komisaun Organizadora haruka ona konvite ba Nasaun iha Asia-Afrika hamutuk 109, rai 16 observadores, 25 organizasauns internasionais ba observa komemorasaun ne’e.

Xefis Estadus no Governus hamutuk 25 mak konfirma ona no participantes hamutuk 106 mak konfirma ona ninia presensa;

Indonesa liu husi Presidente Jokowi sei foti isus global no rejional.

Issu global:
  • Independencia ba Palestina;

Tuir deklarasaun husi Xefi Gabinete Presidente Jokowi Luhut Panjaitan katak, ”ne’e kompromisu eleitoral Presidente Jokowi nian durante kampane eleitoral ba Presidencial iha tinan 2014“. Hakerek agencia Antara,” Regarding the Declaration on Palestine to be issued at the commemorative conference, he remarked that it was the Indonesian Governments proposal and was also promised by President Joko Widodo during last years presidential election campaign (31/03/2015), (3)“. Tuir fonte Diplomatika iha Jakarta katak, ”Embaixador Palestina ba Indonesia pro-ativu liu husi loby ba Ministeriu Negocius Estranjeirus no gabinete Presidente Jokowi nian”.

Isu rejional:

Harmonia no paz rejional nudar isu importante ne’ebe sei foka iha komemorasaun ba dala 60 KAA .

Alem de ne’e, Indonésia liu husi Presidente Jokowi Konstrusaun rota maritime (jalur Maritime) husi Indonesia no liga ba ho rute Sutra husi China nian. Timor-Leste mos bele adapta estratejia ba tasi nian, tanba rai kiik maibe haleu ho tasi, buka iha estratejia ne’ebe adequadu atu responde ba oportunidade no ameasas externas.
  • Adesaun Timor-Leste ba ASEAN
Timor-leste iha komimetmentu atu adere ba ASEAN, kandidatura submete iha presidensia Indonesia nian iha tinan 2011, quase membrus hotu-hotu iha komitmentu simu Timor-Leste nudar membru, maske iha reserva husi parte Singapura. Tuir informasaun informal ne’ebe hetan acesu kataka Jokowi halo aproximasaun ona ba parte Singapura, atu labele tan sai obstakulus ba adesaun Timor-Leste ba ASEAN.

Importante ka lae Timor-Leste representa altu nivel estadu Tuir komerasaun tinan 60 KAA?

Tuir nota diplomatika ne’ebe mak Timor-Leste sei representa husi Ministru Negojius Estranjeirus no Koperasaun (MNEK) Hernani Coleho. Se Timor-Leste representa husi MNEK, ne’e implika iha pratika tuir encontro nivel Senior Officer Meeting (SOM) hare ajenda komemorasaun KAA ba dala 60: http://www.aacc2015.id (4);

Se Timor-Leste mak preside delegasaun husi PM Rui de Araujo ka Presidente Republika Taur Matan Ruak (TMR), iha ninia importante mak:
  • Presidente Republika ka PM participa iha nivel áas xefis Estadus no Governu nian
  • Hasoru Presidente Jokowi;
  • Bele mos iha importante Dr. Rui hasoru malu ho Xefis Estadus no Governus husi participantes komemorasaun KAA ba dala 60;
Maibe tuir deklarasaun Vice MNEK Roberto Sarmento ba Timor Post (11/04/2015), ”Presidente TMR ba tuir komemorasaun KAA ba dala 60 iha Indonesia (pajina 18)”, (5). Ho decisaun ida ne’e hatudu katak Estadu Timor-Leste analise importante husi impaktus ba relasaun politika externa nian iha kontextu global no rejional;

Koperasaun Norte-Sul:

Husi Bandung iha tinan 1955 hamosu estratejia koperasaun Norte-Sul, estratejia tuir 10 prinsipius Bandung, "estratejia Não-Alinhados" la konsegue implementa iha kontextu Guerra Fria, ne’ebe URSS no EUA kompete ba hetan areas ne’ebe sira nia influensia. Iha fatin konflitu “Leste-Oeste, Bandung hamosu konceitu konflitu Norte-Sul, espresaun ba mundu ne’be fahe ba rai riku sira no industrializadu no rai kiak exportadores produtos primarias (6) .

Tuir teoria dependensia, “ne’ebe ho ninia objetivu prinsipal esplika konaba desenvolvimentu iha sub-desenvolvimentu no manutensaun desequilibriu internasional iha materia fahe riku soin no funu halakon kiak (Cravinho, 2006, 190)”, (7).

Autores sira ne’ebe halo sira nia investigasaun akademika iha Ciencia sociais liliu iha kontextu teoria da Dependensia, hanesan Johan Galtung e Emanuel Walleristein. Autores sira ne’e, foka sira nia analise esplora partes estruturais, independensia provoka ruptura no desiquilibrius bo’ot iha sistema internasional.

Tuir Johan Galtung: “A dicotomia centro-periferia não se limita á divisão internacional do mundo em Estados. Dentro de cada estado existe um centro e uma periferia e, internacionalmente, o dominio é exercido de forma conjunta pelo centro de cada país (pag.190)” (8).

Interpreta ba analise Johan Galtung, hatudu realidade iha tinan 60 nia laran, rai sira ne’ebe mak kore an husi kolonialisme nia ukun, maibe moris iha desigualdade sosial iha rai sira foin independente;

Ba Emanuel Walleristein: “A existencia de múltiplas estados tem o efeito de facilitar o capitalismo internacional ao separar o plano de cidadania (e portanto obrigações e direitos em relação aos concidadãos) do plano do sistema economico (pag.193)”, (9).

Interpretasuan katak ho independensia nasuan foun, nega ba participasaun cidadaun iha prosesu konstrusaun estadu; Dala barak rai sira ne’ebe mak funu ba ukun rasik an, ikus implementa fali Estadu ditatorial, tanba fatores lubun ida. Jeoestratejika Mundial iha kontextu, la precisa se mak kaer ukun, basta rejime ne’ebe mak ukun favorece ba potencia ida ninia poder hetan rekonecimentu husi potensias mundiais sira, exemplo lider balun hanesan: Soeharto iha Indonesia, Marcos iha Filipina no seluk tan.

Relasaun Sul-Sul

Hafoin hakotu funu malirin ka Guerra Fria, hahu husi monu moru Berlin no perestroika iha antigo Uniao Sovietika. Rai sira ne’ebe sia husi Konferensia Bandung relasaun Norte-Sul, muda fali estratejia ba relasaun Sul-Sul. Tema central ba komemorasuan Konferensia Asia-Afrika ba dala 60. Tema centra komemorasaun KAA bad ala 60 mak: “Strengthening South-South Cooperation to Promote World Peace and Prosperity”.

Koperasaun Sul-Sul, Timor-Leste maske foin independencia tinan sanulu resin (2002), iha ninia responsabilidade nudar membru komunidade estadu-nasaun nian hatudu ninia responsabilidade no hatur moral iha ninia politika externa, materializa liu husi instrumentu sira hanesan:
  • Solidariedade ba rai no povu sira iha Asia-Afrika ne’ebe hasoru problema;
  • Timor-Leste ninia asistensia ba rai sira iha Afrika mak hasoru problemas, hanesan Guine-Bissau;
  • Timor-Leste fornese ba sai mediador ba resolve problema iha central Afrika;
  • TIMOR-LESTE SAI NUDAR CO-FUNDADOR BA G7+ NE’EBE HALIBUR RAI SIRA HUSI AFRIKA-ASIA NO PSIFIKU NE’EBE UKUN RASIK TANBA INSPIRASUAN HUSI BANDUNG TINAN 60 KOTUK. LIU HUSI G7+ HAMOSU “ A NEW DEAL FOR ENGAGEMENT IN FRAGILE STATES“ (10);
Elementus sira inumera iha leten mak sai nudar instrumentu politika externa Timor-Leste nian ne’ebe buka sosializa iha eventus internasional,mos iha festa komerasaun ba KAA ba dala 60. 

Iha VI Governu lidera husi PM Rui de Araujo, buka evita “overlapping” iha Diplomacia Timor-Leste nian. Imajen ne’ebe iha mak, iha instituisuan ka Ministeriu rua (2) mak halao lisuk knar diplomasia nian ka politika externa: 

1) MNEC halo diplomacia ba CPLP, atende konferensia, kampane tama ASEAN; 

Hare husi aspetu Institusional, diplomasia rai ida nian, MNEK mak halo iha kampu diplomasia. MNEK nudar liu husi ninia diplomatas sira espaila iha Nasaun sira hotu, promove interese nasional Timor-Leste nian kampu diplomasia. Wainhira iha surumutuk alto nivel iha ONU ka organizasauns internasionais sira ne’ebe hola parte Xefi Estadu ka Governu, MNEK nudar xefi Diplomasia nian akompana Presidente Republika ka PM. Instituisaun internasional hanesan ONU ka PBB rekonese ka regras normal MNEK mak lidera diplomasia. 

2) Ministeriu Finanças halo diplomacia promove g7+; 

Politika Externa ne’ebe mak promove husi Ministerio das Finanças (MdF) hatudu responsabilidade moral no promove responsabilidade Timor-Leste nian iha komunidade internasional. Dala ruma inspirasaun no influensia mai husi instituisaun financeiras internasionais hanesan Grupo Banku Mundial ne’ebe iha liu sira nia vokasaun no asaun espesializadas ba tulun rai sira husi pos-konflitus,iha setor sosial no desenvolvimentu ekonomika. 

Relasaun pesoal no Estadu

Iha loron 29 fulan Março tinan 2015, hakerek iha media Sosial Facebook.com, diriji ba PM Dr. Rui Araujo, ”Opinaun pessoal, diak liu Dr. Rui de Araujo participa iha komemorasaun KAA ba dala 60, tanba isus rua ne’ebe Presidente Jokowi foti ba komemorasaun KAA ba dala 60 relevante ho Timor-Leste, husi parte ida. Timor-Leste hatudu ninia komitmentu ba prinsipius solidariedade internasional, hakerek C-RDTL konaba “solidariedade no apoio ba Independencia ba Palestina no Sahara Ocidental”, (11). Hakerek iha C-RDTL sai hanesan preokupasaun moral ba Politika Externa Timor-Leste nian. Timor-Leste iha autoridade moral, atu koalia ba partisipantes iha komemorasaun KAA ba dala 60 katak prinsipius solidariedade internasional Isu Timor-Leste mos tama iha komemorasaun enquadra iha isu rejional, ”Adesaun Timor-Leste ba ASEAN”, nudar xefi Estadu ka xefi Governu ninia presensa haforsa diak liu tan visibilidade Timr-Leste nian. 

Aproximasaun Presidente Republika ka Dr. Rui de Araujo Ba Presidente Jokowi, relasaun personal mos importante no relasaun Estadu ba Estadu. Relasaun personal, determina no influensia ba relasaun Estadu ba Estadu. Presidente Taur Matan Ruak, PM Rui de Araujo ho Prezidente Jokowi ninia istilu lideransa hanesan. Sira hotu terenu kontaktu ho povu no sente direta saida mak povu presisa, parte ida. Parte seluk, tanto husi Presidente Jokowi, mos husi Presidente Taur Matan Ruak no Dr. Rui de Araujo, konstroe relasaun diak ho Media, neduni sira nia atividades sempre hetan kobertura maximu. Sira mesak hatene aproveita media nudar parceiru ba servisu hamutuk hodi divulga atividades ba interese publiku. 

Saida mak Eis -Presidente CNRT (Resistencia) no Comandante em Chefe das FALENTIL, Eis-PR no Eis-PM Kay Rala Xanana Gusmão desenvolve relasaun ho indonesia liu husi relasaun pessoal no influensia ba relasaun Estadu ba Estado; Tanba posisionamentu jeografika Timor-Leste obriga ita atu desenvolve politika “boa-vizinhança” ho rai sira ne’ebe mak besik, Indonesia ho Australia. Amigos bele hili maibe vizinhos permanente. 

Referensias

1) http://proftania-historia-historiar.blogspot.com/2011/10/resumo-descolonizacao-da-africa-e-da.html
2) Joao Gomes Cravinho,”Visões do Mundo. As relações Internacionais e o Mundo Contemporaneo”, 2006 (paginas 99 e 190);
3) Kantor Berita, 31.03.2015!
4) www.aacc2015.id
5) Taur partisipa Enkontru Asia-Afrika iha Indonesia, Timor Pos, edisaun Sabadu (11/04/2015) pajina 18!
6) https://cafedahistoria.wordpress.com/2013/08/22/independencias-na-africa-e-na-asia/
7) João Gomes Cravinho (idem);
8) Johan Galtun,” in João Gomes Cravinho (pagina 190)”;
9) Emanuel Wallertein, “in João Gomes Cravinho (pagina 193)” ;
10) http://www.g7plus.org/new-deal-document/
11) António Ramos: https://www.facebook.com/antonio.ramos.3939/posts/973098086034309?pnref=story


* Militante RENETIL no Membru CCR!

Sem comentários:

Enviar um comentário

Nota: só um membro deste blogue pode publicar um comentário.