VISAO MISAO OBJECTIVO SPORTIMOR FH KKN HOME FH LPV ARTIGOS FH MUZIKA LIA MENON FH RESPONDE

terça-feira, 13 de janeiro de 2015

Avalaiasaun ba Atividades Ministerio das Obras Públicas iha tinan fiskal 2014 no preparasaun ba tinan fiskal 2015

Foto: PM Kay Rala Xanana Gusmao, akompana husi Ministro Obras Publicas no Diretor IGE, teknikus sira hafoin halo normaliza  ba mota Comoro kalan 20 Junho 2014, biban ne'ebe PM halo tinan  (foto dok. MOP 2014)
Dili, Forum Haksesuk (FH). Avalaiasaun ba Atividades Ministerio das Obras Públicas iha  tinan fiskal 2014 no  preparasaun ba tinan  fiscal 2015. Iha loron rua  ne’e, 14-15 Janeiro tinan 2015, iha Hotel Novo Turismo,  kada  Diresoens, Obras Públicas, Agua e Saneamento, Eletrecidades, Servicos Corperativas no agencia autonoma hanesan IGE (Instituto Gestão de Equipamentos). Ida-idak apresenta sira nia avaliasaun iha tinan 2014, saida mak alkansa ona, desafios saida mak hasoru no preparasaun planu diak liu ba tinan 2015. 

Tuir Plano Estrategica Desenvolvimento (2011/30), infraestrutura nudar setor importante  ba Desenvolvimento nacional hodi atinji ba meta mak, iha tinan 2030 Timor-Leste sei atinji ba   ninia desenvolvimento ho nivel rendimentu médio-alto.

Atu alkansa ba objetivo PED 2011/30, desenvolvimentu infraestrutura importante no fundamental. Programa V Governo Constituicional nudar dokumentu politika ne’ebe orienta ba atinji meta nne’ebe trasa ona . 

Exijencia ba Ministerio das Obras Públicas nudar instituisaun teknikas Estado nian  mak prestasaun servisu ne’be ninia resultadu hatudu husi qualiade obras,  ne’ebe nudar  preokupasaun husi Publiku ba Ministerio ida ne’e. Komunidade halerik ba Estradas, ba Bé mos, ba eletrecidades. Responsabilidad bo’ot  ba Ministerio ne’e bo’ot tebes, exijencia  ba ita hotu kumpri ita nia dever hodi servi ba Nasaun no alkansa moris diak ba ita nia povo.    

Tuir mai resumu husi Diskursu Ministro das Obras Públicas, ne’ebe foka liu ba internal instituisaun laran. Iha ministro nian,mak disciplina, ”ho evaluasaun loron rua ne’e, hau husu ba diresauns sira hotu  iha Obras Públicas nian buka disciplina no kordena servisu diak liu tan. Presisa hametin regras disciplina. Atua tuir Lei, Regulamentu, mak orienta ba servisu iha instituisaun nian”. “Husu ba funcionarius sira hotu, ”disciplina no etika” iha halao knar lor-loron nian,profisionalismu no responsabilidade”.   

Presisa hadia diak liu tan ita nia sistema administrativu, jestaun teknikus no servisu finansas sira. Presisa haforsa  kordenasaun no komunikasaun   ne’ebe seidauk la’o efetivu. Presisa hasae monitorizasaun no kontrolo qualidade iha ezekusaun projetu infraestrutura hotu. Nune ita bele hatur an iha koridor ida deit,mak atinji ba misaun no objetivu Ministerio Obras Públicas, liliu fó moris diak ba ita nia emar no prospero ba rai Timor-Leste”. 

Iha tinan 2014  Ministerio das Obras Públicas ninia exekusaun Orçamento atinji 91%, maibe presisa hakas an atu exekusaun ne’ebe iha nia qualidade,gasta osan maibe osan ninia valores ne’e vale ba obras ruma ne'ebe ninia beneficiu ba Povu no Nasaun. Haktuir Ministro das Obras Públicas,” Ita hotu hakas an hodi atinji ba exekusaun servisu to’o 100% iha tinan ida ne’e nia laran. Importante liu mak atividades hirak ne’e la’os de’it atu reflete gastu Orsamentu, maibe tenki demonstra duni resultadu projetu ho qualidade, ne’ebe bele garante ba beneficiu ba tempu naruk. Atu alkansa tarjetu ida ne’e, presisa duni ita hotu nia koloborasaun masimu no partisipasaun ativu”.
. 
Ministro mos foka ba reforma iha Ministerio laran no delegasaun kompetensia ba Obras Públicas iha nivel Distritais, tanba buka artikula no adapta ho programa Governu nian ba implementa Muncipius ne'ebe Obras Publicas nudar instituisaun teknikas nia papel importante. Iha tinan 2015 buka hare fila fali Leis no Dekretus Leis sira ne’ebe mak, halo alterasaun no proposta ba alterasaun ruma ne’ebe mak adequa ho realidade Obras Publicas nian. Haktuir Ministro, ”ita presiza hare fali ita nia DL no. 48/2012 no Lei sira seluk, hodi halo proposta, alterasaun no revisaun ruma, nune’e bele fó dalan ba Ministerio Obras Publicas hodi exekuta atividade hotu ho efetivu no efikás. Tempo to’o fó delegasaun kompetensias ba gestores distrius sira hodi halao knar infraestrutura iha nivel distritus no liga kedan b dezisaun governu nian atu harii Municipiu iha Timor-Leste”.  

“Sistema jestaun administrative buka hadia iha nivel birokrasia mak hamate effetividade servisu atendimentu publiku, liliu iha parte administrasaun, teknikus, lojistiku, transporte no finansas.Buka ninia solusaun ba simplifika iha atendimentu ne’ebe mak kompleksus”. 

"Buka mos hadia komunikasaun no kordenasaun external ho instituisaun sira ne’ebe mak servisu ba asegura qualidade ba obras hanesan ADN, MPS, CAN. 

Birokrasi naruk ne’ebe mak hasoru wainira exekusaun ba obras sira mak, birokrasia ne’ebe naruk,wainhira exekusaun obras to’o fase pagamento. Buka iha simplifika liu husi komunikasaun ho entidades sira relevante hanesan AND, MPS no Teisouro atu nune bele facilita ba pagamentos ne’ebe relaciona direta ho exekusaun Ministerio nia rasik".

 Ministro Obras Publicas Eng. Gastao de Sousa, wainhira akompana apresentasaun husi Diresauns sira hanesan Servicos Corperativos, Obras Publicas, Agua e Saneamento no PMU MOP nian, hateten katak," iha instituisaun laran ida-idak sei hatudu ninia ego, kada diresaun la koalia imi nian, ne'e laos ita nian, ne'e la los, obras Eletrecidade ne'e Ministerio Obras Publicas nian, obra estradas ne'e Ministerio nian, obras Agua no saneamento ne'e Ministerio nian. Laos ida-idak mai dehan ida ne'e mak o nian, ida ne'e mak ami nian. Ne'e la los dehan Ministro Gastao, hotu-hotu iha instituisaun ida deit, servi Nasaun no lori beneficiu ba ita nia povu", defende Ministro Gastao de Sousa.

"Ministro mos husu atu kontrolo no jere konaba viagen lokal no ujo ba veikulos ho marka kareta estadu. Buka estabelece mekanismu ne’ebe bele kontrolo ba kilometragen, combostivel, atu nune’e bele kontrolo uju ba interese publiku,servisu  ministerio nian". Supervisaun direta no kontinuo ba distritus sira, liliu obras sira ne’ebe mak halo ka halao iha terenu! 

Sem comentários:

Enviar um comentário

Nota: só um membro deste blogue pode publicar um comentário.