VISAO MISAO OBJECTIVO SPORTIMOR FH KKN HOME FH LPV ARTIGOS FH MUZIKA LIA MENON FH RESPONDE

sábado, 17 de janeiro de 2015

Hyundai husi Correia & AFCONS husi India mak hadau malu ba projetu Supply Base iha Suai


Foto: Ministro Gastao de Sousa,Ministro das Obras Publicas  (MOP)  & Ministro Alfredo Pires, Ministro Petroleo e Recursos Minerais (MPRM).Obras Publicas mak tutela ba projetu no Petroleum mak nain ba projetu (Foto Dok.FH 2013)

Dili, Forum Haksesuk (FH).  Mega Projetu Supply Base iha biban badak atu implementa dadaun ona, iha companhias Internacionais rua (2) Hyundai husi Correia do Sul & AFCONS husi India. Avaliasaun teknikas no financeiras hotu ona iha parte CNA (Comissão Nacional de Aprovisionamento) no submete ona ba Conselho de Ministro (CdM) hodi aprova ba Companhia ne’ebe mak preenche kriterius teknikus no financeiras tuir standar Internacional.  

Tuir publikasaun husi Ministerio Obras Públicas nian (https://www.facebook.com/obraspublicas2013) katak iha Sexta-feira (16/01/2015),” Mega projetu Supply base iha Suai iha biban badak Governo liu husi Conselho de Ministro (CdM) sei aprova, entre companhias rua (2) Hyundai husi Correia no  AFCONS husi India mak tama ona shorts list, decisaun ikus iha CdM mak apresia hodi hola decisaun baseia ba kreterius teknikus, financeiras, performence companhias sira nian iha halo projetus hanesan iha mundu, tanba tender internasional. Iha tinan kotuk Ministro das Obras Públicas halo surumutuk ho representante husi HYUNDAI Correia do Sul no iha loron Sexta-Feira, 16.01.2015 simu K. Subrahmanian  Vice Chairman & Managing Director husi AFCONS)".   

Foto: MOP Eng. Gastao de Sousa,akompana husi Diretor ADN, rona explikasaun husi Mr. K. Subrahmanian, Vice Chairman & Managing Diretor AFCONS, edificio MOP Sexta-feira 16/01/2015 (foto Dok.Gab.Media MOP 2015)


Iha mos fulan  Outubro tinan 2014, loron 28, delegasaun Companhia Hyundai mos halo surumutuk ho Ministro das Obras Públicas hodi koalia konaba interesse husi Companhia Multinasional husi Correia ne’e iha projetus infraestruturas iha Timor-Leste. Tuir Gabinete Média Ministerio das Obras nian haklaken katak,” Companhia HYUNDAI manifesta sira nia interese wainhira PM Kay Rala Xanana Gusmão halo vizita ba Correia do Sul iha fulan Junho tinan 2014”.
Foto: Ministro das Obras Publicas Eng. Gastao de Sousa, simu delegasaun husi Hyundai Correia, iha edificio MOP, Dili, TImor-Leste, 28.10.2014 (Foto Dok. Gab.Media MOP 2014)

 Fonte: Fanpage FB MOP: http://www.facebook.com/obraspublicas2013 !

Sem comentários:

Enviar um comentário

Nota: só um membro deste blogue pode publicar um comentário.