VISAO MISAO OBJECTIVO SPORTIMOR FH KKN HOME FH LPV ARTIGOS FH MUZIKA LIA MENON FH RESPONDE

sexta-feira, 11 de julho de 2014

Rehabilita estrada Dili-Ainaro

Hahu implementa projetu Imprestimu husi Banku Mundial

Dili, Forum Haksesuk (FH). Governu liu husi Ministerio das Obras Públicas (MOP) hahu implementa projetu fisikus sira ne’ebe hetan imprestimus ka loan husi Banku Mundial. Segunda-Feira, dia 14 de Julho de 2014, tuku 14: 00 Loraik, sei halo lançamento ba projetu Rehabilitasaun Estrada Dili- Ainaro, ne’ebe sei halao iha Laulara, Sub-Distritu Laura, Distritu Aileu.

"Estradas ne’ebe liga Distritus 3 hanesan Dili-Aileu no Ainaro, nudar koridor importante ba sirkulasaun ekonomika no beneficius sosial ba povu. Mos estrada sira ne’e nudar koridor central ne’ebe liga ba parte kosta sul nian ne’ebe sei desenvolve iha setor agrikultura, turismo no mos projetu tasi-mane ne’ebe sei foka ba industria mina rai nian", tuir komunikadu ne'ebe mak FH hetan acesu.

Projetu Estrada hola parte iha implementasaun ba Planu Estratejika ne’ebe hahu iha tinan 2011-2013, iha ne’ebe fó hanesan perioridade ba rehabilitasaun estradas nudar sector chave, iha ne’ebe flutuasaun husi bé no drenajen ne’ebe ninia problema hun mai husi udan bot.

Rehabilitasaun estradas Dili-Ainaro, fahe ba lote 4, rehabilitasaun dala uluk ba lote ida 10 Kms husi Merkadu Halilaran Dili ba Laulara Sub-Distritu Laulara, Distritu Aileu. Konstrusaun kompletu ba estrutura, hadia drenajen no hadia ninia pavement sira. Projetu ne’e mos support husi visibilidade estudos no detail desain ba probabilidade ba loke tan links ba futuru estradas liga ba Dili-Ainaro.

Serimonia lansamentu ne’e preside husi Ministro das Obras Públicas (MOP) Eng. Gastão de Sousa, Komisaun E Parlamento Nacional (PN), autoridades lokais, husi Distritus Dili no Aileu. Husi parte Banku Mundial representa husi Sr. Franz Drees-Gross, World Bank Country Director for Papua New Guinea, Timor-Leste, and the Pacific Islands no agencia iha Dili Sr. Luis Constantino. No mos parceiru husi Desenvolvimentu sira hanesan: JICA; ADB, no sel-seluk tan.

Tuir Ministro Obras Publicas (MOP) Eng.Gastao de Sousa katak,

“Rehabilitasaun Estradas lori beneficiu ekonomika no social ba estadu no populasaun. Ho Estrada diak, populasaun bele cirkula no lori produsaun ba merkadu, acesu ba objetu turistiku no acelera desenvolvimentu ekonomika, hasae qualidade moris ba ita nia emar no ninia beneficia social mak acesu ba edukasaun no saude”.

Total Orçamento ba rehabilitasaun Estrada Dili-Ainaro, mai husi fundus Banku Mundial hamutuk 60 Milaun Dolares Amerikanu (40 Milaun osan imprestimu no 20 milaun ajuda) no fundu kontra partida husi Governu ho total 55 milaun husi fundus infraestruturas.

Lote um ho total 10 Km ne’e ho financiamentu ajuda ka grant husi Banku Mundial ho total montante US$ 11, 03 Milaum no exekusaun ba obra ne’e sei halao husi kompania “China Shandong International Economic and teknikal Cooperation Group”. FHDili

Sem comentários:

Enviar um comentário

Nota: só um membro deste blogue pode publicar um comentário.