Lensa Indonesia husu deskulpa ba PM Xanana no Povu Timor-Leste

Husu Dewan Pers foti medidas hasoru Lensa Indonesia 

Dili. Wainhira mosu pelemika ne’e Forum Haksesuk ható kedan ninia preokupasaun tanba  hare husi ninia titul ka judul; kontiudu rasik katak iha kontradisaun  ne’ebe Lensa Indonesia  komete, hare husi pontu de vista jornalisme.  Lensa Indonesia komete duplu erus, la kumpri kriterius jornalisme, parte ida. Parte seluk, ho noticias ne’ebe falsu provoka tensaun husi Nasaun no rai rua. Iha editorial Forum Haksesuk iha loron 08 Fulan Outubru tinan 2014, ”Governu Timor-Leste husu esplikasaun  ba Lensa Indonesia nia hakerek (FH,08/10/2014) (1)”.  

Governu Timor-Leste liu husi Vice Ministru Negocius Estranjeirus (MNE) no husi parte Govenu Indonesia, liu husi Vice Ministru Defesa fó esklarecimentu.

Governu Timor-Leste, liu husi Vice MNE Constancio Pinto mos, kritika ba publikasaun ne’e rasik, cita www.aktual.com, “Kementerian Luar Negeri dan Kerjasama Timor-Leste mengutuk keras tindakan jurnalisme yang tidak bertanggung jawab dan tercela yang dapat mencemarkan dan membahayakan hubungan baik yang telah terjalin antara Timor-Leste dan Indonesia (09/10/2014) (2)”. 

Husi parte Governu Indonesia liu husi Vice Ministru Defesa (Wamenham) Sjafrie Sjamsoeddin, haktuir no cita www.aktual.com, ”Saya ingin mengarisbawahi bahwa wacana (pemberitaan) yang disebutkan dalam tagline (media) itu, tidak ada (3)”.

Dewan Pers Nudar orgauns ne’ebe apropriadu ba regula funsionamentu Media no jornalistas sira, atu hola medida hasoru Lensa Indonesia no Jornalista ne’ebe hakerek noticias falsu ne’e.

Lensa Indonesia husu deskulpa tanba  publika noticias ne’e falsu, atu husu deskulpa ba PM Xanana Gusmão no povu Timor-Leste! 

Dili, 09.10.2014!
Editorial Forum Haksesuk!

Referensias:

1) Forum Haksesuk : Governu Timor-Leste tenki husu esklaresimentu konaba Lensa Indonesia nia hakerek

http://forum-haksesuk.blogspot.com/2014/10/governu-timor-leste-tenki-husu.html?spref=fb

2) Timor Leste: PM Xanana Tak Pernah Ucapkan Ingin Bergabung ke Indonesia

http://www.aktual.co/internasional/timor-leste-pm-xanana-tak-pernah-ucapkan-ingin-bergabung-ke-indonesia

3) Wamenhan Sjafrie: PM Xanana Gusmao Tidak Pernah Bicara Bergabung Indonesia

http://www.aktual.co/politik/wamenhan-sjafrie-pm-xanana-gusmao-tidak-pernah-bicara-bergabung-indonesia