VISAO MISAO OBJECTIVO HAKSESUK BOLA FH KKN HOME FH LPV ARTIGOS FH MUZIKA LIA MENON FH RESPONDE

20141028

Resolusaun PN: Xoke ho Konstituisaun RDTL?

Uma Fukun Parlamentu Nasional
Resolusaun publika ona iha Jornal da Republica, agora kabe ba CSMJ (Conselho Superior Magistratura Judicial) baseia ba Resolusaun rasik, aplika tuir termu de Lei ne’ebe vigora.

Ninia impaktu politika mak Ministerio da Justiça komunika ona ba Estado Portugal liu husi karta ba Presidente da Republica no Primeiro-Ministro de Portugal. Razaun tanba barak liu ajentes juridikus sira nebe afetadus mai husi Portugal.

Agora Resolusaun konaba auditoria ba Agentes judiciaria sira mos liga situasaun rua ne’ebe konsidere nudar interese nasional ne’ebe bot liu. Ida mak, Tratadu Tasi Timor. Seluk mak kasus ne’ebe Estadu Timor-Leste hasoru kompanias mina nian iha Tribunal Distrital Dili.

Ispiritu Konstitusaun mak: defende interese nasional ne’ebe bot liu interese grupos; soberania nasional no direitu ekonomika povu nian.

Tuir Forum Haksesuk nia hare Resolusaun PN la Xoke ida. Xoke Intereses grupos estebeleidu ona, sim, ne’ebe beneficiu ba grupos kiik oan ida. Kasu konkretu: iha kasu 16 ne’ebe mak Estado vs Kompania Mina husi rai liur, Estado lakon hamutuk Milaun 36 Dolares Americanos (US% 36 M). Tuir Tratado Tasi Timor, kompania viola duni, maibe Estado nudar parte ne’ebe sai prejudikadu iha kasu ne’e mak sai lakon no impaktu prejuizos financeiras ba Estado.

Justiça iha hodi foti decisaun ba interese Estado no povu nian, laos hola decisaun ne’ebe la justu, nune mak xoke ho Konstituisaun RDTL.

Se Resolusaun foti ho base ba interese nasional ne’ebe bot liu mak soberania nasional no interese povu tomak nian, ne’e kumpri duni ispiritu Konstituisaun RDTL!

Dili, 29.10.2014
Editorial Forum Haksesuk!

Sem comentários:

Enviar um comentário

Nota: só um membro deste blogue pode publicar um comentário.