Resolusaun PN suspende Tratada Tasi Timor hodi hahu fali Nrgociasaun konaba definisaun definitiva ba Fronteira Maritima

Dili. Parlamento Nacional (PN) iha Sexta-feira (24/10/2014) hasai Resolusaun hodi hapara CLIMATs, tratadu Tasi Timor ne’ebe mak Governu Timor-Leste no Australia asina iha tinan 2002. Resolusaun Parlamento Nacional  No. 12/2014, 24 de Outubro 2014, konaba, ”Sobre o apoio ao Governo para a criação de um Conselho Especial para a delimitação  definitiva das fronteiras marítimas”.

Ho Resolusaun PN ne’e, signifika Tratadu Tasi Timor tama ba destake zero, buka hahu fali tratadu foun ba rai rua. Loke dalan ba rai rua atu negocia fali tratadu ba Tasi Timor no defini fali Fronteira Maritima.

Hakerek Resolusaun PN nian, ”Tratadu ne’ebe mak celebra husi Governu Timor-Leste ho Australia konaba Tratadu Tasi Timor no CMATS, ne’ebe la permite halao knar nudar Timor-Leste ninia poder soberanu, ne’ebe rekonece tuir Direitu Internacional”.

Ba Timor-Leste ho definisaun definitiva konaba Fronteira Maritima, mak bele lori benficiu ba povu Timor-Leste. Tuir Resolusaun, ”Timor-Leste hanoin katak ho delimitasaun definitiva fronteira maritima husi rai rua, hanesan solusaun ne’ebe aceite husi parte hotu, tanba ne’e mak hatan ba aspirasuan povu nian no ne’e mak solusaun ne’ebe kapaz hodi permite dezenvolvimentu ekonomika ne’ebe  tomak ba Nasaun”.

Tuir Tratadu Tasi Timor no CMATS iha tinan 2002, fronteira Maritima ne’e só bele haksesuk malu hodi delimita fali Fronteira rai rua nian, hafoin tinan 50. Hafoin tinan 12 Restaura Ita nia Independencia, hela tinan 38 atu kumpri Tratadu Tasi Timor no CMATS, Resolusaun Parlamento Nacional  hodi “delimita definitiva ba Fronteira Maritima”. Sa konsekuensia, hare husi aspetus ekonomika, politika no social ba Timor-Leste!