VISAO MISAO OBJECTIVO HAKSESUK BOLA FH KKN HOME FH LPV ARTIGOS FH MUZIKA LIA MENON FH RESPONDE

20141213

Timor-Leste, Estadu Independente *

Pierre-Richard Prosper
Parlamento Timor-Leste nian, foin dadaun ne’e foti resolusaun hodi hapara ba kontratus profisionais ba juizes internasionais sira ne’ebe mak halao knar iha setor Justisa. Deliberasaun ne’e buka hare hanesan pasu bo’ot ida hakat ba oin husi Timor-Leste ho sentidu ida ba ninia Ukun Rasik An no laos hasoru komunidade internasional.

Timor hatudu ba mundu katak hakarak duni manan sira nia ukun rassik an, mos iha poder judisial, hakotu knar majistradu internasionais sira ne’ebe nudar autor principal hodi hola decisaun iha prosesu sira no hasai knar husi sira, labele sai hanesan eskrutina deit, sira mak iha knar no kbiit ba sistema justisa Timor-Leste nian.

Nudar ema ne’ebe mak ba dahuluk halao knar nudar “Prokurador” iha tribunal penal internasional no nudar embaixador iha Administrasaun Bill Clinton no George Bush, iha responsabilidade hodi lidera esforsu tomak iha komunidade internasional ba desenvolve estadu direitu. Fó tulun no kordena asistensia tekniku-juridiku iha rai barak iha fase desenvolvimentu no iha situasuan post-konflitus, hanesan Ruanda, Camboja, Serra Leoa no Balcans.

No iha mos mandatu hodi rekrut ba rai sira ne’e advogadus no majistratura sira atu fó asistensia no desenvolvimentu ba kompetensia no promosaun ba responsabilizasaun. Hahu iha tinan 2000, ho diretrizes politika husi administrasaun Bill Clinton, haruka hau ba Timor-Leste atu desenvolve esforsu hotu-hotu ho hanoin ida atu harii sistema judicial Timor nian ne’ebe independente. Ita nia objetivu deklara ona atu rekrut peritus internasionais atu forma, akonsela no presta asistensia iha ambitu harii sistema justisa, mas laos atu lidera. Alias, komunidade internasional rejeita harii Tribunal Internasiona, maibe fó fiar ba Administrasaun interna ho sistema judisial ne’ebe fundamental.

Maske sensivel ho necesidade ba asistensia internasional, Nai ulun Timor oan sira nunka husik kesi metin ba total soberania ba setor justisa. Nune, ho tempo ne’ebe liu ona, juristas internasionais sira hahu iha knar ba kontrola konaba sistema judisial timor nian, hahu mosu, iha timor kultura ho total dependensia judisial. Dependensia ne’e konaba desenvolvimentu ba kapasidades judiciais internas iha Timor no nune lori juristas timor oan sira husik hela sira nia knar, husik ba juises internasionais ne’ebe iha esperientes liu. Hamosu kasu balun ne’ebe envolve juristas internasionais, revela momos sira nia inkapasidade, tanba sira nia atus laos nudar sindikatus tanba sira nia orgauns ne’ebe mak supervisiona sira dok tebes ho kilometrus rihun ba ribun.

Ladun mukit ba sistema Justisa ne’ebe moris ho tinan 250 litik ba demokrasia ne’ebe sei nurak. Husu atu sistema justisa ne’ebe “infalifel” harii sistema ne’ebe husi kalan ba loron hatudu katak postura ne’ebe Paternalistika. Sistema judisial europeus no Amerikanus, hatudu exemplus, precisan tinan naruk ho julgamentus, ho sala barak, kontroversial no reforma atu manan aceitasaun no konfiansa ba sistema rasik, maske nune, seidauk do’ok husi perfeisaun.

Parlamento Timor nian, hola perspetiva ida ba tinan naruk nian ho sentidu independencia, hola medidas hasoru sala sira ne’ebe komete husi juristas nasionais no internasionais no harii komisaun independente ida ne’ebe mai husi peritus internasionais no nasionais ne’ebe sei ba halao auditoria ba sistema judisial.

Timor hatudu pasu bo’ot ida ba oin ho sentido ba kontrola ninia futuru no tenki basa liman ba progresu ne’e!

(*) PIERRE RICHARD PROSPER, Representa o Governo de Timor-Leste em vários assuntos jurídicos
Fonte: http://economico.sapo.pt/noticias/timorleste-estado-independente_207785.html
Tradusaun husi Portugues ba Tetum: António Ramos Naikoli

Sem comentários:

Enviar um comentário

Nota: só um membro deste blogue pode publicar um comentário.