VISAO MISAO OBJECTIVO SPORTIMOR FH KKN HOME FH LPV ARTIGOS FH MUZIKA LIA MENON FH RESPONDE

domingo, 24 de agosto de 2014

Vizita Prezidente SBY akompana ho 11 Ministrus hahu vizita loron rua mai Timor-Leste

Dili. Prezidente Susilo Bambang Yudiyono (SBY)  akompana husi Ministrus 11 husi Gabinete to’o ohin Dili, segunda-feira (25/08/2014).

Iha vizita Prezidente SBY  durante loron rua (25-26 Agosto) sei halao agenda lubun ida. Tuir agenda Prezidente SBY  iha Segunda-feira (25/08/2014) sei ba tau aifunan iha St. Cruz no TMP (Taman Makan Pahlawan) . Terça-feira (26/08/2014)  dadersan tuku 10:00 sei halao vizita Estadu ba Palacio Presidencial hasoru malu ho Prezidente RDTL TMR (Taur Matan Ruak), sei halao cerimonia lançamento fatuk ba konstrusaun Centru kultural Indonesia nian. Parte loraik, Prezidente SBY sei halo vizita trabalho ba Palacio Governo no hasoru malu ho Primeiro-Ministro Kay Rala Xanana Gusmão akompana husi gabinete V Governo Constitucional. Tuir agenda, sei asina MOU (Momerandum of Understanding), hamutuk Protokolo koperasa 4 mak sei asina.

Alem de agenda official Estado no Governu nian, Primeira Dama (PD) Timor-Leste Dra. Isabel Ferreira mos sei simu  Primeira Dama RI nian, hodi halo atividades sociais hanesan inagurasaun ba eskola Pintar ne’ebe hetan servisu hamutuk husi Gabinete PD RDTL no gabinete PD RI nian.

Iha Quarta-Feira (27/08/2014) Prezidente SBY ho delegasaun sei fila ba Indonésia, no iha loron Quinta-feira (28/08/2014) sei halo encontro ho Prezidente RI eleitu Jokowi hodi koalia konaba preparasaun ba Governu transisaun husi Governu SBY ba Governu Jokowi (Metro TV, 25/08/2014). 

Iha loron Sexta-Feira (29/08/2014)  Prezidente SBY sei loke  Bali Democracy Forum (BDF)  ba dala VII, sei hola parte mos Primeiro-Ministro RDTL Kay Rala Xanana Gusmão ne’ebe hola  desde BDF ba dala uluk iha fulan Dezembru tinan 2008, Eis-Prezidente   Koreia no Sultan Brunei! 

FH

Sem comentários:

Enviar um comentário

Nota: só um membro deste blogue pode publicar um comentário.