RedFH/AFAF
 |
| Da Fonseca |
Jogu faze daruak apuramentu aziatiku nian ba Mundial 2018 fo hahu iha 11 Junhu 2015. Timor-Leste integra iha grupu A nebe sei hasoru Emirados Arabes Unidos, Arabia Saudita, Palestina no Malaysia.
Selnas Lafaek ba dala ida ne'e konsidera nia estreia absoluta iha faze apuramentu nian, uma vez que iha tinan 2010 (África do Sul) no tinan 2014 (Brasil) Timor falha iha faze inicial kualifikasaun. Tinan ida ne'e mak selesaun Lafaek konsege rezultadu positivu husi jogu rua "home and away" hasoru selesaun husi Mongolia.
Sorteiu nebe hala'o ohin iha Kuala Lumpur determina ona kalendariu jogu nebe sei fo hahu iha 11 de Junho 2015 no ramata iha fulan Marsu 2016.
Iha faze ida ne'e selesaun hamutuk hat-nulu (40) mak sei "hafetu-malu" hodi hadau fatin ba kualifikasaun, nebe tuir regumentus FIFA nian, so ekipa sanulu-resin-rua (12) deit mak sei semo ho passaporte ba Russia 2018.
Konaba grupu A, parece Timor-Leste mak unika estreante kompara ho Arabe sira nomos Malaysia. Malaysia nia futebol ita conhece tiha ona, maski iha nivel teoria dehan sira iha leten, maibe tatikamente Timor-Leste bele konfronta "man to man" konta ho experiensia jogu sira hasoru Malaysia molek ne'e. Hare ba selesaun tolu husi Arabe nian, sira nia "prestasi" mak desvantagem ba turma Lafaek sira.
Iha ne'e, depende ba kbi'it timoroan sira, claro e com certeza, ho motivasaun extra nudar estreante. Factor "sorte" mos konta hotu maibe team Lafaek konta liu ho kapasidade ekipa teknika sira husi Brasil ala Samba liderado husi Fabio Joaquim Maciel da Silva.
A Bola é redonda e Timor-Leste está pronto para o confronto e desta vez é mesmo a sério.
Avante Maubere!
Tuir hikas bele hare iha kraik ekipa husi selesaun 40 nebe integra iha grupu apuramentu zona aziatiku nian.
Grupo A: Emirados Árabes Unidos, Arábia Saudita, Palestina, Timor-Leste e Malásia;
Grupo B: Austrália, Jordânia, Tajiquistão, Quirguizistão e Bangladesh;
Grupo C: China, Catar, Maldivas, Botão e Hong-Kong;
Grupo D: Irão, Omã, Índia, Turquemenistão e Guam;
Grupo E: Japão, Síria, Afeganistão, Singapura e Camboja;
Grupo F: Iraque, Vietname, Tailândia, Indonésia e Taipé Chinesa;
Grupo G: Coreia do Sul, Kuwait, Líbano, Birmânia e Laos;
Grupo H: Usbequistão; Bahrein; Filipinas, Coreia do Norte e Iémen.
FH - www.forum-haksesuk.blogspot.com
Sem comentários:
Enviar um comentário
Nota: só um membro deste blogue pode publicar um comentário.