VISAO MISAO OBJECTIVO SPORTIMOR FH KKN HOME FH LPV ARTIGOS FH MUZIKA LIA MENON FH RESPONDE

terça-feira, 21 de outubro de 2014

Ho ZEESM Obras Públicas hetan fali ona fiar husi Estadu nudar instituisaun teknikas

Estrada Timor Leste
Dili. Ministerio das Obras Públicas (MOP) ne’ebe tutela ba instituisaun teknikas iha RDTL hahu hetan fiar husi Estadu liu husi Governu nudar instituisaun teknikas. Ministerio Obras Públicas iha projetu pakotes 3 mak atu implementa dadaun iha Oecusse ho total osan besik +- US 100 Milaun Dolares Amerikanus, liu husi proses selesaun ba dokumentus ne’ebe submete husi kompanias sira hamutuk komponias 19 ba pakote 3, equipa teknikas husi Ministerio das Obras Públicas halo avaliasaun tuir kriterius teknikas, financeiras no esperiensia iha tender internasional.

Huis 19 kompanias ne’ebe submete sira nia proposta teknikas no financeiras, konsegue pasa iha selesaun kompanias 2 ba Pakote I, kompania 2 ba Pakote II no kompanias 3 ba Pakote III.

Iha semana kotuk, Ministerio das Obras Públicas konvida NPC (National Procurament Comission) no ZEESM (Zona Economica Especial Social e Mercado)  hahu loke proposta financeiras ba pakote I,II e III.

Tuir informasaun husi fanpagen MOP nian haktuir katak :
Ministerio das Obras Públicas (MOP) iha ninia dedikasaun ba obras sira ne’ebe mak sei implementa iha Oecusse iha pakotes III. Pakote I, rehabilitasaun Estrada nasional, husi Sakato-Pante Makassar, Pakote II, Pante Makassar- Pasar Tono no Pakote III, Ponte Tono. Selesaun ba dokumentus sira iha kompanias no sira nne’ebe ninia proposta liu tuir kriterius teknikas, financeiras no rekursus humanos mak liu. Iha loke analiza ba proposta financeiras, ne’ebe direji direta husi teknikus MOP no NPC (National Procurament Comission) iha edificio MOP, kompanias sira ne’ebe mak liu selesaun no loke sira nia proposta financeiras mak: Pakote I, kompanias rua (2), PT. Hutama Karya,husi Indonesia & PT. Waskita Karya, husi Indonesia. Pakote II, iha kompanias rua, PT. Hutama Karya (Persero) Indonesia & China Camc Engineering Co. Ltd, China. Pakote III, kompanias tolu (3): PT.Adhi Karya (Persero), PT.Hutama Karya (Persero) no PT.PP (Persero )TBK, hotu-hotu husi Indonesia (21/10/2014)”.  
Hakerek tan Fanpage MOP nian, "Iha Pakote I, PT. Hutama Karya (Persero) Tbk, apresenta proposta ho total montante US$ 45,082,000.00 USD no PT. Waskita Karya (Persero) Tbk hatma proposta ho montante US $ 41,272,263.00 USD;

Iha Pakote II, proposta financeiras kompanias mak, PT. Hutama Karya (Persero) Tbk ho total montante US$ 35,020,300.00 USD no China Camc Engineering Co. Ltd, China ho total montante US$ 33,555,359.38 USD;

Pakote III, kompania PT. Adhi Karya (Persero) Tbk ho total montante US$ 17,218,000.00 USD, PT. Hutama Kaarya (Persero) Tbk ho total montante US$ 27,683,769.00 USD no PT. PP (Persero) Tbk ho montante total US$ 18,946,538.00 USD (idem)”.

Depois selesaun no analise ba folin sira ne’e hotu, husi Obras Públicas, ZEESM no NPC, hafoin teknikamente rekomenda ba Conselho de Ministro mak hola decisaun hodi atribui ba kompania ne’ebe mak halo servisu iha obras sira ne’e.

Tuir estatuto Zona Economica Esclusivu ba Oecusse, autoridade ZEESM iha knar tomak hodi hili konsultan sir aba supervision projetus fisikus sira ne’e. Tuir informasaun katak iha kompania konsultan rua (2), husi Portugal mak sei supervision ba projetus fisikus iha Oecusse, atu nune evita konflitus intereses.

Ho projetus ZEESM Obras Públicas hahu hetan fali ona fiar nudar instituisaun teknikas Estado nian. Ho pakotes 3 ne’e, Ministerio Obras Públicas hatudu ninia kapacidade teknikas ba  halo tender ba projetus bot ho montante Milaun Lima Dolares Amerikanus ba leten (US $5, 000,000.00), tanba durante ne’e ho montan ne’e fiar hotu centraliza iha NPC, maibe ho pakote 3 ba Oecusse, Obras Públicas hatudu kompetensia teknikas no profisional.  
Dili, 22.10.2014

FH Dili!
Referensia: Fanpage MOP:

Sem comentários:

Enviar um comentário

Nota: só um membro deste blogue pode publicar um comentário.