Le didiak ba kontiudu noticias ne’ebe lansa husi Lensa Indonesia no Iha buat tolu (3) mak analize didiak: 1) Titulu ka judul; 2) pergunta ka pertanyaan; 3) Resposta ka jawab.
1) Tuir Judul ka titulu
”Xanana Gusmao: Timor Leste harus kembali gabung Indonesia”.
Konaba judul Noticias, sensasional no ladun koresponde ba kontiudu ne’ebe PM Xanana hatan ba pergunta. Pergunta ka pertanyaan husi Jornalista Lensa Indonesia. Lensa Indonesia mak responde rasik. Iha ne’e hatudu kontradisaun mak: Jornalista husu pergunta tanba ninia notisias elabora ona no jornalista rasik mak hatan. Oinsa mak bele sai notisias?
2) Pergunta jornalista Lensa Indonesia
Pergunta ka pertanyaan ne’ebe Lensa Indonesia husu ba PM Xanana ho bahasa Indonesia mak:
“Disinggung tentang kemungkinannya Timor Leste bergabung dengan pemerintah Indonesia, setelah berpisah dari NKRI, selama 15 tahun. “Timor Leste harus bergabung dengan Indonesia”.
3) Resposta PM Xanana ba pergunta
Tuir hakerek Lensa Indonesia, nia husu pergunta ka pertanyaan iha leten, PM Xanana hatan mak ne’e:
“kami butuh pemimpin baru,” tegas Xanana Gusmao”.
PM Xanana la hatan ba pergunta ne’ebe mak Jornalista Lensa Indonesia husu, maibe PM Xanana refere liu ba Lider ka pemimpin baru ka foun, ne’ebe referensia ba lideransa foun Indonesia nian.
Lensa Indonesia iha duni tendensia, husi pergunta no elabora noticias ka berita rasik. Ne’ebe sira rasik prepara ona. Ne’e mak manipulasaun Lensa Indonesia nian, ne’ebe hakarak halo sensasional hodi foti isu bot maibe la koresponde ba kontiudu husi notisias hare husi pontus tolu leten.
Ho noticias ida ne’e, orgaun official Timor-Leste, liliu Ministeriu Presidencia Conselho de Ministru nudar porta voz Governu nian, husu esklarecimentu ba Governu Indonesia liu husi orgaun apropriadu ne’ebe regula ba media iha Indonesia konaba noticias ne’ebe tendencioso ne’e. Ne’ebe husi parte Forum Haksesuk nia hare no hanoin bele prejudika relasaun diak Nasaun no povu rai rua nian!
Dili, 08.10.2014
Editorial Forum Haksesuk!
Referensi: Lensa Indonesia
http://www.lensaindonesia.com/2014/10/07/xanana-gusmao-timor-leste-harus-kembali-gabung-indonesia.html#r=bacajuga
Sem comentários:
Enviar um comentário
Nota: só um membro deste blogue pode publicar um comentário.